8-9 ತಿಂಗಳ ಹಿಂದೆ ಸ್ತ್ರೀರೋಗ ತಜ್ಞರಿದ್ದಾಗ ಪ್ರತಿ ತಿಂಗಳು 70-80 ಹೆರಿಗೆಗಳಾಗುತ್ತಿದ್ದವು. ಇದೀಗ ಹೆರಿಗೆಗೆ ಬರುವ ಮಹಿಳೆಯರನ್ನು ಅನುಭವ ಇರುವ ಇಬ್ಬರು ನಸಿರ್ಂಗ್ ಅಧಿಕಾರಿಗಳು ನಿಭಾಯಿಸುವಂತಾಗಿದೆ. ತುರ್ತು ಚಿಕಿತ್ಸೆಗೆ ಬರುವ ರೋಗಿಗಳನ್ನು ಅನ್ಯ ಆಸ್ಪತ್ರೆಗೆ ಕಳುಹಿಸಲು ಆಬುಲೆನ್ಸ್ ಲಭ್ಯವಿದ್ದರೂ ಚಾಲಕರ ಕೊರತೆಯಿಂದ ಸಕಾಲಕ್ಕೆ ಸೇವೆ ದೊರೆಯದಾಗಿದೆ. ಇರುವ ಒಬ್ಬ ಚಾಲಕನೇ ತುರ್ತು ಸಂದರ್ಭಗಳನ್ನು ನಿಭಾಯಿಸುತ್ತಿದ್ದಾರೆ. ಇನ್ನು ರೋಗಿಗಳ ರಕ್ತ ತಪಾಸಣೆ ಮಾಡಲು ಲ್ಯಾಬ್ ಟೆಕ್ನಿಷಿಯನ್, ಆರೋಗ್ಯ ನಿರೀಕ್ಷಣಾಧಿಕಾರಿಗಳ ಎರಡು ಸ್ಥಾನಗಳು ಖಾಲಿ ಇವೆ. ಐವರೇ ಗ್ರೂಪ್ ಡಿ. ನೌಕರರಿದ್ದು, 6 ಸ್ಥಾನಗಳು ಖಾಲಿ ಇವೆ. ಕಳೆದ ಜುಲೈ ತಿಂಗಳಲ್ಲಿ ಹೊರರೋಗಿಗಳ ವಿಭಾಗ (ಓಪಿಡಿ)ಯಲ್ಲಿ ನಿತ್ಯ 350ರಿಂದ 375ರೋಗಿಗಳು ಬಂದು ಚಿಕಿತ್ಸೆ ಪಡೆದುಕೊಂಡಿದ್ದಾರೆ. ಈಗ ವೈದ್ಯರು-ಸಿಬ್ಬಂದಿ ಕೊರತೆ ಕಾರಣ 100ರಿಂದ 130 ಜನ ಬಂದು ಹೋಗುತ್ತಿದ್ದಾರೆ.
