ಪಿಎಚ್ಸಿಯಲ್ಲಿ ಹುದ್ದೆ ಖಾಲಿ: ನಾಯಿ ಕಚ್ಚಿದ ಪ್ರಕರಣಕ್ಕೆ ಸಂಬಂಧಿಸಿ ಭಾನುವಾರ ಪ್ರಾಥಮಿಕ ಆರೋಗ್ಯ ಕೇಂದ್ರಕ್ಕೆ ಹೋದರೆ ಚುಚ್ಚುಮದ್ದು ನೀಡಲು ಸೋಮವಾರ ಬರುವಂತೆ ಹಿಂದಕ್ಕೆ ಕಳಿಸುತ್ತಾರೆಂದು ಸದಸ್ಯೆ ಸೆಲಿಮಾಬಿ ದೂರಿದರು. ಕುತ್ತಿಗೆ, ಮುಖ, ಕೈಗೆ ನಾಯಿ ಕಚ್ಚಿದರೆ ತಕ್ಷಣ ಚುಚ್ಚುಮದ್ದು ತೆಗೆದುಕೊಳ್ಳಬೇಕು. ಪ್ರತಿದಿನ ಪ್ರಾಥಮಿಕ ಆರೋಗ್ಯ ಕೇಂದ್ರದಲ್ಲಿ ಚುಚ್ಚುಮದ್ದು ಕೊಡುತ್ತಾರೆ. ಭಾನುವಾರ ತೀವ್ರತರದ ಪ್ರಕರಣ ಇದ್ದರೆ ವೆನ್ಲಾಕ್ಗೆ ಕಳಿಸುತ್ತಾರೆ. ಇಲ್ಲದಿದ್ದರೆ ಸೋಮವಾರ ಕೇಂದ್ರದಲ್ಲೇ ಚುಚ್ಚುಮದ್ದು ಕೊಡಲಾಗುತ್ತದೆ. ಈ ವರ್ಷ ಮಲೇರಿಯಾ ಪ್ರಕರಣ ವರದಿಯಾಗಿಲ್ಲ. ಒಂದೆರಡು ಡೆಂಘೆ ಪ್ರಕರಣ ವರದಿಯಾಗಿದೆ. ಕೋಟೆಕಾರ್ ಆರೋಗ್ಯ ಕೇಂದ್ರದಲ್ಲಿ ಸ್ಟಾಫ್ ನರ್ಸ್, ಹಿರಿಯ ಸುರಕ್ಷಾ ಅಧಿಕಾರಿ, ಪ್ರಾಥಮಿಕ ಆರೋಗ್ಯ ಸುರಕ್ಷಾಧಿಕಾರಿ ಸೇರಿ ಮೂರು ಹುದ್ದೆ ಖಾಲಿಯಿದೆ ಎಂದು ಆರೋಗ್ಯಾಧಿಕಾರಿ ತಿಳಿಸಿದರು.
