ಹಿಂದೆ ವೃತ್ತನಿರೀಕ್ಷಕರ ಕಚೇರಿ, ಕ್ರೈಂ, ಪಿಎಸ್ಐ ಕಚೇರಿ, ಬಂಧಿಖಾನೆ ಎಲ್ಲವೂ ಇತ್ತು. ಹೊಸ ಪೊಲೀಸ್ ಠಾಣೆ ನಂತರ ವೃತ್ತ ನಿರೀಕ್ಷರ ಕಚೇರಿ, ಠಾಣಾಧಿಕಾರಿ ಕಚೇರಿ, ಬಂಧಿಖಾನೆ ಸ್ಥಳಾಂತರಗೊಂಡಿದ್ದು, ಹಳೇ ಕಚೇರಿ ಸಂಚಾರಿ ಪೊಲೀಸ್ ಠಾಣೆ ಆಗಿದೆ. ಕಟ್ಟಡದ ಕಿಟಕಿ ಬಾಗಿಲು ಕಳಚಿಕೊಳ್ಳುತ್ತಿದ್ದು, ಗೋಡೆ ಕೂಡ ಭದ್ರವಾಗಿಲ್ಲ. ಕಳೆದ ವರ್ಷ ಫ್ಯಾನ್ ಕಳಚಿ ಬಿದ್ದಿತ್ತು. ಸೋರುವಿಕೆಯಿಂದ ಕಚೇರಿ ಕಡತ, ಕಂಪ್ಯೂಟರ್ ರಕ್ಷಣೆ ದೊಡ್ಡ ಸಮಸ್ಯೆಯಾಗಿದೆ. ಸಂಚಾರ ಸಮಸ್ಯೆ ಪರಿಹರಿಸುವ ಟ್ರಾಫಿಕ್ ಪೊಲೀಸರಿಗೆ ಅಭದ್ರತೆಯ ಭಯ ಎದುರಾಗಿದೆ. ಕುಂದಾಪುರ, ಅಮಾಸೆಬೈಲು, ಗಂಗೊಳ್ಳಿ, ಬೈಂದೂರು, ಕೊಲ್ಲೂರು, ಶಂಕರನಾರಾಯಣ, ಕೋಟದಲ್ಲಿ ಹೊಸ ಕಟ್ಟಡದಲ್ಲಿ ಠಾಣೆಯಿದ್ದು, ಕುಂದಾಪುರ ಸಂಚಾರಿ ಪೊಲೀಸ್ ಠಾಣೆ ಕಪ್ಪುಚುಕ್ಕೆಯಾಗಿದೆ.
