ಲಂಚಕ್ಕೆ ಬೇಡಿಕೆ ಆರೋಪ; ಕೊಟ್ಟೂರು ಸಿಪಿಐ ಕಚೇರಿ ಮುಖ್ಯಪೇದೆ ಅಮಾನತು

ಕೊಟ್ಟೂರು: ಹಣದ ಬೇಡಿಕೆ ಇಟ್ಟ ಆರೋಪದ ಮೇಲೆ ಪಟ್ಟಣದ ಸರ್ಕಲ್ ಇನ್ಸ್‌ಪೆಕ್ಟರ್ ಕಚೇರಿಯ ಮುಖ್ಯಪೇದೆ ಆರ್.ಬಸವರಾಜ ಅನ್ನು ಸೇವೆಯಿಂದ ಅಮಾನತು ಮಾಡಿ ವಿಜಯನಗರ ಎಸ್ಪಿ ಕೆ.ಅರುಣ್ ಆದೇಶ ಹೊರಡಿಸಿದ್ದಾರೆ.

ಲಂಚ ಕೇಳಿದ ಆಡಿಯೋ ಸಮೇತ ವ್ಯಕ್ತಿಯೊಬ್ಬರು ದೂರು ಕೊಟ್ಟ ಹಿನ್ನೆಲೆಯಲ್ಲಿ ಈ ಕ್ರಮ ಕೈಗೊಳ್ಳಲಾಗಿದೆ. ಪ್ರಥಮ ಹಂತವಾಗಿ ಮುಖ್ಯಪೇದೆಯನ್ನು ಅಮಾನತು ಮಾಡಲಾಗಿದೆ. ಅವರನ್ನು ಕರೆಸಿ ವಿಚಾರಣೆ ನಡೆಸಿ ಮುಂದಿನ ತನಿಖೆ ಕೈಗೊಳ್ಳಲಾಗುವುದು. ಲಂಚ ಕೇಳಿದ್ದು ಸಾಬೀತಾದರೆ ಕಠಿಣ ಕಾನೂನು ಕ್ರಮಕೈಗೊಳ್ಳಲಾಗುವುದು ಎಂದು ಎಸ್ಪಿ ಅರುಣ್ ತಿಳಿಸಿದ್ದಾರೆ. ಬಸವರಾಜ ಒಟ್ಟು ಮೂರು ಬಾರಿ ಅಮಾನತಾಗಿದ್ದಾರೆ.