ಕೊಪ್ಪಳದ ಎರಡು ಕಾರ್ಖಾನೆಗಳಿಗೆ ಬೀಗ

ಕೊಪ್ಪಳ : ಪರಿಸರ ನಿಯಮ ಉಲ್ಲಂಘಿಸಿ ಕಾರ್ಯನಿರ್ವಹಿಸುತ್ತಿದ್ದ ಎರಡು ಕಾರ್ಖಾನೆಗಳಿಗೆ ಗುರುವಾರ ಜಿಲ್ಲಾಡಳಿತ ಬೀಗ ಹಾಕಿದೆ.

ಕೊಪ್ಪಳ ತಾಲೂಕಿನ ಅಲ್ಲಾನಗರ ಗ್ರಾಮದ ಹೊಸಪೇಟೆ ಇಸ್ಪಾತ್​ ಪೆ.ಲಿ. ಹಾಗೂ ಪಿಬಿಎಸ್​ (ಪಿ.ಬಾಲಸುಬ್ಬಶೆಟ್ಟಿ) ಪವರ್​ ಆ್ಯಂಡ್​ ಸ್ಟೀಲ್​ ಪೆ.ಲಿ. ್ಯಾಕ್ಟರಿಗಳಿಗೆ ಬೀಗ್​ ಹಾಕಿ ಸೀಜ್​ ಮಾಡಲಾಯಿತು. ಸಹಾಯ ಆಯುಕ್ತ ಮಹೇಶ ಮಾಲಗಿತ್ತಿ ನೇತೃತ್ವದಲ್ಲಿ ತಹಸೀಲ್ದಾರ್​ ಬಸವರಾಜ ತೆನ್ನಳ್ಳಿ, ಸಹಾಯಕ ಪರಿಸರ ಅಧಿಕಾರಿ ಅಮರ್​ ಹಾಗೂ ಜೆಸ್ಕಾಂ ಸಿಬ್ಬಂದಿ ತೆರಳಿ ಕಾರ್ಖಾನೆಯಲ್ಲಿದ್ದವರನ್ನು ಹೊರ ಕಳಿಸಿದರು. ಬಳಿಕ ಬಾಗಿಲು ಹಾಕಿ ಸೀಜ್​ ಮಾಡಲಾಯಿತು. ಜೆಸ್ಕಾಂ ಸಿಬ್ಬಂದಿ ವಿದ್ಯುತ್​ ಸಂಪರ್ಕ ಕಡಿತಗೊಳಿಸಿದರು.

ಪರಿಸರ ನಿಯಮ ಉಲ್ಲಂನೆ ಹಾಗೂ ಕಪು$್ಪ ಧೂಳು ಹೊರ ಸೂಸುವ ಮೂಲಕ ಜನ ಜೀವನಕ್ಕೆ ಕೊಪ್ಪಳ ಪರಿಸದರ ಕಾರ್ಖಾನೆಗಳು ಮಾರಕವಾಗಿವೆ. ಈ ಬಗ್ಗೆ ಜನರು ನಿತಂತರ ಹೋರಾಟ ನಡೆಸುತ್ತಿದ್ದಾರೆ. ಇತ್ತೀಚೆಗೆ ಜಿಲ್ಲೆಗೆ ಭೇಟಿ ನೀಡಿದ್ದ ಪರಿಸರ ಮಾಲಿನ್ಯ ನಿಯಂತ್ರಣ ಮಂಡಳಿ ಅಧ್ಯಕ್ಷ ಪಿ.ಎಂ.ನರೇಂದ್ರ ಸ್ವಾಮಿ ಪರಿಸರ ಮಾಲಿನ್ಯ ಕಂಡು ಕೆಂಡವಾಗಿದ್ದರು. ಮಂಡಳಿ ಜಾರಿ ನಿರ್ದೇಶನ ವಿಭಾಗ ಐದು ಕಾರ್ಖಾನೆ ಬಂದ್​ ಮಾಡಬೇಕೆಂದು ವರದಿ ಶಿಾರಸ್ಸು ಮಾಡಿದೆ.

ಅಲ್ಲಾನಗರದ ಹೊಸಪೇಟೆ ಇಸ್ಪಾತ್​ ಪೆ.ಲಿ., ಕಾಸನಕಂಡಿ ಎಚ್​ಆರ್​ಜಿ ಅಲಾಯನ್ಸ್​ ಆಂಡ್​ ಸ್ಟೀಲ್ಟ್​ ಪೆ.ಲಿ., ಹಿರೇ ಬಗನಾಳದ ವನ್ಯ ಸ್ಟೀಲ್ಸ್​ ಮತ್ತು ಹಾಲವರ್ತಿಯ ಪಿಬಿಎಸ್​ ಪವರ್​ ಆ್ಯಂಡ್​ ಸ್ಟೀಲ್ಸ್​ಗೆ ಏಪ್ರೀಲ್​ 9ರಂದು ಕ್ಲೋಸರ್​ ನೋಟಿಸ್​ ನೀಡುವಂತೆ ಮಂಡಳಿ ಸಭೆಯಲ್ಲಿ ಠರಾವು ಅನುಮೋದಿಸಲಾಗಿದೆ. ಅದರಂತೆ ಗುರುವಾರ ಎರಡು ಕಂಪನಿಗಳಿಗೆ ಬೀಗ ಹಾಕಿ ಬಂದ್​ ಮಾಡಿಸಲಾಗಿದೆ. ಬಾಕಿ ಮೂರು ಕೈಗಾರಿಕಗಳ ಕ್ಲೋಸರ್​ ಆರ್ಡರ್​ ಬಂದ ನಂತರ ಬಂದ್​ ಮಾಡುವುದಾಗಿ ಅಧಿಕಾರಿಗಳು ವಿಜಯವಾಣಿಗೆ ಮಾಹಿತಿ ನೀಡಿದರು.

ಕೈಗಾರಿಕೆಗಳ ಮಾಲಿನ್ಯ ಹಾಗೂ ದುಷ್ಪರಿಣಾಮಗಳ ಬಗ್ಗೆ ವಿಜಯವಾಣಿ ನಿರಂತರ ವರದಿ ಪ್ರಕಟಿಸುತ್ತಿದೆ. ಐದು ಕೈಗಾರಿಕೆಗಳಿಗೆ ಕ್ಲೋಸರ್​ ನೋಟಿಸ್​ ನೀಡಿದ ಬಗ್ಗೆ ವಿಜಯವಾಣಿಯಲ್ಲಿ ಏ.25ರಂದು "ಕಾರ್ಖಾನೆಗಳಿಗೆ ಬೀಳುತ್ತಾ ಬೀಗ ?" ಶೀರ್ಷಿಕೆಯಡಿ ಮೊದಲು ವಿಶೇಷ ವರದಿ ಪ್ರಕಟಿಸಿ ಗಮನ ಸೆಳೆದಿತ್ತು.