ಸಮಗ್ರ ಕೃಷಿಯಿಂದ ನಿರಂತರ ಆದಾಯ

ರಾಯಚೂರು ಕೃಷಿ ವಿಜ್ಞಾನಗಳ ವಿವಿ ಹಾಗೂ ಕೊಪ್ಪಳ ಕೃಷಿ ವಿಸ್ತರಣಾ ಶಿಕ್ಷಣ ಕೇಂದ್ರದಿಂದ ತಾಲೂಕಿನ ಹುಲಿಗಿ ಗ್ರಾಮದ ಪ್ರಗತಿಪರ ರೈತ ವೀರೇಶ್ ಬಸವರಾಜ ಬೆನಕಟ್ಟಿ ಅವರ ತೋಟದಲ್ಲಿ ಆಯೋಜಿಸಿದ್ದ ಮಲ್ಲಿಗೆ ಬೆಳೆಯ ಕ್ಷೇತ್ರೋತ್ಸವ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ಕೊಪ್ಪಳ ಭಾಗದಲ್ಲಿ 500ಕ್ಕೂ ಹೆಚ್ಚು ಹೆಕ್ಟೇರ್ ಪ್ರದೇಶದಲ್ಲಿ ಮಲ್ಲಿಗೆ ಕೃಷಿ ನಡೆಯುತ್ತಿದ್ದು, ಮಾರುಕಟ್ಟೆಯಲ್ಲಿ ಹೂವಿನ ಧಾರಣೆ ಆಗಾಗ ಏರಿಳಿತ ಕಾಣುತ್ತದೆ. ಇದನ್ನು ಎದುರಿಸಲು ರೈತರು ಸುಗಂಧದ್ರವ್ಯ ತಯಾರಿಕೆ ಹಾಗೂ ಮಾಲೆ ಕಟ್ಟುವ ಯಂತ್ರಗಳ ಬಳಕೆ ಕಲಿಯಬೇಕು. ಆಸಕ್ತ ರೈತರಿಗೆ ರಾಯಚೂರು ಕೃಷಿ ವಿವಿ ಹಾಗೂ ಬೆಂಗಳೂರಿನ ಐಐಎಚ್‌ಆರ್ ವಿಜ್ಞಾನಿಗಳಿಂದ ಉಚಿತ ತರಬೇತಿ ಕೊಡಿಸಲಾಗುವುದು ಎಂದು ತಿಳಿಸಿದರು. 

ತೋಟಗಾರಿಕೆ ತಜ್ಞ ವಾಮನಮೂರ್ತಿ ಮಾತನಾಡಿ, ಕೇವಲ ಭತ್ತದ ಬೆಳೆ ನೆಚ್ಚಿಕೊಳ್ಳದೆ ಪುಷ್ಪ ಕೃಷಿ ಹಾಗೂ ಜೇನು ಸಾಕಣೆ ಮಾಡಿ ಉತ್ತಮ ಲಾಭ ಕಂಡುಕೊಳ್ಳಬಹುದು ಎಂದರು. 

ಪ್ರಗತಿಪರ ರೈತರಾದ ನಾಗರಾಜ್, ಅಭಿಷೇಕ್, ಯಮನೂರಸಾಬ್, ಪರಮೇಶ್ವರಪ್ಪ, ಬಸವರಾಜ ಬ್ಯಾಳಿ, ಶರಣಪ್ಪ ಹೊಸಪೇಟೆ ಇತರರಿದ್ದರು.