ಸಂಘ-ಸಂಸ್ಥೆಗಳ, ವರ್ತಕರ, ವಿದ್ಯಾರ್ಥಿಗಳ, ಊರ ಪರವೂರ ಭಕ್ತರು ಮತ್ತು ಸಾರ್ವಜನಿಕರ ಸಹಕಾರದಿಂದ ಲಕ್ಷದೀಪೋತ್ಸವದ ದಿನ ಲಕ್ಷ ದೀಪಗಳು ಕ್ಷೇತ್ರದಲ್ಲಿ ಬೆಳಗಿತು. ಶ್ರೀ ದೇವಳದ ರಾಜಗೋಪುರದಿಂದ ರಥಬೀದಿ ಪರಿಸರದಲ್ಲಿ ರಸ್ತೆಯ ಇಕ್ಕೆಲ, ಆಟೋ ನಿಲ್ದಾಣದಿಂದ ಸವಾರಿ ಮಂಟಪದ ತನಕ, ರಥಬೀದಿ ಜಂಕ್ಷನ್ನಿಂದ ರಕ್ತೇಶ್ವರಿ ಗುಡಿ ತನಕ ಎಡಭಾಗದಲ್ಲಿ, ಬಲಭಾಗದಲ್ಲಿ, ಆದಿಶೇಷ ಆದಿಸುಬ್ರಹ್ಮಣ್ಯ ರಸ್ತೆ, ರಕ್ತೇಶ್ವರಿ ಗುಡಿಯಿಂದ ಟ್ಯಾಕ್ಸಿ ನಿಲ್ದಾಣ ತನಕ, ಟ್ಯಾಕ್ಸಿ ನಿಲ್ದಾಣದಿಂದ ಕಾಶಿಕಟ್ಟೆ ತನಕ, ಕಾಶಿಕಟ್ಟೆ ವೃತ್ತದ ಎಡಭಾಗ, ಪಂಚಾಯಿತಿ ಎದುರುಗಡೆ, ಐನೆಕಿದು ಸಹಕಾರಿ ಸಂಘದ ಎದುರು, ಮಹಿಳಾ ಸೊಸೈಟಿ ಎದುರು, ಆಶ್ಲೇಷ ವಸತಿಗೃಹದ ಎದುರು, ಬಸ್ ನಿಲ್ದಾಣ ಪರಿಸರ, ಅಭಯ ಆಂಜನೇಯ ಗುಡಿ ಸಮೀಪದ ಪಾರ್ಕಿಂಗ್ ಪರಿಸರ, ಕುಮಾರಧಾರಾ, ಆದಿಸುಬ್ರಹ್ಮಣ್ಯ, ಆದಿಸುಬ್ರಹ್ಮಣ್ಯ ಉದ್ಯಾನವನದಲ್ಲಿ ದೀಪ ಪ್ರಜ್ವಲಿಸಿತು.
