ಲಕ್ಷ್ಮೀ ವರದರಾಜ ಸ್ವಾಮಿ ಬ್ರಹ್ಮರಥೋತ್ಸವ

ಟೇಕಲ್: ​ಇಲ್ಲಿಗೆ ಸಮೀಪದ ಶ್ರೀ ಲಕ್ಷ್ಮೀ ವರದರಾಜ ಸ್ವಾಮಿ ಬ್ರಹ್ಮರಥೋತ್ಸವ ಸೋಮವಾರ ಭಕ್ತರ ಸಮ್ಮುಖದಲ್ಲಿ ಅದ್ದೂರಿಯಾಗಿ ನೆರವೇರಿತು.

ಶಾಸಕ ಕೆ.ವೈ.ನಂಜೇಗೌಡ, ವಿಧಾನ ಪರಿಷತ್​ ಸದಸ್ಯ ಎಂ.ಎಲ್​.ಅನಿಲ್​ ಕುಮಾರ್​, ತಹಸೀಲ್ದಾರ್​ ರೂಪಾ ರಥೋತ್ಸವದ ಮೆರವಣಿಗೆಗೆ ಚಾಲನೆ ನೀಡಿದರು.

ರಥೋತ್ಸವದ ಅಂಗವಾಗಿ ವರದರಾಜಸ್ವಾಮಿಗೆ ಮುಂಜಾನೆಯಿಂದ ವಿಶೇಷ ಪೂಜಾ ಕಾರ್ಯಕ್ರಮ ನಡೆಯಿತು. ಭಕ್ತರು ದೇವಾಲಯಕ್ಕೆ ಆಗಮಿಸಿ ಹರಿಗೆ ತೀರಿಸಿದರು. ರಥೋತ್ಸವ ಸಾಗಿದ ದಾರಿಯಲ್ಲಿ ಭಕ್ತರ ದಾಹ ನೀಗಿಸಲು ಕೆಲ ಸಂ&ಸಂಸ್ಥೆಗಳವರು ಪಾನಕ, ಮಜ್ಜಿಗೆ, ಕೊಸಂಬರಿ ವಿತರಿಸಿದರು. ದೇವಾಲಯಕ್ಕೆ ಆಗಮಿಸಿದ್ದ ಭಕ್ತರಿಗೆ ಪ್ರಸಾದ ವ್ಯವಸ್ಥೆ ಮಾಡಲಾಗಿತ್ತು.

ಜಿಲ್ಲಾ ಪಂಚಾಯಿತಿ ಮಾಜಿ ಅಧ್ಯೆ ರತ್ನಮ್ಮ ನಂಜೇಗೌಡ, ಕೃಷಿಕ ಸಮಾಜ ಅಧ್ಯಕ್ಷ ಆನೆಪುರ ಹನುಮಂತಪ್ಪ, ಗ್ರಾಪಂ ಅಧ್ಯಕ್ಷ ಸುಧಮ್ಮ ಗೋವಿಂದರಾಜು, ಮಾಜಿ ಅಧ್ಯಕ್ಷರಾದ ಮಂಜುನಾಥ್​, ರಾಮಮೂರ್ತಿ, ಸಂದೀಪ್​, ಅರ್ಚಕರಾದ ಎಂ.ರಾಜೀವ್​, ರಮೇಚಾರ್​, ಮುಖಂಡರಾದ ವೆಂಕಟೇಶ್​ಗೌಡ, ಬನಹಳ್ಳಿ ಸತೀಶ್​, ಯಲವಗುಳಿ ಸತೀಶ್​, ಬಂಡೂರು ಡಾ.ನಾರಾಯಣಸ್ವಾಮಿ ಇದ್ದರು.