ಸಾಂಸ್ಕೃತಿಕ ನಗರಿಯಲ್ಲಿ ಕೆರೆಗಳು ಮಲಿನ

ನಗರ ಹೊರವಲಯದಲ್ಲಿರುವ ತಿಪ್ಪಯ್ಯನಕೆರೆ, ವರುಣ ಕೆರೆ ಸೇರಿದಂತೆ ವಿವಿಧ ಕೆರೆಗಳಿಗೆ ಒಳಚರಂಡಿ ನೀರು ಸೇರುತ್ತಿದ್ದು, ಇದನ್ನು ತಡೆಯಲು ಯೋಜನೆ ರೂಪಿಸಲಾಗಿದೆ. ಅದಕ್ಕಾಗಿ ಕ್ರಿಯಾಯೋಜನೆ ತಯಾರಿಸಲಾಗಿದೆ. ಸರ್ಕಾರಕ್ಕೆ ಪ್ರಸ್ತಾವನೆ ಕಳುಹಿಸಿ ಅನುಮೋದನೆ ಪಡೆದು ಕಾಮಗಾರಿ ಕೈಗೆತ್ತಿಕೊಳ್ಳಲಾಗುವುದು.ಕೆ.ಮರೀಗೌಡಅಧ್ಯಕ್ಷ, ಮೈಸೂರು ನಗರಾಭಿವೃದ್ಧಿ ಪ್ರಾಧಿಕಾರ

ಮೂಲಸ್ವರೂಪವೇ ಬದಲುನಗರದ ಬಹುತೇಕ ಕೆರೆಗಳು ಒಳಚರಂಡಿ ನೀರು, ಪ್ಲಾಸ್ಟಿಕ್‌ಮಯವಾಗಿವೆ. ಅವುಗಳ ಮೂಲಸ್ವರೂಪವೇ ಬದಲಾಗಿದೆ. ಪಾಚಿಯಿಂದ ದುರ್ವಾಸನೆ ಬೀರುತ್ತಿದೆ. ಇದನ್ನು ತಡೆಯದಿದ್ದರೆ ರೋಗರುಜಿನ ಬರುತ್ತವೆ ಎಂದು ಹೇಳಿ ಕೆರೆಯನ್ನೇ ಮುಚ್ಚಿಬಿಡುತ್ತಾರೆ. ಈ ಹಿಂದೆ ಕುಕ್ಕರಹಳ್ಳಿ ಕೆರೆ ಮುಚ್ಚಲು ಹೋಗಿದ್ದರು. ಹೋರಾಟ ಮಾಡಿ ತಡೆಯಲಾಯಿತು. ಇದೇ ರೀತಿ ಹೋರಾಟ ಮಾಡಿ ಉಳಿದ ಕೆರೆಗಳನ್ನೂ ಉಳಿಸಿಕೊಳ್ಳಬೇಕಿದೆ.ಡಾ.ಕೆ.ಎಂ.ಜಯರಾಮಯ್ಯ (ಕೆರೆ ಜಯರಾಮಯ್ಯ)ಮಾಜಿ ಸದಸ್ಯ, ಕರ್ನಾಟಕ ಕೆರೆ ಸಂರಕ್ಷಣೆ ಮತ್ತು ಅಭಿವೃದ್ಧಿ ಪ್ರಾಧಿಕಾರ

ಕೆರೆಗಳ ಸಂರಕ್ಷಣೆ, ನಿರ್ವಹಣೆ ಸರಿಯಾಗಿ ನಡೆಯುತ್ತಿಲ್ಲ. ಆದ್ದರಿಂದ ಕೆರೆಗಳಲ್ಲಿ ವಿವಿಧ ಸಮಸ್ಯೆ ಸೃಷ್ಟಿಯಾಗುತ್ತಿವೆ. ಅದಕ್ಕಾಗಿ ಒಳಚರಂಡಿ ನೀರು, ಪ್ಲಾಸ್ಟಿಕ್, ಕಸ ಸೇರುವುದನ್ನು ತಡೆಯಬೇಕು. ಪರಿಸರಸ್ನೇಹಿಯಾಗಿ ಕೆರೆ ಅಭಿವೃದ್ಧಿಪಡಿಸಬೇಕು. ಅಲ್ಲಿರುವ ಜಲಚರಗಳು, ಪಕ್ಷಿಗಳ ಸಂರಕ್ಷಣೆ ಕ್ರಮ ವಹಿಸಿದಾಗಲೇ ಇವುಗಳಿಗೆ ಜೀವ ಕಳೆ ಬರಲು ಸಾಧ್ಯ.ಎಚ್.ಕೆ.ದೇವರಾಜುನಗರ ನಿವಾಸಿ

