ವಂಚಕ ಶಿಕ್ಷಕನ ವಿರುದ್ಧ ಕ್ರಮವಾಗಲಿ

ಸಮಿತಿ ಜಿಲ್ಲಾಧ್ಯಕ್ಷ ಶಿವಕುಮಾರ ಈಚನಾಳ್ ಮಾತನಾಡಿ, ಕನಕಗಿರಿ ತಾಲೂಕಿನ ಗ್ರಾಮವೊಂದರ ಯುವತಿಯನ್ನು ಮದುವೆಯಾಗುವುದಾಗಿ ನಂಬಿಸಿದ ಬಸವರಾಜ ಕಟ್ಟಿಮನಿ, ಹಲವು ಬಾರಿ ಲೈಂಗಿಕ ದೌರ್ಜನ್ಯ ನಡೆಸಿದ್ದಾನೆ. ಶಿಕ್ಷಕ ಹುದ್ದೆ ದೊರೆತ ನಂತರ ಯುವತಿಯನ್ನು ದೂರ ಮಾಡಿದ್ದು, ಹಿರಿಯ ಸಮ್ಮುಖದಲ್ಲಿ ನಿಶ್ಚಿತಾರ್ಥ ಮಾಡಿಸಿದರೂ ಇನ್ನೊಬ್ಬರೊಂದಿಗೆ ಮದುವೆಯಾಗಿ ನೋಂದಣಿ ಮಾಡಿಸಿದ್ದಾರೆ. ಯುವತಿ ಕುಟುಂಬದವರು ವಿಚಾರಿಸಲು ಹೋದರೆ ಯುವತಿಗೆ ಸಂಬಂಧಿಸಿದ ಸಂಭಾಷಣೆಗಳನ್ನು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಡುವ ಬಗ್ಗೆ ಬೆದರಿಕೆ ಹಾಕುತ್ತಿದ್ದಾನೆ. ಈಗಾಗಲೇ ಕನಕಗಿರಿ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದು, ಇದುವರೆಗೆ ಯಾರನ್ನೂ ಬಂಧಿಸಿಲ್ಲ. ಬಸವರಾಜ ಕಟ್ಟಿಮನಿ ಮತ್ತು ಸಹಕರಿಸಿದವರ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಒತ್ತಾಯಿಸಿದರು.

ವಿವಿಧ ಸಂಘಟನೆ ಪದಾಧಿಕಾರಿಗಳಾದ ಮೌನೇಶ, ಬಿ.ಗ್ಯಾನೇಶ ಕಡಗದ್, ಎಂ.ಬಸವರಾಜ, ಸುಂಕಪ್ಪ, ಬಾಳಪ್ಪ ಹುಲಿಹೈದರ್, ರಮೇಶ ಹಿರೇಡಂಕನಕಲ್, ಶಿವಣ್ಣ ಬೆಣಕಲ್, ಮುತ್ತಣ್ಣ, ಭೀಮಣ್ಣ ಪೂಜಾರಿ, ನಿರುಪಾದಿ ಬೆಣಕಲ್, ಮಂಜುನಾಥ ಡಗ್ಗಿ, ಕೃಷ್ಣಪ್ಪ ಇತರರಿದ್ದರು.