ಗಡಿಭಾಗದ ರಸ್ತೆ ಸಂಪೂರ್ಣ ಹಾಳು

ಕೆಲ ವರ್ಷಗಳ ಹಿಂದೆಯೇ ಕನಕಗಿರಿ ತಾಲೂಕು ಮುಸಲಾಪುರದಿಂದ ಕೊಪ್ಪಳ ತಾಲೂಕಿನ ಹೊಸೂರು ಕ್ರಾಸ್ (ಎನ್‌ಎಚ್)ವರೆಗೆ ರಸ್ತೆ ಹದಗೆಟ್ಟಿದೆ. ಅದರಲ್ಲಿ ತಾಲೂಕಿನ ಗಡಿ ಭಾಗದಲ್ಲಿ ಮುಕ್ಕಾಲು ಕಿ.ಮೀ ರಸ್ತೆ ತೀರಾ ಹದಗೆಟ್ಟಿದೆ. ಇದರಿಂದ ಸವಾರರು ಮುಸಲಾಪುರ-ಹಾಸಗಲ್ ನಡುವಿನ 4 ಕಿ.ಮೀ ರಸ್ತೆಯಲ್ಲಿ ಸಾಗದೇ ಗಂಗನಾಳ ಗ್ರಾಮದ ಮಾರ್ಗವಾಗಿ ಸುತ್ತುವರೆದು ಹಾಸಗಲ್ ಮೂಲಕ ಪ್ರಯಾಣ ಮಾಡುತ್ತಿದ್ದಾರೆ. ಜಿಲ್ಲಾ ಕೇಂದ್ರ ಕೊಪ್ಪಳ ಹಾಗೂ ನೆರೆಯ ವಿಜಯನಗರ (ಹೊಸಪೇಟೆ) ಮೂಲಕ ಅನ್ಯ ಕಡೆಗೆ ತೆರಳುವವರು, ಈ ರಸ್ತೆಯನ್ನು ಅತೀ ಹೆಚ್ಚು ಬಳಕೆ ಮಾಡುತ್ತಿದ್ದಾರೆ. ಆದರೆ, ಸುತ್ತುವರೆದು ಸಾಗಬೇಕಾದರೆ ಅವರ ಸಮಯ ಹಾಗೂ ಖರ್ಚು ಹೆಚ್ಚಾಗುತ್ತದೆ.

ಅನಿವಾರ್ಯವಾಗಿ ಕಾರು ಸೇರಿ ಇತರೇ ದೊಡ್ಡ ವಾಹನಗಳು ಮುಸಲಾಪುರದಿಂದ ಗಂಗನಾಳ ಮೂಲಕ ಹಾಸಗಲ್ ತೆರಳಲು ಮುಂದಾದರೆ ಅತೀ ಹೆಚ್ಚು ವಾಹನಗಳ ಸಂಚಾರದಿಂದ (ಗಂಗನಾಳ- ಹಾಸಗಲ್) ರಸ್ತೆಯೂ ಹದಗೆಟ್ಟಿದೆ. ದ್ವಿ ಚಕ್ರ ಸವಾರರು ಮುಸಲಾಪುರದಿಂದ ಕೊಪ್ಪಳದ ಗಡಿ ಭಾಗದ ಉತ್ತಮ ರಸ್ತೆಗೆ ತಲುಪುವವರೆಗೆ ಸವಾರರ ಗುಂಡಿಗೆ ಗಟ್ಟಿಯಾಗಿ ಹಿಡಿದು ಚಾಲನೆ ಮಾಡಬೇಕಿದೆ.

"