ಮೈಸೂರು ನಗರ ಸೇರಿದಂತೆ ಜಿಲ್ಲೆಯ ಪ್ರತಿ ಊರಿನಲ್ಲಿರುವ ಕೆರೆಗಳಿಗೆ ಕೊಳಚೆನೀರು ಸೇರುತ್ತಿದೆ. ಜಾನುವಾರಗಳಿಗೆ ನೀರಿನ ಮೂಲವಿಲ್ಲದಂತೆ ಮಾಡಲಾಗುತ್ತಿದೆ. ಇವುಗಳ ಬದುಕಿಗೆ ಅನನುಕೂಲ ಉಂಟು ಮಾಡಲಾಗಿದೆ. ಈ ವಿಷಯದಲ್ಲಿ ಪಾಲಿಕೆ, ಮುಡಾ ಸೇರಿದಂತೆ ಗ್ರಾಮಾಂತರ ಪ್ರದೇಶದಲ್ಲಿ ಸ್ಥಳೀಯ ಸಂಸ್ಥೆಗಳು ನಿರ್ಲಕ್ಷೃ ವಹಿಸಿವೆ. ಇವುಗಳು ಕಂಡರೂ ಕಾಣದಂತೆ ವರ್ತಿಸುತ್ತಿವೆ. ಈ ಅಸಡ್ಡೆಗೆ ಭವಿಷ್ಯದಲ್ಲಿ ನಾವುಗಳೆಲ್ಲ ದೊಡ್ಡ ಬೆಲೆ ತೆರಬೇಕಾಗುತ್ತದೆ. ಆದ್ದರಿಂದ ಕೆರೆಗಳ ಸಂರಕ್ಷಣೆಗಾಗಿ ರೈತ ಸಂಘ ಹೋರಾಟ ಮಾಡಿಕೊಂಡು ಬರುತ್ತಿದೆ.ಪಿ.ಮರಂಕಯ್ಯಕರ್ನಾಟಕ ರಾಜ್ಯ ರೈತ ಸಂಘದ ಜಿಲ್ಲಾ ಮುಖಂಡ

ಕೆರೆಗಳ ಸಂರಕ್ಷಣೆಗೆ ಸಾರ್ವಜನಿಕರಿಂದ ದೊಡ್ಡ ಧ್ವನಿ ಬರಬೇಕು. ಅದಕ್ಕೆ ವಿವಿಧ ಸಂಘಟನೆಗಳು ಧ್ವನಿಗೂಡಿಸಬೇಕು. ಆಗಲೇ ಈ ಸಮಸ್ಯೆಗೆ ತಾರ್ಕಿಕ ಅಂತ್ಯ ಹಾಡಲು ಸಾಧ್ಯ. ನಗರ ಬಹುತೇಕ ಕೆರೆಗಳು ಕಲುಷಿತಗೊಳ್ಳುವ ಮೂಲಕ ನಾಗರಿಕ ವ್ಯವಸ್ಥೆಯನ್ನೇ ಹಾಳು ಮಾಡಲಾಗಿದೆ. ಬಡಾವಣೆ ನಿರ್ಮಿಸಲಾಗಿದೆ. ಆದರೆ ಮೂಲಸೌಕರ್ಯ ಕಲ್ಪಿಸಿಲ್ಲ. ಇದುವೇ ಮುಡಾದ ಮತ್ತೊಂದು ಹಗರಣ ಎಂದೇ ಹೇಳಬಹುದು. ಒಂದು ಬಡಾವಣೆಯಿಂದ ಇನ್ನೊಂದು ಬಡಾವಣೆಗೆ ಒಳಚರಂಡಿ ನೀರು ಹರಿದು ಹೋಗಲು ಯುಜಿಡಿ ವ್ಯವಸ್ಥೆ ಜೋಡಣೆಯಾಗಬೇಕು. ಅಲ್ಲಲ್ಲಿ ಕಲುಷಿತ ನೀರು ಸಂಸ್ಕರಣಾ ಘಟಕ ನಿರ್ಮಿಸಬೇಕು. ಇದರೊಂದಿಗೆ ಕೆರೆಗಳ ಉಳಿಸಲು ವೈಜ್ಞಾನಿಕ ಕ್ರಮ ವಹಿಸಬೇಕು.ಯು.ಎನ್.ರವಿಕುಮಾರ್ಜಲತಜ್ಞ

