ಗ್ರಾಮದ ಭೀಮಪ್ಪ ಮುರಡಿ ಎಂಬಾತ ತಂದೆಯ ಕೊಲೆಗೈದ ಆರೋಪಿ. ಹೊಟ್ಟೆ ನೋವು ತಾಳದೆ ಗುರುವಾರ ಸಂಜೆ ತೋಟದ ಮನೆಯಲ್ಲಿ ಭೀಮಪ್ಪನ ಪತ್ನಿ ಮೀನಾಕ್ಷಿ ಆತ್ಮಹತ್ಯೆ ಮಾಡಿಕೊಂಡಿದ್ದಾರೆ. ಅವರ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗೆಂದು ಶುಕ್ರವಾರ ಪಟ್ಟಣದ ತಾಲೂಕು ಆಸ್ಪತ್ರೆಗೆ ತರಲಾಗಿತ್ತು. ಆಗ ಚಹಾ ಸೇವಿಸಿ ಬರುವುದಾಗಿ ಹೇಳಿಹೊರಟ ಭೀಮಪ್ಪ, ಹಿರೇಬನ್ನಿಗೋಳಕ್ಕೆ ತೆರಳಿ ಮಲಗಿದ್ದ ತನ್ನ ತಂದೆ ದ್ಯಾಮಣ್ಣ ಅವರ ಕತ್ತು ಹಿಸುಕಿ ಕೊಲೆ ಮಾಡಿದ್ದಾನೆ. ದ್ಯಾಮಣ್ಣ ಮೃತದೇಹವನ್ನು ತಾಲೂಕು ಆಸ್ಪತ್ರೆಗೆ ಕರೆತರಲಾಯಿತು. ಸದ್ಯ ಭೀಮಪ್ಪನನ್ನು ಪೊಲೀಸರ ವಶಕ್ಕೆ ಪಡೆದಿದ್ದಾರೆ. ಪತಿಯ ಸಾವಿಗೆ ಕಾರಣನಾದ ಮಗನ ವಿರುದ್ಧ ಕಾನೂನು ಕ್ರಮ ಕೈಗೊಳ್ಳುವಂತೆ ಭೀಮಪ್ಪನ ತಾಯಿ ಯಲ್ಲವ್ವ ದೂರು ನೀಡಿದ್ದು, ಪಟ್ಟಣ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
