ಪ್ರಶಸ್ತಿ ಪ್ರದಾನ ಮಾಡಿ ಮಾತನಾಡಿದ ವಿಶ್ರಾಂತ ಅಡ್ವೋಕೇಟ್ ಜನರಲ್ ಆಫ್ ಕರ್ನಾಟಕ ಸೀನಿಯರ್ ಅಡ್ವೋಕೇಟ್ ಅಶೋಕ್ ಹಾರನಹಳ್ಳಿ, ಸ್ವಾಭಿಮಾನ ಪೂರ್ವಕವಾಗಿ ಹೋರಾಟ ನಡೆಸಿ ಪಡೆಯುವುದು ಶ್ರೇಷ್ಟ. ಉಚಿತವಾಗಿ ಸಿಗುತ್ತದೆ ಎಂದು ಅದಕ್ಕೆ ಮಾರು ಹೋಗುವುದು ಸರಿಯಲ್ಲ. ಯಾರಿಗೆ ಅಗತ್ಯವಿದೆಯೇ ಅಂತಹವರಿಗೆ ಸರ್ಕಾರಗಳು ಉಚಿತವಾಗಿ ನೀಡುವುದು ಸರಿ. ಎಲ್ಲರಿಗೂ ಉಚಿತವಾಗಿ ನೀಡುವಂತಹ ಆಲೋಚನೆ ಸರಿಯಲ್ಲ. ಸರ್ಕಾರವೇ ಎಲ್ಲವನ್ನೂ ಕೊಡಲು ಸಾಧ್ಯವಿಲ್ಲ. ನಮಗೆ ಬೇಕಾದುದನ್ನು ನಾವೇ ಶ್ರಮ ಸಂಸ್ಕೃತಿ ಮೂಲಕವೇ ಪಡೆದುಕೊಳ್ಳಬೇಕು ಎಂಬ ಮನೋಭಾವ ಜನರಲ್ಲಿ ಬರಬೇಕು. ಮನುಷ್ಯನ ಭೋಗ ಸಂಸ್ಕೃತಿಯಿಂದಾಗಿ ಅನೇಕ ಸಂಸ್ಕೃತಿ ನಾಶವಾಗುತ್ತಿದೆ. ಪಾಶ್ಚಿಮಾತ್ಯ ಸಂಸ್ಕೃತಿ ದೇಶಕ್ಕೆ ಕಾಲಿಟ್ಟು ಮನುಷ್ಯನಿರಲಿ, ಪ್ರಾಣಿ-ಪಕ್ಷಗಳ ಬಗ್ಗೆಯೂ ಆಲೋಚನೆ ಮಾಡದ ಸ್ಥಿತಿಯಲ್ಲಿ ನಾವಿದ್ದೇವೆ ಎಂದು ಆತಂಕ ವ್ಯಕ್ತಪಡಿಸಿದರು.
