ಅಧಿಕಾರಿಗಳಿಂದ ಮನವೊಲಿಕೆ: ಕೃಷ್ಣಯ್ಯರನ್ನು ಸ್ಥಳಾಂತರಿಸಲು ಮನವೊಲಿಸುವಲ್ಲಿ ಪಲಿಮಾರು ಗ್ರಾಮಾಡಳಿತ ಸೇರಿ ಸ್ಥಳೀಯರು ಹಲವು ವರ್ಷಗಳಿಂದ ಪ್ರಯತ್ನ ನಡೆಸಿದ್ದರು. ಕುಸಿಯುವ ಭೀತಿಯಲ್ಲಿರುವ ಮನೆಯಲ್ಲಿ ಬದುಕುತ್ತಿರುವ ಅವರ ಬಗ್ಗೆ ಮಾಹಿತಿ ಪಡೆದ ತಹಸೀಲ್ದಾರ್ ಪ್ರತಿಭಾ, ಮನೆಗೆ ತೆರಳಿ ಮನವೊಲಿಸಲು ಸಾಕಷ್ಟು ಪ್ರಯತ್ನಿಸಿದರು. ಅಜ್ಜಾ, ಮನೆ ತುಂಬಾ ಶಿಥಿಲವಾಗಿದೆ, ಮಣ್ಣಿನ ಗೋಡೆ ಈ ಮಳೆಗೆ ಬಿದ್ದು ಹೋಗುತ್ತೆ, ನಿಮ್ ಮೈ ಮೇಲೆ ಬಿದ್ದು ನಿಮಗೆ ಪೆಟ್ಟಾಗುತ್ತೆ, ಪ್ರಾಣ ಹಾನಿಯೂ ಆಗಬಹುದು, ಆದ್ದರಿಂದ ಇಲ್ಲಿಂದ ಹೊರಡಿ ಎಂದು ಪರಿಪರಿಯಾಗಿ ಬೇಡಿದರೂ ಕೃಷ್ಣಯ್ಯನವರು ಮನಸ್ಸು ಮಾಡಲಿಲ್ಲ. ಗ್ರಾಪಂ ಅಧ್ಯಕ್ಷೆ ಸೌಮ್ಯಲತಾ ಶೆಟ್ಟಿ, ಸದಸ್ಯ ಸತೀಶ್ ದೇವಾಡಿಗ, ಗ್ರಾಮಸ್ಥರಾದ ಸುರೇಶ್, ಸತೀಶ್, ಕಂದಾಯ ನಿರೀಕ್ಷಕ ಇಜ್ಜಾರ್ ಸಾಬಿರ್, ಗ್ರಾಮ ಆಡಳಿತಾಧಿಕಾರಿ ಸುನೀಲ್ ಹಾಗೂ ಪೊಲೀಸ್ ಸಹಕಾರದಿಂದ ಅವರನ್ನು ಮನೆಯಿಂದ ಕರೆತಂದು ಉದ್ಯಾವರದ ವೃದ್ಧಾಶ್ರಮಕ್ಕೆ ಸೇರಿಸುಲ್ಲಿ ಯಶಸ್ವಿಯಾದರು.
