ಶ್ವಾನದಳ ಪ್ರದರ್ಶನದಲ್ಲಿ ಭಾಗವಹಿಸಿದ್ದ ಸಿಂಧು, ಕಿನ್ನಿ, ತುಂಗಾ ಮತ್ತು ಬಿಂದು ಹೆಸರಿನ ಶ್ವಾನಗಳು ಚಾಣಾಕ್ಷತನ ಪ್ರದರ್ಶಿಸಿ, ಅಪರಾಧ ಪತ್ತೆ ಹಾಗೂ ದೇಶದ ಆಂತರಿಕ ಭದ್ರತೆಯಲ್ಲಿ ಶ್ವಾನಗಳ ಪಾತ್ರ ಎಷ್ಟು ಮುಖ್ಯ ಎಂಬುದನ್ನು ಜನರಿಗೆ ಮನವರಿಕೆ ಮಾಡಿಕೊಟ್ಟವು. ಒಂದೊಂದು ಶ್ವಾನ ಪ್ರದರ್ಶನಕ್ಕೂ ನೆರೆದ ಜನರಿಂದ ಚಪ್ಪಾಳೆ, ಶಿಳ್ಳೆ, ಕೇಕೆಗಳು ಕೇಳಿಬಂದವು. ಶ್ವಾನಗಳಿಗೆ ಬೆಂಗಳೂರಿನ ಆಡುಗೋಡೆಯಲ್ಲಿನ ಸಿಎಆರ್ನಲ್ಲಿ ತರಬೇತಿ ನೀಡಲಾಗಿದೆ. ವಿದ್ವಂಸಕಕೃತ್ಯ ಎಸಗುವಿಕೆ, ಸ್ಫೋಟಕ ಪತ್ತೆ, ಅಪರಾಧ ಎಸಗಿದ ವ್ಯಕ್ತಿ ಗುರುತು, ಕರವಸ್ತ್ರದ ವಾಸನೆ ಕಂಡುಹಿಡಿವ ದೃಶ್ಯ ನೋಡುಗರನ್ನು ನಿಬ್ಬೆರಗಾಗಿಸಿತು. ಸ್ಫೋಟಕ ಪತ್ತೆ ವಿಭಾಗದಲ್ಲಿ ಬಿಂದು, ಕಿನ್ನಿ, ಅಪರಾಧ ಪತ್ತೆ ವಿಭಾಗದಲ್ಲಿ ತುಂಗಾ, ಸಿಂಧು ಎನ್ನುವ ಶ್ವಾನಗಳ ಪ್ರದರ್ಶನ ನಿರ್ವಹಣೆಯಲ್ಲಿ ಗೋಲಾಸಿಕ್ ಕಾರ್ಯಾಚರಣೆ ದೃಶ್ಯ ಅದ್ಭುತವಾಗಿತ್ತು. ಡಿವೈಎಸ್ಪಿಗಳಾದ ಶರಣಪ್ಪ ಸುಬೇದಾರ್, ಆರ್.ಎಸ್.ಉಜ್ಜನಕೊಪ್ಪ, ಶಶಿಧರ್, ಸಿಪಿಐಗಳಾದ ಮಹಾಂತೇಶ ಸಜ್ಜನ, ಅಮರೇಶ ಹುಬ್ಬಳ್ಳಿ, ಸಂತೋಷ ಹಳ್ಳೂರ ಇದ್ದರು.
