ಪಡಿತರ ಅಕ್ಕಿ ಅಕ್ರಮಕೋರರ ಪಾಲು

ಬಡವರ ಒಡಲು ಹೊರೆಯಲೆಂದು ಸರ್ಕಾರ ಅನ್ನಭಾಗ್ಯದಡಿ ನೀಡುತ್ತಿರುವ ಪಡಿತರ ಅಕ್ರಮಕೋರರಿಗೆ ವರವಾಗಿ ಪರಿಣಮಿಸುತ್ತಿದೆ. ರಾಜ್ಯದಲ್ಲಿ ಅಕ್ರಮ ದಂಧೆಗೆ ಕಡಿವಾಣ ಇಲ್ಲದಂತಾಗಿದ್ದು ವರ್ಷದಿಂದ ವರ್ಷಕ್ಕೆ ಪ್ರಕರಣಗಳ ಸಂಖ್ಯೆ ದುಪ್ಪಟ್ಟಾಗುತ್ತಿದೆ.

ಗೃಹ ಲಕ್ಷ್ಮೀ ಯೋಜನೆ ಜಾರಿ ಪರಿಣಾಮ ಹೊಸದಾಗಿ ಪಡಿತರ ಚೀಟಿ ವಿತರಣೆ ಸ್ಥಗಿತಗೊಂಡು ಮೂರು ವರ್ಷವಾಗಿದೆ. ಸರ್ಕಾರ ತುರ್ತು ಆರೋಗ್ಯ ಸಮಸ್ಯೆ ಇದ್ದವರಿಗೆ ಮಾತ್ರವೇ ರೇಷನ್​ ಕಾರ್ಡ್​ ನೀಡುತ್ತಿದೆ. ಮತ್ತೊಂದೆಡೆ ಬಡತನರೇಖೆ ಮಾನದಂಡ ಪರಿಷ್ಕರಿಸಿದ್ದು ಆದಾಯ ಮೀರಿದ ಕುಟುಂಬಗಳನ್ನು ಆದ್ಯತಾ ವಲಯದಿಂದ ಕೈಬಿಡುವ ಕೆಲಸ ನಡೆದಿದೆ.

ಮನೆ, ಕೃಷಿ ಸಾಲ ಹೀಗೆ ವಿವಿಧ ಸಾಲ ಪಡೆಯಲು ಐಟಿ ರಿಟರ್ನ್ಸ್​ ಕಡ್ಡಾಯ ಕಾರಣ. ಅದನ್ನು ಮಾಡಿಸಿದವರಿಗೂ ಬಿಪಿಎಲ್​ ಕೈ ತಪು$್ಪತ್ತಿದೆ. ರಾಜ್ಯದಲ್ಲಿ ಕಳೆದ ಮೂರು ವರ್ಷದಲ್ಲಿ 1,29,234 ಕಾರ್ಡ್​ಗಳು ರದ್ದುಗೊಂಡಿವೆ. ಲಾಂತರ ಶಂಕಾಸ್ಪದ ಕಾರ್ಡ್​ಗಳಿದ್ದು ಪರಿಶೀಲನೆ ಹೆಸರಿನಲ್ಲಿ ಹಂತ ಹಂತವಾಗಿ ಎಪಿಎಲ್​ ಆಗಿ ಪರಿವರ್ತನೆಯಾಗಲಿವೆ ಎಂಬ ಆತಂಕ ಜನರಲ್ಲಿದೆ.

ರಾಜ್ಯದಲ್ಲಿ ಫೆಬ್ರವರಿ ತಿಂಗಳ ಅಂತ್ಯಕ್ಕೆ 10,47,080 ಅಂತ್ಯೋದಯ, 1,14,38,886 ಬಿಪಿಎಲ್​, 29,71,601 ಎಪಿಎಲ್​ ಕಾರ್ಡ್​ಗಳಿವೆ. 4 ಕೋಟಿ 46 ಸಾವಿರ ಬಿಪಿಎಲ್​, 42 ಲಕ್ಷ 76 ಸಾವಿರ ಅಂತ್ಯೋದಯ ಲಾನುಭವಿಗಳಿದ್ದಾರೆ. 2025ರಲ್ಲಿ 46.56 ಲಕ್ಷ ಮೆಟ್ರಿಕ್​ ಟನ್​ ಅಕ್ಕಿ ಅನ್ನಭಾಗ್ಯ ಯೋಜನೆಯಡಿ ವಿತರಣೆಯಾಗಿದೆ.

