ಕಿಕ್ಕೇರಿ ಮೂಲದ ಪ್ರೇಮಕವಿ ಕೆ.ಎಸ್. ನರಸಿಂಹಸ್ವಾಮಿ ಟ್ರಸ್ಟ್ ನೂತನ ಸದಸ್ಯರ ಅಧಿಕಾರ ಸ್ವೀಕಾರ ಸಮಾರಂಭದಲ್ಲಿ ಅವರು ಮಾತನಾಡಿದರು. ಕೆಎಸ್ನ ಹುಟ್ಟಿದ ಮನೆ ಮಾದರಿ ಸ್ಮಾರಕವಾಗಬೇಕು. ಕಾವ್ಯ ಸ್ಫೂರ್ತಿಗೆ ಸೆಲೆಯಾಗಿದ್ದ ತಾಣವನ್ನು ಕೆಎಸ್ನ ಸರೋವರ ಎಂದು ನಾಮಕರಣ ಮಾಡಬೇಕು. ವಾಕಿಂಗ್, ಜಾಗಿಂಗ್ ಪಥ, ಬೋಟಿಂಗ್ ವ್ಯವಸ್ಥೆ, ಬಯಲುರಂಗಮಂದಿರ, ಗ್ರಾಮದ 4ದಿಕ್ಕಿನಲ್ಲಿ ಸ್ವಾಗತ ಕಮಾನು ನಿರ್ಮಾಣ ವಾಗಬೇಕಿದೆ. ಟ್ರಸ್ಟ್ ಸಭೆಗಳಲ್ಲಿ ಯೋಜನೆ ಅನುಷ್ಠಾನಕ್ಕೆ ಶ್ರಮಿಸಬೇಕು ಎಂದರು. ಕೆಎಸ್ನ ನಾಡಿನ ಬಲುದೊಡ್ಡ ಅಸ್ಮಿತೆ. ಟ್ರಸ್ಟ್ ಸಾಹಿತ್ಯಾತ್ಮಕವಾಗಿ ಕೆಲಸ ಮಾಡಿದೆ. ಈಗ ಬೇಕಿರುವುದು ಭೌತಿಕ ಕಾರ್ಯ. ಕೆಎಸ್ನ ನೆನಪು ಉಳಿಯಲು ಮೊದಲು ಟ್ರಸ್ಟ್ ಕಚೇರಿ, ತದನಂತರ ಚಟುವಟಿಕೆ. ರಾಜಕೀಯ ಇಲ್ಲಿ ಸಲ್ಲದು ಎಂದರು.
