ಪ್ರಧಾನಿ ಮೋದಿಗೆ ರಾಯರಡ್ಡಿ ಬಹುಪರಾಕ್​ !

ಹೌದು, ಮಧ್ಯಪ್ರಾಚ್ಯ ಯುದ್ಧ ವಿಷಯದಲ್ಲಿ ಕೇಂದ್ರದ ವಿದೇಶಾಂಗ ನೀತಿ ಸರಿಯಾಗಿಯೇ ಇದೆ. ಮೊದಲಿನಿಂದಲೂ ನಮ್ಮ ದೇಶ ನೆರೆ ರಾಷ್ಟ್ರಗಳೊಂದಿಗೆ ಉತ್ತಮ ಸಂಬಂಧ ಮುಂದುವರೆಸಿಕೊಂಡು ಬಂದಿದೆ ಎಂದು ಸಿಎಂ ಆರ್ಥಿಕ ಸಲಹೆಗಾರ ಬಸವರಾಜ ರಾಯರಡ್ಡಿ ಶುಕ್ರವಾರ ಸಮರ್ಥಿಸಿಕೊಂಡರು.

ಹಾಮೋರ್ಜ್​ ಜಲಸಂಧಿ ಮುಕ್ತವಾಗಿದ್ದು, ಇದಕ್ಕೆ ನಮ್ಮ ದೇಶದ ವಿದೇಶಾಂಗ ನೀತಿ ಕಾರಣ. ಆದರೆ, ನಿರ್ವಹಣೆ ಮಾಡುವಲ್ಲಿ ಸ್ವಲ್ಪ ತಪು$್ಪಗಳಾಗಿವೆ. ಈ ಜಲಸಂಧಿ ಮುಕ್ತವಾಗಿರುವುದು ಆರ್ಥಿಕ ಚಟುವಟಿಕೆಗಳಿಗೆ ಬಲ ನೀಡಿದೆ. ಎಂಟು ದೇಶಗಳು ಇದೇ ಮಾರ್ಗವಾಗಿ ತೈಲ ಸಬರಾಜು ಮಾಡುತ್ತವೆ. ಯುದ್ಧ ಕಾರಣ ಸ್ವಲ್ಪ ತೊಂದರೆ ಆಗಿರುವುದು ನಿಜ. ಪೆಟ್ರೋಲ್​ ದರ ಏರಿಕೆಯಾಗಿದ್ದು ಸಹಜವಾಗಿ ಹೆಚ್ಚಳವಾಗಲಿದೆ ಎಂದರು. ಒಂದೆಡೆ ಪ್ರಧಾನಿ ನರೇಂದ್ರ ಮೋದಿ ವಿದೇಶಾಂಗ ನೀತಿ ಬಗ್ಗೆ ಕಾಂಗ್ರೆಸ್​ ನಾಯಕರು ನಿರಂತರ ಟೀಕೆ ಮಾಡುತ್ತಿದ್ದಾರೆ. ಇತ್ತ ರಾಯರಡ್ಡಿ ಉತ್ತಮವಾಗಿದೆ ಎನ್ನುವ ಮೂಲಕ ತಮ್ಮದೇ ನಾಯಕರ ಹೇಳಿಕೆಗೆ ಪರೋಕ್ಷ ಟಾಂಗ್​ ನೀಡಿದರು.