ತಂತ್ರಜ್ಞಾನದಿಂದ ಭಾಷೆ ಮರೆವು ಹೆಚ್ಚಳ

ತಾಲೂಕಿನ ಮರ್ಲಾನಹಳ್ಳಿ ಗ್ರಾಮದಲ್ಲಿ ಕಸಾಪದಿಂದ ನಡೆದ ಕಾರಟಗಿ ತಾಲೂಕು ತೃತೀಯ ಕನ್ನಡ ಸಾಹಿತ್ಯ ಸಮ್ಮೇಳನದ ಸಮಾರೋಪದಲ್ಲಿ ಮಾತನಾಡಿ, ಜನಜೀವನ ವ್ಯವಸ್ಥೆಯಲ್ಲಿ ಭಾಷೆಯ ಪ್ರಾಮುಖ್ಯತೆ ಸಾಕಷ್ಟಿದೆ. ತಂತ್ರಜ್ಞಾನದ ಗೀಳಿನಲ್ಲಿ ಭಾಷೆಯನ್ನು ಮರೆಯುವಂತಾಗುತ್ತಿದ್ದು ಆತಂಕದ ವಿಚಾರವಾಗಿದೆ.

ಅರಿವೆಂಬುದು ಭಾಷೆಯ ಮೂಲಕ ತಲೆಮಾರುಗಳಿಗೆ ಹರಿದು ಬಂದಿದ್ದು, ಹಿಂದಿನ ದಾರ್ಶನಿಕರು, ತತ್ವಪದಕಾರರು ಸಹಿತ ಸಂವೇದನಾಶೀಲತೆಯಿಂದ ಜನರನ್ನು ಜಾಗೃತಗೊಳಿಸಿದ್ದಾರೆ.

ಆದರೆ, 700ವರ್ಷಗಳ ಬಳಿಕವೂ ಅನೇಕ ಸಮಸ್ಯೆಗಳನ್ನು ಎದುರಿಸುತ್ತಿದ್ದೇವೆ. ಭಾಷಾ ದಾಸ್ಯದ ನಂತರವೂ ಪ್ರಾದೇಶಿಕ ಅಸಮಾನತೆ ಅನುಭವಿಸುವಂತಾಗಿದೆ. 371ನೇ ಕಲಂನಿಂದ ಪ್ರಾದೇಶಿಕ ಅಭಿವೃದ್ಧಿಗೆ ಸಹಕಾರಿಯಾಗುತ್ತಿದ್ದರೂ ಡಾ.ಡಿ.ಎಂ.ನಂಜುಂಡಪ್ಪ ವರದಿ ಬಂದ 24ವರ್ಷಗಳ ಬಳಿಕದ ಗೋವಿಂದರಾವ್ ವರದಿಯಲ್ಲೂ ಅವೇ ತಾಲೂಕುಗಳು ಹಿಂದುಳಿದ ಪಟ್ಟಿಗೆ ಸೇರಿದ್ದು ವಿಷಾದನೀಯ. ಈಗಲಾದರೂ ನಾವೆಲ್ಲರೂ ವೈಫಲ್ಯಗಳನ್ನು ಗುರುತಿಸಿ ಅಭಿವೃದ್ಧಿಯ ದೃಷ್ಟಿಕೋನಗಳನ್ನು ಬದಲಿಸಿಕೊಳ್ಳಬೇಕಿದೆ ಎಂದರು.

ಜಿಲ್ಲಾ ಉಸ್ತುವಾರಿ ಸಚಿವ ಶಿವರಾಜ ತಂಗಡಗಿ ಮಾತನಾಡಿ, 371ನೇ ಕಲಂನಿಂದಾಗಿ ಈ ಭಾಗಕ್ಕೆ ಸಾಕಷ್ಟು ಉದ್ಯೋಗಾವಕಾಶಗಳು ದೊರೆಯುವಂತಾಗಿದೆ. ಮುಂದಿನ ದಿನಗಳಲ್ಲಿ ನಮ್ಮ ಭಾಗದವರೇ ಶೇ.80 ಜನ ಶಿಕ್ಷಕರಾಗುವ ಭರವಸೆಯಿದೆ. ಅಲ್ಲದೇ, ರಾಜ್ಯ ಸರ್ಕಾರ ಪ್ರತಿ ವರ್ಷ 5ಸಾವಿರ ಕೋಟಿ ರೂ. ನೀಡುತ್ತಿದೆ ಎಂದರು. ಕನಕಗಿರಿ ಕ್ಷೇತ್ರದಲ್ಲಿ ಕೆರೆ ತುಂಬುವ ಯೋಜನೆ ಯಶಸ್ವಿಯಾಗಿದ್ದು ರಾಜ್ಯಕ್ಕೆ ಮಾದರಿಯಾಗಿದೆ ಎಂದರು.

ಇನ್ನು ತುಂಗಭದ್ರಾ ಜಲಾಶಯಕ್ಕೆ ಈಗಾಗಲೇ 10ಗೇಟ್‌ಗಳನ್ನು ಅಳವಡಿಸಲಾಗಿದ್ದು, ಮೇ ಒಳಗೆ ಎಲ್ಲ ಗೇಟ್‌ಗಳನ್ನು ಅಳವಡಿಸಲಾಗುವುದು ಎಂದರು.

ಉಪನ್ಯಾಸಕ ನಾಗರಾಜ ಹುಡೇದ್, ಶಿಕ್ಷಕ ರಾಘವೇಂದ್ರ ಕಂಠಿ, ಡಾ.ಶಿಲ್ಪಾ ದಿವಟರ್ ಮಾತನಾಡಿ, ಚಳವಳಿಗಲು, ಅಭಿವೃದ್ಧಿಯ ಸವಾಲುಗಳು ಹಾಗೂ ಮಹಿಳೆಯರ ಸಾಧನೆಗಳ ಕುರಿತು ಗಂಭೀರ ಚಿಂತನೆಗಳನ್ನು ತೆರೆದಿಟ್ಟರು.