ಕೆಲವೆಡೆ ನ್ಯಾಯಬೆಲೆ ಅಂಗಡಿಗಳಿಂದಲೇ ನೇರವಾಗಿ ಪಡಿತರ ಅಕ್ರಮವಾಗಿ ಮಾರಾಟವಾಗುತ್ತಿದೆ. ಇನ್ನು ಕೆಲ ಜಿಲ್ಲೆಗಳಲ್ಲಿ ಮಧ್ಯವರ್ತಿಗಳಿದ್ದು ನ್ಯಾಯಬೆಲೆ ಅಂಗಡಿಕಾರರ ಮೂಲಕ ಲಾನುಭವಿಗಳನ್ನು ಸಂಪರ್ಕಿಸಿ ಅವರಿಂದಲೇ ಕೆಜಿಗೆ 12&15ರೂ.ನಂತೆ ಖರೀದಿಸಿ ಹೊರ ರಾಜ್ಯ, ದೇಶಗಳಿಗೆ ರ್ತು ಮಾಡುತ್ತಿದ್ದಾರೆ. ನ್ಯಾಯಬೆಲೆ ಅಂಗಡಿಗಳಲ್ಲಿ ಸಿಸಿಟಿವಿ ಕ್ಯಾಮರಾ ಅಳವಡಿಕೆ ಆಗುತ್ತಿಲ್ಲ. ಇಷ್ಟೆಲ್ಲ ಅಕ್ರಮ ನಡೆದರೂ ಅಧಿಕಾರಿಗಳು ಕಡಿವಾಣ ಹಾಕುವ ಬದಲು ಜಾಣ ಕುರುಡು ಪ್ರದರ್ಶಿಸುತ್ತಿದ್ದು ಪ್ರಕರಣ ದಾಖಲಿಸಲೂ ಹಿಂದೇಟು ಹಾಕುತ್ತಿರುವುದು ವಿಪರ್ಯಾಸ.

ತುಂಗಭದ್ರಾ ಜಲಾಶಯ ವ್ಯಾಪ್ತಿ ಅಚ್ಚುಕಟ್ಟು ಪ್ರದೇಶದಲ್ಲಿ ಬೆಳೆವ ಸೋನಾ ಅಕ್ಕಿಗೆ ಜಾಗತಿಕ ಬೇಡಿಕೆ ಇದೆ. ಹತ್ತಾರು ಕಂಪನಿಗಳು ಹೊರ ದೇಶಗಳಿಗೆ ಅಕ್ಕಿ ರ್ತು ಮಾಡುತ್ತವೆ. ಸದ್ಯ ಡ್ಯಾಂ ಕ್ರಸ್ಟ್​ ಗೇಟ್​ ಅಳವಡಿಕೆ ಕಾರಣ ಎರಡನೇ ಬೆಳೆಗೆ ನೀರು ಲಭ್ಯವಾಗಿಲ್ಲ. ಎರಡನೇ ಬೆಳೆ ಖೋತಾ ಆಗಿದ್ದು ಅಕ್ಕಿ ಉತ್ಪಾದನೆಯೂ ಕುಂಠಿತವಾಗಲಿದೆ. ಈ ಭಾಗದಲ್ಲೂ ಪಡಿತರ ಅಕ್ರಮ ಜಾಲ ವಿಸ್ತರಿಸಿದ್ದು ಕಳೆದ ವರ್ಷ ಸರ್ಕಾರಿ ಗೋದಾಮಿನಿಂದಲೇ ಹೊರದೇಶಕ್ಕೆ ರ್ತು ಮಾಡುವಾಗ ಸ್ಥಳಿಯರು ಬಯಲಿಗೆಳೆದಿದ್ದರು. ಮಾ.28ರಂದು ಸುಳ್ಳು ದಾಖಲೆ ಸೃಷ್ಟಿಸಿ 10 ಲಕ್ಷ ರೂ. ಮೌಲ್ಯದ 358 ಕ್ವಿಂಟಾಲ್​ ಅಕ್ಕಿ ಅಕ್ರಮವಾಗಿ ಸಾಗಿಸುವ ವೇಳೆ ಕನ್ನಡಪರ ಸಂಟನೆಗಳು ದಾಳಿ ನಡೆಸಿ ಅಕ್ರಮ ಸಾಬೀತುಪಡಿಸಿವೆ.

2023ರಲ್ಲಿ 363 ಪ್ರಕರಣಗಳಾಗಿದ್ದು, 580 ಜನರನ್ನು ಬಂಧಿಸಲಾಗಿದೆ. 11.40 ಕೋಟಿ ರೂ. ಮೌಲ್ಯದ 30,943.45 ಕ್ವಿಂ. ಪಡಿತರ ವಶಕ್ಕೆ ಪಡೆಯಲಾಗಿದೆ. 2024ರಲ್ಲಿ 402 ಪ್ರಕರಣಗಳಾಗಿದ್ದು, 505 ಜನರ ಬಂಧನವಾಗಿದೆ. 4.48 ಕೋಟಿ ರೂ. ಮೌಲ್ಯದ 13,202.14 ಕ್ವಿಂ. ಪಡಿತರ ಸೆರೆಯಾಗಿದೆ. 2025ರಲ್ಲಿ 824 ಪ್ರಕರಣಗಳಾಗಿದ್ದು, 788 ವಿರುದ್ಧ ಎ್​ಐಆರ್​ ದಾಖಲಾಗಿದ್ದು, 11.85 ಕೋಟಿ ರೂ. ಮೌಲ್ಯದ 48,872.83 ಕ್ವಿಂ. ಅಕ್ಕಿ ವಶಕ್ಕೆ ಪಡೆಯಲಾಗಿದೆ. ಮೂರು ವರ್ಷದಲ್ಲಿ ಒಟ್ಟು 1,589 ಎ್​ಐಆರ್​ ಆಗಿದ್ದು, 1,873 ಜನರನ್ನು ಬಂಧಿಸಲಾಗಿದೆ. 93,018.47 ಕ್ವಿಂಟಾಲ್​ ಪಡಿತರ ವಶಪಡಿಸಿಕೊಳ್ಳಲಾಗಿದೆ.