ಕುಕನೂರು ಪಿಡಿಒ ಸುರೇಶ ರಾಠೋಡ ವಿರುದ್ಧ ಕ್ರಮಕೈಗೊಳ್ಳಿ

ಕುಕನೂರು: ಗ್ರಾಪಂನ ಕರವಸೂಲಿ ಹಣವನ್ನು ಪಿಡಿಒ ದುರುಪಯೋಗ ಪಡಿಸಿಕೊಂಡಿದ್ದು, ಅವರ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಪಂಚಾಯಿತಿ ಅಧ್ಯಕ್ಷ ನಾಗರಾಜ ವೆಂಕಟಾಪೂರ ತಾಪಂ ಅಧಿಕಾರಿಗಳಿಗೆ ದೂರು ನೀಡಿದ್ದಾರೆ. ಜೂ.26ರಂದು ಗ್ರಾಮದ ಪೆಟ್ರೋಲ್ ಬಂಕ್‌ನವರು ಕರವಸೂಲಿ ಹಣವನ್ನು ಗ್ರಾಪಂಗೆ ತುಂಬಿ ರಸೀದಿ ಪಡೆದಿದ್ದಾರೆ.

ಇದನ್ನೂ ಓದಿ: ಹಿರೇಕೊಡಿಗೆ ಪಿಡಿಒಗಳ ವಿರುದ್ಧ ತನಿಖೆ ಚುರುಕು

ಆದರೆ, ಆ ಕರವಸೂಲಿ ಹಣ ಪಿಡಿಒ ಸುರೇಶ ರಾಠೋಡ ಜು.29 ಆದರೂ ಪಂಚಾಯಿತಿ ಕರವಸೂಲಿ ಖಾತೆಗೆ ಜಮೆ ಮಾಡಿಲ್ಲ. ಈ ಬಗ್ಗೆ ವಿಚಾರಿಸಿದರೆ ಕೇಳುವುದಕ್ಕೆ ನೀವ್ಯಾರು ಎಂದು ನಿಂದಿಸುತ್ತಾರೆ. ಕೂಡಲೇ ತನಿಖೆ ಮಾಡಿ ಅವರ ವಿರುದ್ಧ ಕ್ರಮ ತೆಗೆದುಕೊಳ್ಳಬೇಕು ಎಂದು ಒತ್ತಾಯಿಸಿದ್ದಾರೆ.