ಗುದ್ನೇಶ್ವರ ಪಂಚಕಳಸ ರಥೋತ್ಸವ ರದ್ದು

ಕುಕನೂರು: ಪಟ್ಟಣದ ಗುದ್ನೇಶ್ವರಮಠದಲ್ಲಿ ಬುಧವಾರ ಜರುಗಬೇಕಿದ್ದ ಶ್ರೀ ಗುದ್ನೇಶ್ವರಸ್ವಾಮಿಯ(ಶ್ರೀ ರುದ್ರಮುನೀಶ್ವರ) ಪಂಚಕಳಸ ಮಹಾರಥೋತ್ಸವ ಈ ವರ್ಷ ಕರೊನಾ ತಡೆಗೆ ಕಟ್ಟೆಚ್ಚರ ಕ್ರಮದಿಂದಾಗಿ ರದ್ದಾಗಿದೆ.

ರಥಕ್ಕೆ ಸಂಪ್ರದಾಯ ಬಿಡಬಾರದು ಎಂದು ಪಂಚಕಳಸ ಮಾತ್ರ ಜೋಡಿಸಲಾಗಿದೆ. ರಥೋತ್ಸವಕ್ಕೆ ಅಲಕಾಂರ ಇರಲ್ಲ. ರಥೋತ್ಸವ ಒಂದು ಹೆಜ್ಜೆ ಸಹ ಸಾಗುವುದಿಲ್ಲ. ಅರ್ಚಕ ಮಂಡಳಿಯಿಂದ ಸಂಪ್ರದಾಯಕ ಪೂಜೆ ಮಾತ್ರ ಸಲ್ಲುತ್ತದೆ. ದೇವಸ್ಥಾನದಲ್ಲಿ ಆವರಣದಲ್ಲಿ ಯಾವುದೇ ಮಿಠಾಯಿ, ತಿನಿಸು ಅಂಗಡಿ, ಆಟಿಕೆ ಸಾಮಾನು, ಜೋಕಾಲಿ, ಪ್ರಸಾದ ವ್ಯವಸ್ಥೆ ಇನ್ನಿತರೆ ಜಾತ್ರಾ ವೈಭವ ಕಟ್ಟುನಿಟ್ಟಾಗಿ ರದ್ದಾಗಿವೆ.

ದರ್ಶನಕ್ಕೆ ಅವಕಾಶ: ಶ್ರೀ ಗುದ್ನೇಶ್ವರ ಸ್ವಾಮಿಯ ದರ್ಶನ, ಪೂಜೆಗೆ ಅವಕಾಶ ಇರುತ್ತದೆ. ಭಕ್ತರು ಕಡ್ಡಾಯವಾಗಿ ಮಾಸ್ಕ್ ಧರಿಸಿ, ಸ್ಯಾನಿಟೈಜರ್ ಹಾಕಿಕೊಂಡು ಬಂದರೆ ಮಾತ್ರ ದರ್ಶನಕ್ಕೆ ಅವಕಾಶ ನೀಡಲಾಗುತ್ತಿದ್ದು, ಸಾಮಾಜಿಕ ಅಂತರ ಕಾಪಾಡಿಕೊಳ್ಳಬೇಕು ಎಂದು ದೇವಸ್ಥಾನ ಸಮಿತಿ ತಿಳಿಸಿದೆ.