ಯಾವುದೇ ಆಧುನಿಕ ಜಗತ್ತಿನ ಪರಿಚಯವಿಲ್ಲದ ಒಡಿಶಾ ರಾಜ್ಯದ ಕಂದಮಾಲ್ ಜಿಲ್ಲೆಯ, ತುಡಿಪಾಜು ಗ್ರಾಪಂ ವ್ಯಾಪ್ತಿಯ ಗುಮ್ಮಿ ಎಂಬ ಗ್ರಾಮದಲ್ಲಿ ಜಲಂಧರ ಕುಟುಂಬ ವಾಸವಿದೆ. ದಟ್ಟ ಅರಣ್ಯ ಪ್ರದೇಶವಾಗಿದ್ದು, ಪಟ್ಟಣದಿಂದ 15 ಕಿ.ಮೀ.ದೂರದಲ್ಲಿದೆ. ರಸ್ತೆ, ವಿದ್ಯುತ್, ಶಾಲೆ, ಆಸ್ಪತ್ರೆ ಸೇರಿ ಯಾವುದೇ ಸೌಲಭ್ಯಗಳಿಲ್ಲ. ಆರಂಭದಲ್ಲಿ ನಾಲ್ಕು ಕುಟುಂಬಗಳು ವಾಸವಿದ್ದವು. ಶಾಲೆಗೆ ತೆರಳಬೇಕೆಂದರೆ ನಿತ್ಯ ಐದು ಕಿ.ಮೀ. ಕಲ್ಲು&ಮಣ್ಣಿನ ಬೆಟ್ಟದಲ್ಲೇ ನಡೆದು ಹೋಗಿ&ಬರಬೇಕಾದ ಸ್ಥಿತಿ ಇದೆ. ಆಳುವ ಸರ್ಕಾರ, ಜಿಲ್ಲಾಡಳಿತ ಸೌಲಭ್ಯ ಕಲ್ಪಿಸುವ ಗೋಜಿಗೆ ಹೋಗಿರಲಿಲ್ಲ. ಹೀಗಾಗಿ ಜತೆಗಿದ್ದ ನಾಲ್ಕು ಕುಟುಂಬಗಳು ಹಳ್ಳಿ ತೊರೆದು 15 ಕಿ.ಮೀ. ದೂರದ ಪಟ್ಟಣಕ್ಕೆ ವಲಸೆ ಹೋಗಿದ್ದಾರೆ.
