ಕಳೆದ ಆರು ತಿಂಗಳ ಹಿಂದೆ ದೇವಾಲಯದ ಆವರಣದಲ್ಲಿರುವ ಮಹಾದ್ವಾರ ಗೋಪುರ ಸೇರಿ ಎಲ್ಲ ಗೋಪುರಗಳು ಹಾಗೂ ಎಲ್ಲೆಡೆ ಸುಣ್ಣ ಬಣ್ಣ ಬಳಿಯುವ ಕೆಲಸ ಪ್ರಾರಂಭವಾಗಿತ್ತು. ಆ ವೇಳೆ ಬೆಟ್ಟದ ಮೇಲಿನ ಗರ್ಭಗುಡಿ ಮುಚ್ಚಲಾಗಿತ್ತು. ಬೆಟ್ಟದ ಮೇಲೆ ದರ್ಶನಕ್ಕೆ ಅವಕಾಶ ನೀಡುತ್ತಿರಲಿಲ್ಲ. ಕೆಜಿಎಫ್ ಕ್ಷೇತ್ರದ ಶಾಸಕಿ ರೂಪಕಲಾ ಅವರು ವಿಶೇಷ ಅನುದಾನದಲ್ಲಿ ನೀಡಲಾಗಿದ್ದ ಸುಮಾರು ಒಂದು ಕೋಟಿ ರೂ. ವೆಚ್ಚದಲ್ಲಿ ಪುನರ್ ನವೀಕರಣ ಮತ್ತು ಜೀಣೋರ್ದ್ಧಾರ ನಡೆದು, ಮಹಾ ಕುಂಭಾಬಿಷೇಕ ನಂತರ ಬೆಟ್ಟದ ಮೇಲೆ ದೇವರನ್ನ ಪುನರ್ ಪ್ರತಿಷ್ಠಾಪನಾ ಕಾರ್ಯವು ನಡೆಯಿತು. ಜು.29,30, ಮತ್ತು 31 ರಂದು ನಡೆದ ದೈವ ಕಾರ್ಯಗಳಿಗೆ ಸಂಬಂಧಪಟ್ಟಂತೆ ಸಾರ್ವಜನಿಕರಿಗೆ ಭಕ್ತರಿಗೆ ಮತ್ತು ಸರಿಯಾದ ಮಾಹಿತಿ ನೀಡಿರಲಿಲ್ಲ ಎಂದು ಸ್ಥಳಿಯರು ದೂರಿದ್ದಾರೆ.
