ಲಡಾಕ್ ಅಭಿವೃದ್ಧಿ ಮಂಡಳಿ ಕೌನ್ಸಿಲರ್ ಟಿಬೆಟಿಯನ್ ಕ್ಯಾಂಪ್​ಗೆ ಭೇಟಿ

ಮುಂಡಗೋಡ: ಸ್ವಾಯತ್ತ ಲಡಾಕ್ ಅಭಿವೃದ್ಧಿ ಮಂಡಳಿಯ ಮುಖ್ಯ ಕಾರ್ಯನಿರ್ವಾಹಕ ಕೌನ್ಸಿಲರ್ ತಾಶಿ ಗ್ಯಾಲಸನ್ ತಾಲೂಕಿನ ಟಿಬೆಟಿಯನ್ ಕ್ಯಾಂಪ್​ಗೆ ಶುಕ್ರವಾರ ಭೇಟಿ ನೀಡಿದರು.

ಕ್ಯಾಂಪ್ ನಂ.2ರ ಡ್ರೆಪುಂಗ್ ಗೋಮಾಂಗ್ ವಸತಿ ಗೃಹದಲ್ಲಿ ವಾಸ್ತವ್ಯ ಮಾಡಿರುವ ಅವರು, ಟಿಬೇಟಿಯನ್ ಕ್ಯಾಂಪ್​ನ ವಿವಿಧ ಬೌದ್ಧ ಮಂದಿರಗಳು, ಸೈನಿಕ ಕಲ್ಯಾಣ ಕೇಂದ್ರ, ಕಮ್ಯುನಿಟಿ ಹಾಲ್​ಗೆ ಭೇಟಿ ನೀಡಲಿದ್ದಾರೆ.

ಟಿಬೇಟಿಯನ್ ಕ್ಯಾಂಪ್​ನ ಮುಖಂಡರು ಹಾಗೂ ಹಿರಿಯ ಸನ್ಯಾಸಿಗಳೊಂದಿಗೆ ಮಾತುಕತೆ ನಡೆಸಿ, ಟಿಬೇಟಿಯನ್ ಕ್ಯಾಂಪ್​ನ ಅಭಿವೃದ್ಧಿಗೆ ಪೂರಕ ಅಂಶಗಳನ್ನು ಕೇಂದ್ರ ಸರ್ಕಾರದ ಗಮನಕ್ಕೆ ತರುವ ಪ್ರಯತ್ನ ಮಾಡಲಿದ್ದಾರೆ ಎಂದು ಟಿಬೇಟಿಯನ್ ಮೂಲಗಳಿಂದ ತಿಳಿದುಬಂದಿದೆ. ಡಿ.28ರಂದು ಕ್ಯಾಂಪ್​ನಿಂದ ಲಡಾಕ್​ಗೆ ಪ್ರಯಾಣಿಸಲಿದ್ದಾರೆ.