ಚುನಾವಣೆಯ ಅನುಭವ ಪಡೆದ ವಿದ್ಯಾರ್ಥಿಗಳು

ಮೊಬೈಲ್ ಆಧಾರಿತ ಇವಿಎಂ ಮಾದರಿಯ ಮತದಾನ ವ್ಯವಸ್ಥೆಯನ್ನು ಬಳಸಿಕೊಂಡು ಚುನಾವಣೆ ನಡೆಸಲಾಯಿತು. ವಿದ್ಯಾರ್ಥಿಗಳು ಆಧಾರ್ ಕಾರ್ಡ್‌ಗಳನ್ನು ತೋರಿಸಿ, ಮತ ಚಲಾಯಿಸುವ ಮೂಲಕ ನೈಜ ಚುನಾವಣೆಯ ಅನುಭವ ಪಡೆದರು.

ಮತದಾನದಿಂದ ಮತ ಎಣಿಕೆವರೆಗಿನ ಎಲ್ಲ ಪ್ರಕ್ರಿಯೆಯನ್ನು ಪ್ರಜಾಪ್ರಭುತ್ವದ ಮಾದರಿಯಲ್ಲೇ ನಡೆಸಿ, ಮತದಾನದ ಹಕ್ಕು ಮತ್ತು ಜವಾಬ್ದಾರಿಯ ಕುರಿತು ಮಕ್ಕಳಿಗೆ ಅರಿವು ಮೂಡಿಸಲಾಯಿತು. ಶಾಲಾ ಸಂಸತ್ತಿನ ವಿವಿಧ ಸಚಿವ ಸ್ಥಾನಗಳಿಗೆ ವಿದ್ಯಾರ್ಥಿಗಳು ಪ್ರತಿನಿಧಿಗಳನ್ನು ಆಯ್ಕೆ ಮಾಡಿಕೊಂಡರು. ಪ್ರಧಾನಮಂತ್ರಿಯಾಗಿ ಕುದುರೆಲ್ಲಪ್ಪ ಬಂಡ್ಲಿ ಆಯ್ಕೆಯಾದರು.

ಎಸ್ಡಿಎಂಸಿ ಅಧ್ಯಕ್ಷ ರಮೇಶ ಛತ್ರದ, ಮುಖ್ಯಶಿಕ್ಷಕ ಮಾಲತೇಶ ತಿಪ್ಪಕ್ಕನವರ, ಶಿಕ್ಷಕರಾದ ಸಂತೋಷ ಕುಲಕರ್ಣಿ, ಪುತ್ರಪ್ಪ ಉಪ್ಪಿನ, ಅಜಮತ್, ಬಾನು, ರಮೇಶ ಗೆದಗೇರಿ, ಯಲ್ಲಾಲಿಂಗ, ರಾಧಾಕೃಷ್ಣ, ಹುಸೇನ, ರೇಣುಕಾ, ಜ್ಯೋತಿ, ದೇವಮ್ಮ, ಲಕ್ಷ್ಮೀ, ಚನ್ನಪ್ಪ, ಮಂಜುನಾಥ, ಪಂಚಾಕ್ಷರಿ, ಶಿವಪುತ್ರಪ್ಪ ಉಪ್ಪಿನ ಇತರರಿದ್ದರು.