ಕೆ.ಆರ್.ನಗರ : ತಾಲೂಕಿನ ಕಾಳೇನಹಳ್ಳಿ ಗ್ರಾಮದ ಆದರ್ಶ ಶಾಲೆಯಲ್ಲಿ ಎಸ್ಎಸ್ಎಲ್ಸಿ ಪರೀಕ್ಷೆಯಲ್ಲಿ 600ಕ್ಕೂ ಹೆಚ್ಚು ಅಂಕ ಪಡೆದ ವಿದ್ಯಾರ್ಥಿಗಳನ್ನು ಸನ್ಮಾನಿಸಿ ಅಭಿನಂದಿಸಲಾಯಿತು. ಈ ಸಂದರ್ಭ ಮಾತನಾಡಿದ ಮುಖ್ಯ ಶಿಕ್ಷಕಿ ರುಕ್ಮಿಣಿ, ಶಾಲೆಗೆ ಈ ಬಾರಿ ಶೇ.98.44 ಫಲಿತಾಂಶ ಬಂದಿದೆ. ಗ್ರಾಮೀಣ ಭಾಗದ ಮಕ್ಕಳು ಉತ್ತಮ ಸಾಧನೆ ತೋರಿರುವುದು ಅಭಿನಂದನೀಯ ಎಂದರು. ಮುಂದಿನ ಶೈಕ್ಷಣಿಕ ವರ್ಷದಿಂದ ಪಿಯು ತರಗತಿ ಆರಂಭಕ್ಕೆ ಶಿಕ್ಷಣ ಇಲಾಖೆ ಅನುಮತಿ ನೀಡಿದೆ ಎಂದರು. ಪರೀಕ್ಷೆ ಬರೆದ 78 ವಿದ್ಯಾರ್ಥಿಗಳ ಪೈಕಿ ನರ್ಮತಾಬಾಯಿ 617, ಪೂರ್ಣಿಮಾ, ಅರ್ಕಾಚಾರಿ 613, ಜೆ.ಆರ್.ಸಹನಾ 612, ಎಚ್.ವಿ.ಕಾರ್ತಿಕ್ರಾಜ್ 612, ದಿಗಂತ ಗೌಡ 606, ಬಿ.ಎಸ್.ಕೃತಿಕಾ 606, ಜೆ.ತ್ರಿಪತಿ 605, ಶ್ರೇಯಾ 603, ಬಿ.ಎಂ.ತ್ರಿಷಾ 602, ಸುಜಾತಾ ನಾಯಕ್ 602, ಸೌಪರ್ಣಿಕ 601, ಎಚ್.ಡಿ.ಮೋಹಿತ್ 601, ಅಹಲ್ಯಾ 600 ಅಂಕ ಗಳಿಸಿ ಶಾಲೆಗೆ ಕೀರ್ತಿ ತಂದಿದ್ದಾರೆ ಎಂದರು. ಪ್ರಾಂಶುಪಾಲ ಕೃಷ್ಣಯ್ಯ, ಎಸ್ಡಿಎಂಸಿ ಅಧ್ಯಕ್ಷ ಕೆ.ಪಿ.ಜಗದೀಶ್, ಶಾಲೆಯ ಶಿಕ್ಷಕರು, ಸಿಬ್ಬಂದಿ ಹಾಜರಿದ್ದರು.
