ಶ್ರೀಶ ವಿಠ್ಠಲರ ಆರಾಧನೆ ಸಂಪನ್ನ

ಈ ನಿಮಿತ್ತ ಬೆಳಗ್ಗೆ ದಾಸರು ರಚಿಸಿದ ಸ್ತುತಿ ರತ್ನಮಾಲ ಸ್ತ್ರೋತ್ರವನ್ನು ಸಾಮೂಹಿಕವಾಗಿ ಪಾರಾಯಣ ಮಾಡಲಾಯಿತು. ನಂದಾಕಟ್ಟಿ ಕೊಪ್ಪಳ ಅವರು ವಿಠ್ಠಲದಾಸರ ಜೀವನ ಸಾಧನೆ ಹಾಗೂ ಕೃತಿಗಳ ಕುರಿತು ವಿಶೇಷ ಉಪನ್ಯಾಸ ನೀಡಿದರು.

ನಂತರ ಪಟ್ಟಣದ ಪ್ರಮುಖ ಬೀದಿಗಳಲ್ಲಿ ವಿಠ್ಠಲದಾಸರ ಪಟದ ಮೆರವಣಿಗೆ ಸಾಗಿ ಕನಕಾಚಲಪತಿ ದೇವಸ್ಥಾನಕ್ಕೆ ತಲುಪಿತು. ಶ್ರೀಲಕ್ಷ್ಮೀ ಮಹಿಳಾ ಭಜನಾ ಮಂಡಳಿಯವರು ದಾಸರ ಕೀರ್ತನೆ ಹಾಗೂ ದೇವರ ಸಂಕೀರ್ತನೆಗಳನ್ನು ಹಾಡಿದರು.

ಶ್ರೀ ಕನಕಾಚಲ ಭಜನಾ ತಂಡದಿಂದ ತಾರತಮ್ಯ ಭಜನೆ ಹಾಗೂ ವಿವಿಧ ವಾದ್ಯಮೇಳ ಆರಾಧನೆಗೆ ಮೆರುಗು ತಂದವು. ನಂತರ ಮಹಾಮಂಗಳಾರತಿ, ತೀರ್ಥ ಪ್ರಸಾದ ವಿನಿಯೋಗ ನಡೆಯಿತು. ಶ್ರೀಗುರು ಶ್ರೀಶ ವಿಠ್ಠಲ ಪ್ರತಿಷ್ಠಾನ ಪದಾಧಿಕಾರಿಗಳಾದ ಭೀಮಸೇನ ಜೋಶಿ, ಟಿ.ವೆಂಕಟೇಶ್ ಕುಲಕರ್ಣಿ, ಗುರುರಾಜ ಕುಲಕರ್ಣಿ ಕನ್ನೇರ ಮಡುವು, ಗೋಪಾಲ ಕೃಷ್ಣ ಕುಲಕರ್ಣಿ, ಎಂ.ಭೀಮರಾವ್ ಕುಲಕರ್ಣಿ, ಗುರುರಾಜ್ ಕುಲಕರ್ಣಿ, ಎಂ.ಪ್ರಲ್ಲಾದರಾವ್, ರಾಘವೇಂದ್ರ ಕರಡಿಗುಡ್ಡ, ಗುನ್ನಾಳ ಪ್ರಲ್ಲಾದರಾವ್ ಇದ್ದರು.