ಜಿಲ್ಲೆಯಲ್ಲಿ 2013ರಲ್ಲಿ ಕಾಲೇಜು ಆರಂಭವಾಗಿದೆ. ಅಂದಿನಿಂದ ಈವರೆಗೆ ಕೇವಲ ಒಬ್ಬರು ಕಾಯಂ ನಿರ್ದೇಶಕರಾಗಿ ಸೇವೆ ಸಲ್ಲಿಸಿದ್ದಾರೆ. ಉಳಿದಂತೆ ಪ್ರಭಾರಗಳ ಮೇಲೆ ಕಾಲೇಜು ನಡೆಸಲಾಗುತ್ತಿದೆ. 2020ರಲ್ಲಿ ನಿರ್ದೇಶಕರ ನೇಮಕಕ್ಕೆ ಅಧಿಸೂಚನೆ ಪ್ರಕಟವಾಗಿದ್ದರೂ ನಂತರದಲ್ಲಿ ವಿನಾಕಾರಣ ಕೈ ಬಿಡಲಾಗಿತ್ತು. ಪ್ರಸಕ್ತ ವರ್ಷ ಜು.12ರಂದು ವೈದ್ಯಕೀಯ ಶಿಕ್ಷಣ ಇಲಾಖೆ ಕಾರವಾರ, ಗದಗ, ಕೊಪ್ಪಳ ವೈದ್ಯಕೀಯ ವಿಜ್ಞಾನಗಳ ಸಂಸ್ಥೆ ಹಾಗೂ ಬೆಂಗಳೂರಿನ ಇಂದಿರಾ ಗಾಂಧಿ ಮಕ್ಕಳ ಆರೋಗ್ಯ ಸಂಸ್ಥೆಗೆ ಕಾಯಂ ನಿರ್ದೇಶಕರ ನೇಮಕಕ್ಕೆ ಆದೇಶಿಸಿದೆ. ತಕ್ಷಣವೇ ಅಧಿಸೂಚನೆ ಹೊರಡಿಸಿ, ಅರ್ಜಿ ಕರೆದು ನೇಮಕಾತಿ ಪ್ರಕ್ರಿಯೆ ಪೂರ್ಣಗೊಳಿಸಲು ಸೂಚಿಸಿದೆ. ಅದರಂತೆ ಕಾರವಾರ, ಗದಗ, ಬೆಂಗಳೂರು ಸಂಸ್ಥೆಗಳು ಒಂದೆರಡು ದಿನಗಳಲ್ಲಿ ಅಧಿಸೂಚನೆ ಪ್ರಕಟಿಸಿವೆ.
