ಸಂಚಾರ ನಿಯಮ ಪಾಲಿಸಿ

ನಗರದ ಗವಿಮಠ ಆವರಣದಲ್ಲಿ ಜಿಲ್ಲಾಡಳಿತ, ಪೊಲೀಸ್​, ಸಾರಿಗೆ ಇಲಾಖೆಯಿಂದ ಶುಕ್ರವಾರ ಹಮ್ಮಿಕೊಂಡಿದ್ದ 37ನೇ ರಾಷ್ಟ್ರೀಯ ರಸ್ತೆ ಸುರಕ್ಷತಾ ಜಾಥಾಕ್ಕೆ ಚಾಲನೆ ನೀಡಿ ಮಾತನಾಡಿದರು.

ಅಪ್ರಾಪ್ತರು ವಾಹನ ಚಲಾಯಿಸಬಾರದು. ರಸ್ತೆ ಚೆನ್ನಾಗಿದ್ದರೂ ನಿಯಮ ಪಾಲಿಸದಿದ್ದರೆ ಅಪಘಾತ ಆಗುತ್ತವೆ. ಮದ್ರಾಸ್​ ಐಐಟಿಯಿಂದ ಜಿಲ್ಲೆಯ ಅಪಘಾತ ವಲಯ ಗುರುತಿಸಿ ಸರಿಪಡಿಸುವ ಕೆಲಸ ಮಾಡುತ್ತಿದ್ದೆವೆ. ರಾಷ್ಟ್ರ ನಿರ್ಮಾಣದಲ್ಲಿ ಸ್ಕೌಟ್​ ಮತ್ತು ಗೈಡ್ಸ್​ ಹಾಗೂ ಎನ್​.ಸಿ.ಸಿ ವಿದ್ಯಾರ್ಥಿಗಳಿಗೆ ಬಹುದೊಡ್ಡ ಜವಾಬ್ದಾರಿ ಇದೆ ಎಂದರು.

ಅಭಿನವ ಗವಿಸಿದ್ಧೇಶ್ವರ ಸ್ವಾಮೀಜಿ ಮಾತನಾಡಿ, ಜನ ಮೊಬೈಲ್​ ಹಾಳಾಗದಿರಲೆಂದು ಸ್ಕ್ರೀನಗಾರ್ಡ್​ ಹಾಕಿಸುತ್ತಾರೆ. ಆದರೆ, ತಲೆ ಹೊಡೆಯದಿರಲೆಂದು ಹೆಲ್ಮೆಟ್​ ಹಾಕುವುದಿಲ್ಲ. ದೇವರು ಕೊಟ್ಟ ಈ ಜೀವನ ಜಾಣತನದಿಂದ ಬಳಸಿಕೊಳ್ಳಬೇಕು. ಒಬ್ಬ ಜವಾಬ್ದಾರಿ ನಾಗರಿಕರಾಗಿ ದೇಶ ಕಟ್ಟುವುದರ ಜತೆಗೆ ನಮ್ಮ ಜೀವನ ಕಟ್ಟಿಕೊಳ್ಳಬೇಕು. ಎಲ್ಲರೂ ನಮ್ಮ ಜವಾಬ್ದಾರಿಗಳನ್ನು ಪಾಲಿಸಬೇಕೆಂದು ಸಲಹೆ ನೀಡಿದರು.

ಎಸ್ಪಿ ಡಾ.ರಾಮ್​ ಎಲ್​.ಅರಸಿದ್ದಿ ಮಾತನಾಡಿ, ವಾಹನ ಚಲಾಯಿಸುವಾಗ ಎಚ್ಚರವಹಿಸಬೇಕು. ಅಪಘಾತದಲ್ಲಿ ವ್ಯಕ್ತಿ ಮೃತಪಟ್ಟರೆ ಅವರ ಕುಟುಂಬ ಸತ್ತಂತೆ. ಹೀಗಾಗಿ ಎಲ್ಲರೂ ಎಚ್ಚರಿಕೆಯಿಂದ ಇರಬೇಕು. ನಿಯಮ ಪಾಲಿಸಬೇಕೆಂದು ಮನವಿ ಮಾಡಿದರು.

ಪ್ರಾದೇಶಿಕ ಸಾರಿಗೆ ಅಧಿಕಾರಿ ಪ್ರಭುಸ್ವಾಮಿ ಹಿರೇಮಠ ಮಾತನಾಡಿ, ಜಿಲ್ಲಾದ್ಯಂತ ರಸ್ತೆ ಸುರಕ್ಷತಾ ಮಾಸಾಚರಣೆ ಮಾಡಲಾಗುತ್ತಿದೆ. ವಾಹನ ಚಾಲಕರು ಮತ್ತು ಮಾಲೀಕರು ಸುರಾ ನಿಯಮ ಪಾಲಿಸಬೇಕು. ಕೊಪ್ಪಳವನ್ನು ಅಪಘಾತ ರಹಿತ ಜಿಲ್ಲೆಯಾಗಿಸಲು ಸಹಕರಿಸುವಂತೆ ಕೋರಿದರು.

ಗವಿಮಠದಿಂದ ಅಶೋಕ ವೃತ್ತವರೆಗೆ ಸಾಗಿದ ಜಾಥಾ ಮಾನವ ಸರಪಳಿ ರಚಿಸಿ ಜಾಗೃತಿ ಮೂಡಿಸುವ ಮೂಲಕ ಮುಕ್ತಾಯಗೊಂಡಿತು. ಹಿರಿಯ ಸಿವಿಲ್​ ನ್ಯಾಯಾಧೀಶ ಮಹಾಂತೇಶ ದರಗದ, ವಾರ್ತಾಧಿಕಾರಿ ಡಾ.ಸುರೇಶ ಜಿ., ಹಿರಿಯ ಮೋಟಾರ ವಾಹನ ನಿರೀಕ್ಷಕರಾದ ಸುರೇಶ, ಪ್ರಕಾಶ. ಸ್ಕೌಟ್​- ಗೈಡ್ಸ್​ ಮತ್ತು ಎನ್​.ಸಿ.ಸಿ. ವಿದ್ಯಾರ್ಥಿಗಳಿದ್ದರು.