ಉದ್ಯೋಗ ಪಡೆಯಲು ಕೌಶಲ ಅಗತ್ಯ

ನಗರದ ಜೆಎಸ್‌ಇಎಸ್‌ನ ಜನತಾ ಸೇವಾ ತರಬೇತಿ ಕೇಂದ್ರದಲ್ಲಿ ಬಳ್ಳಾರಿಯ ಜೆಎಸ್‌ಡಬ್ಲುೃ ಕಂಪನಿಯಿಂದ ಬುಧವಾರ ಕೈಗಾರಿಕೆ ತರಬೇತಿ ಕೇಂದ್ರ ವ್ಯಾಪ್ತಿಯ ಪದವೀಧರರಿಗೆ ಹಮ್ಮಿಕೊಂಡಿದ್ದ ಕ್ಯಾಂಪಸ್ ಸಂದರ್ಶನದಲ್ಲಿ ಮಾತನಾಡಿದರು. ಕಲಿಕೆ ಜತೆಗೆ ಕೌಶಲ ರೂಢಿಸಿಕೊಂಡಾಗ ಮಾತ್ರ ಉದ್ಯೋಗ ಪಡೆಯಲು ಸಾಧ್ಯವಿದ್ದು, ಕ್ರಿಯಾಶೀಲತೆ ರೂಢಿಸಿಕೊಳ್ಳಬೇಕು. ಸ್ಪರ್ಧಾತ್ಮಕ ಯುಗದಲ್ಲಿ ಪದವಿ ಮತ್ತು ಕೌಶಲ ಸಮ್ಮಿಲನಗೊಂಡಾಗ ನಿರೀಕ್ಷಿತ ಉದ್ಯೊಗ ಪಡೆಯಲು ಸಾಧ್ಯ ಎಂದರು.

ಜನತಾ ಸೇವಾ ಶಿಕ್ಷಣ ಸಂಸ್ಥೆ ಉದ್ದೇಶ, ಶಿಕ್ಷಣ ಕ್ಷೇತ್ರದ ಅಭಿವೃದ್ಧಿ ಮತ್ತು ವಿದ್ಯಾರ್ಥಿಗಳ ಭವಿಷ್ಯ ಕುರಿತು ಸಂಸ್ಥೆ ಅಧ್ಯಕ್ಷ ನರೇಶ ಮೂಥಾ ಮಾತನಾಡಿದರು. ಉಪಾಧ್ಯಕ್ಷ ಹಸನ್ ಮಹ್ಮದ್ ಸೊನ್ನೆಖಾನ್, ಪ್ರಮುಖರಾದ ಹರ್ಷವರ್ಧನ್, ಸಂತೋಷ ರಾಯ್ಕರ್, ಜೆಎಸ್‌ಡಬ್ಲುೃ ಸಂಪನ್ಮೂಲ ವ್ಯಕ್ತಿ ವಿಕಾಸ ಸೇರಿ ತರಬೇತಿ ಕೇಂದ್ರದ ತರಬೇತುದಾರರಿದ್ದರು. ಸಂದರ್ಶನದಲ್ಲಿ ವಿವಿಧ ಕೈಗಾರಿಕೆ ತರಬೇತಿ ಕೇಂದ್ರದ 90ಕ್ಕೂ ಹೆಚ್ಚು ಪದವೀಧರರು ಭಾಗವಹಿಸಿದ್ದು, 82 ಪದವೀಧರರನ್ನು ತರಬೇತಿಗೆ ಆಯ್ಕೆ ಮಾಡಲಾಯಿತು.