ಕೊಪಣದಲ್ಲಿ ಮಾವಿನ ಸುವಾಸನೆ

100ಕ್ಕೂ ಹೆಚ್ಚು ರೈತರು ಭಾಗವಹಿಸಿದ್ದು, 30ಕ್ಕೂ ಅಧಿಕ ಸ್ಟಾಲ್​ಗಳನ್ನು ನೀಡಲಾಗಿದೆ. 10ಕ್ಕೂ ಹೆಚ್ಚು ರೈತ ಉತ್ಪಾದಕ ಕಂಪನಿಗಳು ಹಾಗೂ ಜಿಲ್ಲಾ ಹಾಪಕಾಮ್ಸ್​ ಅಂಗಡಿ ಸಹ ಇದೆ. ಕೇಸರ್​, ದಶಹರಿ, ಆಪೂಸ್​, ಬೆನೆಶಾನ್​, ಮಲ್ಲಿಕಾ, ಸಿಂಧೂರಿ, ಇಮಾಮ್​ ಪಸಂದ್​, ತೋತಾಪುರಿ, ರಸಪುರಿ, ಸ್ವರ್ಣರೇಖಾ ಸೇರಿ 200ಕ್ಕೂ ಅಧಿಕ ದೇಶಿ ಹಾಗೂ ವಿದೇಶಿ ತಳಿ ಮಾವು ಪ್ರದರ್ಶನ ಮತ್ತು ಮಾರಾಟಕ್ಕೆ ಇಡಲಾಗಿದೆ. ಮಾವಿನ ಉಪ್ಪಿನಕಾಯಿ, ಸೀಕರಣಿ, ಜ್ಯೂಸ್​ ಹಲವು ಮೌಲ್ಯವರ್ಧಿತ ಉತ್ಪನ್ನಗಳು ಸಾರ್ವಜನಿರನ್ನು ಆಕರ್ಷಿಸುತ್ತಿವೆ.

ಸಂಸದ ರಾಜಶೇಖರ ಹಿಟ್ನಾಳ, ವಿಪ ಸದಸ್ಯೆ ಸದಸ್ಯೆ ಹೇಮಲತಾ ನಾಯಕ, ಡಿಸಿ ಡಾ.ಸುರೇಶ ಬಿ ಇಟ್ನಾಳ, ಜಿಪಂ ಸಿಇಒ ವರ್ಣಿತ್​ ನೇಗಿ, ತೋಟಗಾರಿಕೆ ಜಂಟಿ ನಿರ್ದೇಶಕ ಕೃಷ್ಣ ಉಕ್ಕುಂದ, ಜಿಲ್ಲಾ ಹಾಪಕಾಮ್ಸ್​ ಅಧ್ಯಕ್ಷ ಯಂಕಣ್ಣ ಯರಾಶಿ, ಜಿಲ್ಲಾ ಗ್ಯಾರಂಟಿ ಯೋಜನೆಗಳ ಅನುಷ್ಠಾನ ಪ್ರಾಧಿಕಾರ ಉಪಾಧ್ಯಕ್ಷ ಮಂಜುನಾಥ ಗೊಂಡಬಾಳ ಇತರರಿದ್ದರು.

ಜಪಾನ್​ ಮೂಲದ ವಿಶ್ವದ ದುಬಾರಿ ಮಾವು ಎಂದು ಖ್ಯಾತಿ ಪಡೆದ ಮೀಯಾಜಾಕಿ ತಳಿಯ ಮಾವು ಈ ಬಾರಿ ಮೇಳದ ಪ್ರಮುಖ ಆಕರ್ಷಣೆಯಾಗಿದೆ. ಅಂತಾರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಕೆ.ಜಿ.ಗೆ ಲಕ್ಷಾಂತರ ರೂ. ಮೌಲ್ಯ ಹೊಂದಿರುವ ಮಾವು ಕೊಪ್ಪಳದ ರೈತರು ಬೆಳೆದಿದ್ದಾರೆ. ಪ್ರತಿ ಕೆಜಿಗೆ 2,500&3,000ರೂ. ದರ ನಿಗದಿಪಡಿಸಲಾಗಿದೆ. ಮಾವಿನ ಆಕೃತಿಯ ಆಕರ್ಷಕ ಸೆಲ್ಫಿ ಪಾಯಿಂಟ್​ ಮಕ್ಕಳು ಹಾಗೂ ಸಾರ್ವಜನಿಕರನ್ನು ಸೆಳೆಯುತ್ತಿದೆ. ಕೊಪ್ಪಳ ಕೇಸರ್​ ಮಾವು ಜನಪ್ರಿಯತೆ ವರ್ಷದಿಂದ ವರ್ಷಕ್ಕೆ ಹೆಚ್ಚುತ್ತಿದೆ.