ಸ್ವಯಂ ಗಣತಿ ಅವಧಿ ಪೂರ್ಣ

ಏಪ್ರೀಲ್​ 1ರಿಂದಲೇ ಗಣತಿಗೆ ಜಿಲ್ಲಾಡಳಿತ ಸಜ್ಜಾಗಿದೆ. ಗಣತಿದಾರರು, ಮೇಲ್ವಿಚಾರಕ ನೇಮಕಾತಿ, ತರಬೇತಿ ಪೂರ್ಣಗೊಂಡಿವೆ. ಸರ್ಕಾರ ಏ.15ವರೆಗೆ ಜನರೇ ಸ್ವಯಂ ಮಾಹಿತಿ ಒದಗಿಸಲು ಅವಕಾಶ ಮಾಡಿಕೊಟ್ಟಿತ್ತು. ಆನ್​ಲೈನ್​ ಲಿಂಕ್​ ಬಳಸಿ ಬುಧವಾರ ಬೆಳಗ್ಗೆ 11 ಗಂಟೆ ವೇಳೆಗೆ 17,641 ಕುಟುಂಬಗಳು (ಶೇ.5.56) ಮಾಹಿತಿ ಒದಗಿಸಿವೆ. ಏ.16ರಿಂದ ಗಣತಿದಾರರು ತಮಗೆವಹಿಸಿಸ ಬ್ಲಾಕ್​ ಮನೆ ಪಟ್ಟಿ ಮಾಡಿಕೊಂಡು ಗಣತಿ ಕಾರ್ಯ ನಡೆಸುವರು. ಸ್ವಯಂ ಘೋಷಣೆ ಮಾಡಿಕೊಂಡವರು ತಮಗೆ ಬಂದ ವಿಶೇಷ ಐಡಿ ಸಂಖ್ಯೆ ಗಣತಿದಾರರಿಗೆ ನೀಡಿದಲ್ಲಿ ಗಣತಿ ಕಾರ್ಯಕ್ಕೆ ನೆರವಾಗಲಿದೆ.

ಜಿಲ್ಲೆಯಲ್ಲಿ 3,17,514 ಮನೆಪಟ್ಟಿ ಮಾಡಲಾಗಿದೆ. ತಾಲೂಕುಗಳನ್ನು ನಗರ, ಗ್ರಾಮೀಣ ಪ್ರದೇಶವಾಗಿ ವಿಭಾಗಿಸಿ ಮನೆಗಳ ಪಟ್ಟಿ ಮಾಡಲಾಗಿದೆ. ಒಟ್ಟು 2,523 ಬ್ಲಾಕ್​ಗಳನ್ನು ರಚಿಸಲಾಗಿದೆ. 2,783 ಗಣತಿದಾರರನ್ನು ನೇಮಿಸಿದ್ದು, ಶೇ.10ರಷ್ಟು ಹೆಚ್ಚುವರಿ ಸಿಬ್ಬಂದಿ ಕಾಯ್ದರಿಸಿಲಾಗಿದೆ. 470 ಸೂಪರ್​ವೈಸರ್ಸ್​ಗಳಿದ್ದು ಒಟ್ಟು 3,253 ಸಿಬ್ಬಂದಿ ನಿಯೋಜನೆಗೊಂಡಿದ್ದಾರೆ. ಕಂದಾಯ, ಶಿಕ್ಷಣ, ನಗರ&ಸ್ಥಳಿಯ ಸಂಸ್ಥೆ ನೌಕರರನ್ನು ಗಣತಿಗೆ ನೇಮಿಸಿದೆ. ಈಗಾಗಲೇ ತರಬೇತಿ, ಮಾಹಿತಿ ನೀಡುವಿಕೆ, ವಿವರ ಭರ್ತಿ ವಿಧಾನಗಳ ಬಗ್ಗೆ ಮಾಹಿತಿ ಪಡೆದುಕೊಂಡಿದ್ದಾರೆ.

ಡಿಸಿ ಜಿಲ್ಲೆಗೆ ಪ್ರಧಾನ ಗಣತಿ ಅಧಿಕಾರಿ, ಜಿಪಂ ಸಿಇಒ ಅಪರ ಪ್ರಧಾನ ಅಧಿಕಾರಿ, ಎಡಿಸಿ ಜಿಲ್ಲಾ ಗಣತಿ ಅಧಿಕಾರಿ, ಎಸಿ ಉಪ ವಿಭಾಗೀಯ ಗಣತಿ ಅಧಿಕಾರಿ, ತಹಸೀಲ್ದಾರ್​ಗಳು ಚಾರ್ಜ್​ ಗಣತಿ ಅಧಿಕಾರಿಗಳು, ನಗರ, ಸ್ಥಳಿಯ ಸಂಸ್ಥೆಗಳ ಪೌರಾಯುಕ್ತರು/ಮುಖ್ಯಾಧಿಕಾರಿಗಳು ಆಯಾ ನಗರ&ಸ್ಥಳಿಯ ಸಂಸ್ಥೆ ವ್ಯಾಪ್ತಿಯ ಚಾರ್ಜ್​ ಗಣತಿ ಅಧಿಕಾರಿಗಳಾಗಿ ನಿಯೋಜನೆಗೊಂಡಿದ್ದು ಮೇಲ್ವಿಚಾರಣೆ ನಡೆಸಲಿದ್ದಾರೆ.

ಸ್ವಯಂ ಘೋಷಣೆಯಲ್ಲಿ ಬುಧವಾರ ಬೆಳಗಿನ ಅವಧಿ ಮಾಹಿತಿಯಂತೆ ಬಳ್ಳಾರಿ ಜಿಲ್ಲೆಯಲ್ಲಿ ಅತಿ ಹೆಚ್ಚು ಕುಟುಂಬಗಳು ಮಾಹಿತಿ ಒದಗಿಸಿ ಘೋಷಣೆ ಮಾಡಿಕೊಂಡಿದ್ದಾರೆ. ಒಟ್ಟು 2,98,536 ಕುಟುಂಬಗಳಲ್ಲಿ 49,873 (ಶೇ.16.71) ಮನೆ ಮಂದಿ ಸ್ವಯಂ ಮಾಹಿತಿ ನೀಡಿದ್ದಾರೆ. ನಂತರದಲ್ಲಿ ಕ್ರಮವಾಗಿ ದಣ ಕನ್ನಡ 88,244 (ಶೇ.15.56), ಬಾಗಲಕೋಟೆ 68,250 (ಶೇ.15.49), ವಿಜಯನಗರ 30,839(ಶೇ.10.69), ತುಮಕೂರು 80,124 (ಶೇ.10.26) ಕುಟುಂಬ ಘೋಷಣೆ ಮಾಡಿವೆ. ಕೊಪ್ಪಳ 10ನೇ ಸ್ಥಾನದಲ್ಲಿದೆ.

"