ಈ ಸಂದರ್ಭ ಸುದ್ದಿಗಾರರಲ್ಲಿ ಮಾತನಾಡಿದ ಅವರು, ಕೇಂದ್ರ ಸರ್ಕಾರದ ಶೇ.50 ಅನುದಾನ ಅಂದರೆ 98.255 ಕೋಟಿ ರೂ, ಬಂದರು ಇಲಾಖೆಯ ಶೇ.45 ಅನುದಾನ ಅಂದರೆ 88.43 ಕೋಟಿ ರೂ., ಶೇ.5 ಅನುದಾನ ರಾಜ್ಯ ಸರ್ಕಾರ ಅಂದರೆ 9.85 ಕೋಟಿ ರೂ. ಸೇರಿ ಒಟ್ಟು 196.51 ಕೋಟಿ ರೂ. ವೆಚ್ಚದಲ್ಲಿ ಈ ಸುಸಜ್ಜಿತ ಜೆಟ್ಟಿ ನಿರ್ಮಾಣಗೊಳ್ಳುತ್ತಿದೆ. ಈ ಜೆಟ್ಟಿಯಲ್ಲಿ ಒಳನಾಡಿನ ಸಾಂಪ್ರದಾಯಿಕ ಮೀನುಗಾರರಿಗೆ ಹಾಗೂ ಆಳಸಮುದ್ರ ಮೀನುಗಾರರಿಗೆ ಅವಕಾಶವಿದೆ. ಆದರೆ ಒಳಸಮುದ್ರ ಮೀನುಗಾರರಿಗೆ ಹಳೆ ಬಂದರು ಪ್ರದೇಶದಲ್ಲಿ ಸಾಕಷ್ಟು ಸ್ಥಳಾವಕಾಶ ಇದೆ. ಒಳನಾಡು ಮೀನುಗಾರರಿಗೆ ಈ ಜೆಟ್ಟಿಯ ಬಳಕೆಗೆ ಅವಕಾಶ ನೀಡಲಾಗುವುದು. ಇಲ್ಲಿ ಸುಮಾರು 300 ಬೋಟ್ಗಳಿದ್ದು, 250 ಬೋಟ್ ತಂಗುವಂತೆ ವಿನ್ಯಾಸ ರೂಪಿಸಲಾಗಿದೆ ಎಂದರು.
