ಮಳೆಯ ನೀರಿನ ಸಮಸ್ಯೆ: ಮಳೆಗಾಲ ಆರಂಭವಾದರೆ ಪಟ್ಟಣದ ನವನಗರ, ದರ್ಗಾ, ಚಿದಂಬರನಗರ ಸೇರಿ ಹಲವು ಬಡಾವಣೆಗಳ ಅಪಾರ ಪ್ರಮಾಣದ ನೀರು ಹರಿದುಬಂದು ಕುಮಾರೇಶ್ವರನಗರದಲ್ಲಿ ನಿಲ್ಲುತ್ತದೆ. ದರ್ಗಾದಿಂದ ಹರಿದು ಬರುವ ನೀರು ಕುಮಾರೇಶ್ವರ ನಗರದ ಸರ್ಕಾರಿ ಪಿಯು ಕಾಲೇಜ್ ಪಕ್ಕದ ಕುಂಬಾರಕಟ್ಟಿಗೆ ಸೇರಿ, ನಂತರ ಮುಂದಿನ ಅಚಗೇರಿ ಕೆರೆಗೆ ಸಾಗುತ್ತಿತ್ತು. ಆದರೆ, ಈ ಕೆರೆ ಮಣ್ಣು ತುಂಬಿ ಸಮತಟ್ಟಾಗಿದ್ದರಿಂದ ನೀರು ಬಡಾವಣೆಯಲ್ಲಿ ನಿಂತುಕೊಳ್ಳುವಂತಾಗಿದೆ. ಈ ನೀರು ಮುಂದೆ ಸಾಗುವಲ್ಲಿ ಮನೆಗಳು ನಿರ್ವಣವಾದ್ದರಿಂದ ಸಮಸ್ಯೆ ಇನ್ನಷ್ಟು ಜಟಿಲವಾಗಿದೆ. ಪುರಸಭೆ ಸಾಕಷ್ಟು ಬಾರಿ ಪರಿಶೀಲನೆ ಕೈಗೊಂಡಿದ್ದರೂ ಯಾವುದೇ ಕಾಮಗಾರಿ ಕೈಗೊಂಡಿಲ್ಲ. ಇಂಥ ಘಟನೆ ಇದೇ ಮೊದಲಲ್ಲ. ಪ್ರತಿ ವರ್ಷದ ಮಳೆಗಾಲದಲ್ಲೂ ಬಡಾವಣೆಯ ಎಲ್ಲ ಮನೆಯಂಗಳಕ್ಕೂ ನೀರು ತುಂಬಿ ಜನಜೀವನ ಅಸ್ತವ್ಯಸ್ತಗೊಳಿಸುತ್ತದೆ. ಎಲ್ಲರ ಮನೆಯ ಕಾಂಪೌಂಡ್ ಒಳಗೆಲ್ಲ ನೀರು ತುಂಬಿ ವಾಹನ ಸಂಚಾರಕ್ಕೂ ಸಂಚಕಾರ ತಂದಿಡುತ್ತಿದೆ. ಆದರೂ ಈ ಸಮಸ್ಯೆಗೆ ಮುಕ್ತಿ ಸಿಗದಿರುವುದು ಇಲ್ಲಿನ ನಿವಾಸಿಗಳ ಬೇಸರಕ್ಕೆ ಕಾರಣವಾಗಿದೆ.
