ಸ್ಥಳೀಯರಲ್ಲಿ ಅನಗತ್ಯ ಗೊಂದಲ: ಈ ಘೋಷಣೆಯಿಂದ ಭೂಮಿ ಮಾಲೀಕತ್ವ, ಕಂದಾಯ, ಪಟ್ಟಾ ಜಮೀನುಗಳು ಯಥಾಸ್ಥಿತಿಲ್ಲಿರುತ್ತವೆ. ವಲಯದೊಳಗಿನ ಜನರನ್ನು ಸ್ಥಳಾಂತರಿಸುವುದಿಲ್ಲ. ನಿಯಮಿತ ಚಟುವಟಿಕೆಗಳನ್ನು ನಿರ್ವಹಿಸಬಹುದು. ವಿದ್ಯುತ್ ಮಾರ್ಗ, ಕುಡಿಯುವ ನೀರಿನ ಪೈಪ್ಲೈನ್, ರಸ್ತೆ, ಸೇತುವೆ ಪರಿಸರ ಸೂಕ್ಷ್ಮವಲಯದ ನಿಷೇಧಿತ ಚಟುವಟಿಕೆಗಳಲ್ಲ. ಸ್ಥಳೀಯ ಸಮುದಾಯಗಳಿಂದ ಕೃಷಿ ಮತ್ತು ತೋಟಗಾರಿಕೆ ಪದ್ಧತಿಗಳಿಗೆ ನಿಷೇಧವಿಲ್ಲ. ಮಾನವ ಪ್ರಚೋದಿತ ಭೂಕುಸಿತಗಳಿಂದ ರಕ್ಷಣೆ, ವಾಯು ಮಾಲಿನ್ಯ, ನೀರು ಮತ್ತು ಮಣ್ಣಿನ ಮಾಲಿನ್ಯ ತಪ್ಪಿಸಲು ಸಹಾಯಕ. ವಾಣಿಜ್ಯ ಗಣಿಗಾರಿಕೆ, ಕಲ್ಲು ಗಣಿಗಾರಿಕೆ, ಹೊಸ ಸಾ ಮಿಲ್, ಮಾಲಿನ್ಯಕಾರಕ ಕೈಗಾರಿಕೆ, ಜಲವಿದ್ಯುತ್ ಸ್ಥಾವರಗಳ ಸ್ಥಾಪನೆ, ಕೈಗಾರಿಕಾ ಚಟುವಟಿಕೆ ಪರಿಸರ ಸೂಕ್ಷ್ಮವಲಯದಲ್ಲಿ ಚಟುವಟಿಕೆಗಳ ನಿಷೇಧಿತ ಪಟ್ಟಿಯಲ್ಲಿದೆ ಎಂದು ಪ್ರಕಟಣೆ ತಿಳಿಸಿದೆ.
