ಘಟನೆ ನಂತರ ನನಗೆ ಮಾಹಿತಿಯೂ ನೀಡದೇ, ನನ್ನ ಮಗಳನ್ನು ಸರ್ಕಾರಿ ಅಸ್ಪತ್ರೆಗೂ ಸೇರಿಸದೇ, ಹೊಸಪೇಟೆ ಖಾಸಗಿ ಹಾಸ್ಪಿಟಲ್ನಲ್ಲಿ ದಾಖಲಿಸಿದ ನಂತರ ನನಗೆ ಫೋನ್ ಬಂದಿದೆ. ನಾವು ಆಸ್ಪತ್ರೆಗೆ ಹೋಗುತ್ತಿದ್ದಂತೆ ಕಾಲೇಜಿನ ಸಿಬ್ಬಂದಿ ಅಲ್ಲಿಂದ ಕಾಲ್ಕಿತ್ತಿದ್ದಾರೆ. ಇದು ಸಂಶಯಕ್ಕೆ ಎಡೆಮಾಡಿದೆ. ನಂತರ ನಾನು, ನಮ್ಮ ಸಮಯದಾಯದ ಮುಖಂಡರಾದ ಕೆ.ಕೊಟ್ರೇಶ, ಕರಿಯಪ್ಪ, ಓಂಕಾರಪ್ಪ, ವಿನಾಯಕ, ಬೋಜರಾಜ್, ಧನಂಜಯ ಹಾಲಪ್ಪ ಸೇರಿಕೊಂಡು ಕಾಲೇಜಿಗೆ ಹೋಗಿ ವೀರಭದ್ರಪ್ಪನವರಿಗೆ ಕಾರಣ ಕೇಳಿದರೆ ಅವರು ಇಲ್ಲಸಲ್ಲದ ಉತ್ತರ ನೀಡಿದ್ದಾರೆ . ಜತೆಗೆ 30 ಸಾವಿರ ರೂ. ಪರಿಹಾರ ನೀಡುವುದಾಗಿ ಹೇಳುತ್ತಿದ್ದಾರೆ. ಒಟ್ಟಾರೆ ಘಟನೆ ಕುರಿತಾಗಿ ಪಟ್ಟಣ ಠಾಣೆಯಲ್ಲಿ ಪ್ರಾಚಾರ್ಯ ವೀರಭದ್ರಪ್ಪ ಹಾಗೂ ಕಾಲೇಜು ವ್ಯವಸ್ಥಾಪಕ ಸಂತೋಷ ವಿರುದ್ಧ ದೂರು ನೀಡಿದ್ದೇವೆ ಎಂದರು.