ಕೆರೆಯ ನೀರು ಬಳಕೆಯಾಗುತ್ತಿದ್ದರೆ ಸಮಸ್ಯೆ ಆಗಲ್ಲ. ಈ ಕೆರೆಗಳ ನೀರನ್ನು ಮೊದಲು ಕೃಷಿಗೆ ಉಪಯೋಗವಾಗುತ್ತಿದ್ದವು. ಈಗ ಚರಂಡಿ ನೀರು ಸೇರುವ ಪ್ರಮಾಣ ಹೆಚ್ಚಾಗಿ ಕೆರೆಗೆ ಮಳೆ ನೀರಿನ ಹರಿವು ತಗ್ಗಿದೆ. ಇದು ಹೀಗೆ ಮುಂದುವರಿದರೆ ಕೆರೆಗಳು ಮಾಲಿನ್ಯ ತಾಣಗಳಾಗಲಿವೆ. ನಗರದ ಎಲ್ಲ ಕೆರೆಗಳ ನಿರ್ವಹಣೆ ಮಾಡಬೇಕು. ಅದು ಸಾಧ್ಯವಾಗದಿದ್ದರೆ ಒಳಚರಂಡಿ ನೀರು ಸೇರುವುದನ್ನು ತಡೆದು ಕೆರೆಗಳನ್ನು ಉಳಿಸಬೇಕು.ಆರ್.ಕೆ.ನಿಖಿತ್ ರಾಮ್ಇಂಜಿನಿಯರಿಂಗ್ ವಿದ್ಯಾರ್ಥಿ, ಮೈವಿವಿ

ಲಿಂಗಾಂಬುಧಿ ಕೆರೆಗೆ ರಾಮಕೃಷ್ಣನಗರ, ವಿವೇಕಾನಂದ ನಗರದಿಂದ ಬರುತ್ತಿರುವ ಒಳಚರಂಡಿ ನೀರು, ಪ್ಲಾಸ್ಟಿಕ್ ವಸ್ತುಗಳನ್ನು ತಡೆಯಲು ಸಾಧ್ಯವಾಗಿಲ್ಲ. ಪುನರುಜ್ಜೀವನಗೊಂಡಿರುವ ಕೇರ್ಗಳ್ಳಿ ಕೆರೆ, ದಟ್ಟಗಳ್ಳಿ ಸಮೀಪದ ಅಯ್ಯಜ್ಜನಹುಂಡಿ ಕೆರೆಗಳಿಗೂ ಒಳಚರಂಡಿ ನೀರು ಕಂಟಕವಾಗಿದೆ. ಕಟ್ಟಡ ತ್ಯಾಜ್ಯವನ್ನೂ ಹಾಕಲಾಗುತ್ತಿದೆ. ಇದನ್ನು ತಡೆಯಲು ಸ್ಥಳೀಯ ಸಂಸ್ಥೆಗಳು, ಅಧಿಕಾರಿಗಳು ಪ್ರಾಮಾಣಿಕವಾಗಿ ಪ್ರಯತ್ನಿಸಬೇಕು.ಆರ್.ರಶ್ಮಿನಗರ ನಿವಾಸಿ

ಮಳೆ ನೀರಿನ ಬದಲು ಕೆರೆಗಳಿಗೆ ಒಳಚರಂಡಿ ನೀರು, ಮನೆಗಳ ದಿನ ಬಳಕೆ ನೀರು ಸೇರುತ್ತಿದೆ. ಇದರಲ್ಲಿ ರಾಸಾಯನಿಕ ದ್ರಾವಣ, ಸೋಡಿಯಂ ಡೋಡೆಸಿಲ್ ಸಲ್ಫೇಟ್ ರಾಸಾಯನಿಕ, ರಂಜಕ ಸೇರಿದಂತೆ ಇನ್ನಿತರ ರಾಸಾಯಿನಿಕ ವಸ್ತುಗಳು ಕೆರೆಯನ್ನು ಹಾಳು ಮಾಡುತ್ತಿವೆ. ಇವುಗಳು ಅಲ್ಲಿಯ ಜಲಚರಗಳ ಜೀವಕ್ಕೆ ಕುತ್ತು ತರುತ್ತಿವೆ. ಜತೆಗೆ ಇವುಗಳ ನೀರು ಬಳಕೆಗೆ ಯೋಗ್ಯವಾಗಿಲ್ಲ.ಸಾಗರ ಸುರೇಶ್ಉದ್ಯೋಗಿ