2000 ಕೊರಗ ಕುಟುಂಬಗಳಿಗೆ ಹಕ್ಕುಪತ್ರ ಬಾಕಿ

ಉಡುಪಿ: ಜಿಲ್ಲೆಯಲ್ಲಿ 200 ಕೊರಗ ಕುಟುಂಬಗಳಿಗೆ ಹಕ್ಕುಪತ್ರ ದೊರಕಿದೆ. ಇನ್ನೂ ಅಂದಾಜು 2000 ಕುಟುಂಬಗಳು ಬಾಕಿಯಿದ್ದು, ಈ ಕುಟುಂಬಗಳಿಗೆ ಶ್ರೀದಲ್ಲಿ ಭೂಮಿ ಒದಗಿಸಬೇಕು ಎಂದು ಕರ್ನಾಟಕ&ಕೇರಳ ಕೊರಗ ಅಭಿವೃದ್ಧಿ ಸಂಗಳ ಒಕ್ಕೂಟದ ಅಧ್ಯಕ್ಷೆ ಸುಶೀಲಾ ನಾಡ ಆಗ್ರಹಿಸಿದರು.

ಬುಧವಾರ ಜಿಲ್ಲಾಧಿಕಾರಿ ಕಚೇರಿಯ ಆವರಣದಲ್ಲಿ ಜಿಲ್ಲೆಯ ಕೊರಗ ಸಮುದಾಯದ ಕುಟುಂಬಗಳಿಗೆ ಕೃಷಿ ಭೂಮಿಗೆ ಹಕ್ಕುಪತ್ರ ನೀಡಬೇಕೆಂದು ಆಗ್ರಹಿಸಿ ಅಹೋರಾತ್ರಿ ಧರಣಿ ಸತ್ಯಾಗ್ರಹಕ್ಕೆ ಚಾಲನೆ ನೀಡಿ ಮಾತನಾಡಿದರು.

ಡಾ.ಮಹಮ್ಮದ್​ ಫೀರ್​ ವರದಿಯಲ್ಲಿ ಸಮುದಾಯದ ಪ್ರತಿಯೊಂದು ಕುಟುಂಬಕ್ಕೂ ತಲಾ 2.5 ಎಕರೆ ಭೂಮಿ ನೀಡಿ ಕೃಷಿಗೆ ಉತ್ತೀಜನ ನೀಡಲು ಶಿಫಾರಸು ಮಾಡಲಾಗಿದೆ. ಕೊಕ್ಕರ್ಣೆಯಲ್ಲಿ ನಡೆದ ಗ್ರಾಮವಾಸ್ತವ್ಯದಲ್ಲಿ ಕಂದಾಯ ಸಚಿವ ಆರ್​.ಅಶೋಕ್​ ಕೊರಗರಿಗೆ 1 ಸಾವಿರ ಎಕರೆ ಕೃಷಿಭೂಮಿ ನೀಡುವುದಾಗಿ ಭರವಸೆ ನೀಡಿದ್ದರೂ ಇದುವರೆಗೂ ಜಾರಿಯಾಗಿಲ್ಲ ಎಂದರು. ಪ್ರಮುಖರಾದ ಬೊಗ್ರ ಕೊರಗ, ಸುಶೀಲಾ ಕೆಂಜೂರು, ಪುತ್ರನ್​ ಹೆಬ್ರಿ, ವಿನಯ ಅಡ್ವೆ, ಗಿರಿಜಾ ಜನ್ನಾಡಿ, ದಿವಾಕರ ಕಳತ್ತೂರು ಮತ್ತಿತರರು ಉಪಸ್ಥಿತರಿದ್ದರು.