ಕಲಾ ರಂಗಮಂದಿರ ನೆಲಸಮ ಖಂಡನೆ

ಎಸ್​ಎ್​ಐ ಜಿಲ್ಲಾ ಉಪಾಧ್ಯಕ್ಷ ನಾಗರಾಜ ಯು. ಮಾತನಾಡಿ, ಬಾಲಕರ ಸರ್ಕಾರಿ ಪದವಿ ಪೂರ್ವ ಕಾಲೇಜು ಮೈದಾನಕ್ಕೆ ಸುಮಾರು 75 ವರ್ಷಗಳ ಇತಿಹಾಸವಿದ್ದು, ಇದು ತಾಲೂಕಿನ ಶಾಲಾ-&ಕಾಲೇಜುಗಳ ಕ್ರೀಡಾ ಹಾಗೂ ಸಾಂಸತಿಕ ಚಟುವಟಿಕೆಗಳ ಪ್ರಮುಖ ಕೇಂದ್ರವಾಗಿತ್ತು. ಕಳೆದ ಹಲವು ವರ್ಷಗಳಿಂದ ವಿವಿಧ ಕಟ್ಟಡಗಳ ನಿಮಾರ್ಣದಿಂದ ಮೈದಾನ ಅತಿಕ್ರಮಣಕ್ಕೆ ಒಳಗಾಗುತ್ತಿದ್ದು, ವಿದ್ಯಾರ್ಥಿಗಳ ಹಿತಾಸಕ್ತಿಗೆ ಧಕ್ಕೆ ಉಂಟಾಗಿದೆ ಎಂದು ಆರೋಪಿಸಿದರು.

ಮೈದಾನದಲ್ಲಿದ್ದ ಕಲಾ ರಂಗಮಂದಿರವು ಅನೇಕ ಕಲಾವಿದರನ್ನು ಬೆಳೆಸಿದ ಸಾಂಸತಿಕ ವೇದಿಕೆಯಾಗಿದ್ದು, ಅದನ್ನು ಫುಡ್​ ಕೋರ್ಟ್​ ನಿಮಾರ್ಣದ ಹೆಸರಿನಲ್ಲಿ ಬುಲ್ಡೋಜರ್​ ಬಳಸಿ ನೆಲಸಮಗೊಳಿಸಿರುವುದು ಖಂಡನೀಯ ಎಂದು ಆಕ್ರೋಶ ವ್ಯಕ್ತಪಡಿಸಿದರು. ಸರ್ಕಾರದ ಇತರೆ ಕೆಲಸಗಳಿಗೆ ಪರ್ಯಾಯ ಜಾಗಗಳಿದ್ದರೂ ಕಾಲೇಜು ಆವರಣವನ್ನು ಬಳಸುತ್ತಿರುವುದು ಸರಿಯಲ್ಲ ಎಂದರು.

ಕೂಡಲೇ ಜಿಲ್ಲಾಡಳಿತ ಮಧ್ಯಸ್ಥಿಕೆ ವಹಿಸಿ ಅದೇ ಸ್ಥಳದಲ್ಲಿ ಕಲಾ ರಂಗಮಂದಿರವನ್ನು ಮರು ನಿರ್ಮಿಸಬೇಕು. ಇಲ್ಲವಾದರೆ ಎಸ್​ಎಫ್ ಐನಿಂದ ಬೃಹತ್​ ಪ್ರತಿಭಟನೆ ಹಮ್ಮಿಕೊಳ್ಳಲಾಗುವುದು ಎಂದು ಎಚ್ಚರಿಕೆ ನೀಡಿದರು. ಬಸವರಾಜ ಮರಕುಂಬಿ, ಹುಸೇನಪ್ಪ ಕೆ., ರಮೇಶ್​ ಡಿ. ಇತರರಿದ್ದರು.