ಕೊಚ್ಚಿಹೋದ ತುಂಗಭದ್ರಾ ಎಡದಂಡೆ ನಾಲೆ

ತುಂಗಭದ್ರಾ ಜಲಾಶಯದ ಕ್ರಸ್ಟ್​ ಗೇಟ್​ ಅಳವಡಿಕೆ ಕಾರಣ ಎರಡಬೇ ಬೆಳೆಗೆ ನೀರು ನೀಡದೆ ಖಾಲಿ ಮಾಡಲಾಗಿದೆ. ಮಂಗಳವಾರವಷ್ಟೇ ರಾಯಚೂರು ಭಾಗಕ್ಕೆ ಕುಡಿವ ನೀರಿಗಾಗಿ 2ಸಾವಿರ ಕ್ಯೂಸೆಕ್​ ನೀರು ನಾಲೆಗೆ ಹರಿಸಲಾಗಿದೆ. ಮೊದಲೆ ಬೋಂಗಾ ಇದ್ದರಿಂದ ನೀರಿನ ಒತ್ತಡಕ್ಕೆ ಸುಮಾರು 30 ಮೀಟರ್​ನಷ್ಟು ಕಾಲುವೆ ಕೊಚ್ಚಿ ಹೋಗಿದೆ.

ಕಾಲುವೆಗೆ ಹೊಂದಿಕೊಂಡ ರೆಸಾರ್ಟ್​ಗಳು, ಭತ್ತದ ಗದ್ದೆಗೆ ನೀರು ನುಗ್ಗಿದೆ. ಮರಳು, ಕಲ್ಲು, ಗಿಡಗಳು ಜಮೀನಲ್ಲಿ ಹರಡಿಕೊಂಡಿವೆ. ರೆಸಾರ್ಟ್​ ಬಳಿ ಇದ್ದ ಬೈಕ್​ಗಳು ಹಲವು ದೂರದಷ್ಟು ನೀರಿಗೆ ತೇಲಿಹೋಗಿವೆ. ಜಲಾಶಯದಿಂದ ನೀರಿನ ಹರಿವು ನಿಲ್ಲಿಸಿದ್ದು, ದುರಸ್ಥಿಗೆ 8-10 ದಿನಗಳ ಸಮಯ ಬೇಕೆಂದು ಅಧಿಕಾರಿಗಳು ತಿಳಿಸಿದ್ದಾರೆ.