ಅಜ್ಜನ ಜಾತ್ರೆಗೆ ಭರದ ಸಿದ್ಧತೆ

ತ್ರಿವಿಧ ದಾಸೋಹದ ಮೂಲಕ ನಾಡಿನಾದ್ಯಂತ ಹೆಸರಾದ ಗವಿಮಠ ಜಾತ್ರೆ ಸಡಗರ ಎಲ್ಲೆಡೆ ಮನೆ ಮಾಡಿದೆ. ಭಕ್ತರು ಮಠಕ್ಕೆ ದವಸ&ಧಾನ್ಯ ಅರ್ಪಿಸುತ್ತಿದ್ದಾರೆ. ಜಾತ್ರಾ ಆವರಣ, ಮಠದಂಗಳ, ದಾಸೋಹ ಭವನ, ಜಾತ್ರಾ ಆವರಣ, ವಸತಿ, ಕೈಲಾಸ ಮಂಟಪ, ಗಣ್ಯರ ವೇದಿಕೆ ಎಲ್ಲವನ್ನೂ ಸಿದ್ಧಪಡಿಸಲಾಗುತ್ತಿದೆ. ದೀಪಾಲಂಕಾರವು ನಡೆಯುತ್ತಿದ್ದು ದೀಪಗಳ ಬೆಳಕಿನಲ್ಲಿ ಗವಿಮಠದಂಗಳ ಪ್ರಜ್ವಲಿಸಲಿದೆ. ಮುಖ್ಯವಾಗಿ ಮಹಾದಾಸೋಹ ಹೆಸರಾಗಿದ್ದು, ಬೃಹತ್​ ದಾಸೋಹ ಭವನ ತಲೆ ಎತ್ತುತ್ತಿದೆ. ಭಕ್ತರ ಸಂಖ್ಯೆ ಹೆಚ್ಚಿದ ಹಿನ್ನೆಲೆಯಲ್ಲಿ 76 ಕೌಂಟರ್​ ನಿರ್ಮಿಸಲಾಗುತ್ತಿದೆ. 36 ಸಿಹಿಪದಾರ್ಥ, ರೊಟ್ಟಿ, ಪಲ್ಯಕ್ಕೆ ಸೀಮಿತವಾದರೆ, ಬಾಕಿ 40 ಅನ್ನ&ಸಾಂಬಾರ್​ ಕೌಂಟ್​ಗಳಾಗಿವೆ.

2.61,360 ಚದರ ಅಡಿಯಲ್ಲಿ ಭವ್ಯ ಅಡುಗೆ ಮನೆ, ಆಹಾರ ಸಂಗ್ರಹಣೆ ಕೊಠಡಿ, ತರಕಾರಿ ಸಂಗ್ರಹಣೆ ಕೋಣೆ ನಿರ್ಮಿಸಲಾಗುತ್ತಿದೆ. 45*50 ಅಡಿ ಎರಡು ಕೋಣೆಗಳಲ್ಲಿ ರೊಟ್ಟಿ ಸಂಗ್ರಹಿಸಲಾಗುತ್ತಿದೆ. 250-300 ಭಕ್ತರು ಏಕಕಾಲಕ್ಕೆ ಕೈ ತೊಳೆಯಲು ಅನುಕೂಲವಾಗುವಂತೆ 70 ನಳಗಳ ಜೋಡಣೆಯ ಎರಡು ಕಟ್ಟೆ ನಿರ್ಮಿಸಲಾಗುತ್ತಿದೆ. 16*6 ಅಡಿಯ 3, 20*6 ಅಡಿಯ 3 ಮಾದಲಿ ಕಟ್ಟೆಗಳನ್ನು ರಚಿಸಲಾಗುತ್ತಿದೆ.

ಉಳಿದಂತೆ ಮಿಠಾಯಿ ಅಂಗಡಿ, ತಿನಿಸು, ಹೋಟೆಲ್​, ಬಳೆ, ಜ್ಯೂಸ್​, ಆಟದ ಸಾಮಾನುಗಳ ಅಂಗಡಿಗಳಿಗೆ ಜಾಗ ಸಿದ್ಧಪಡಿಸಲಾಗುತ್ತಿದೆ. ಪಾರ್ಕಿಂಗ್​, ಉಚಿತ ಆರೋಗ್ಯ ತಪಾಸಣಾ ಕೌಂಟರ್​ಗಳು, ವಿವಿಧೆಡೆ ಸಿಸಿಟಿವಿ ಕ್ಯಾಮರಾಗಳನ್ನು ಅಳವಡಿಸಲಾಗುತ್ತಿದೆ. ಕೃಷಿ ಮೆಳ, ಲ&ಪುಷ್ಪ ಪ್ರದರ್ಶನ ಜಾನಪದ ಕಲಾ ತಂಡಗಳ ಮೆರವಣಿಗೆ, ಮಹಿಳೆ&ಪುರುಷರಿಗೆ ಪ್ರತ್ಯೇಕ ವಸತಿ ವ್ಯವಸ್ಥೆ ಕಲ್ಪಿಸಲಾಗುತ್ತಿದೆ. 2026ರ ಜನೆವರಿ 1ರಿಂದಲೇ ಮಠದಲ್ಲಿ ಧಾರ್ಮಿಕ ಕಾರ್ಯಕ್ರಮಗಳು ಆರಂಭವಾಗಲಿವೆ.

ಜ.1ರಂದು ಬಸವಪಟ ಆರೋಹಣ ಹಾಗೂ ಕರ್ತೃ ಗದ್ದುಗೆ ಶಿಖರಕ್ಕೆ ಕಳಸಾರೋಹಣ ನೆರವೇರಲಿದೆ. ಬೀದರ್​ನ ಶಿವಾನಿ ಶಿವದಾಸ ಸ್ವಾಮಿ ತಂಡದವರಿಂದ ಸಂಜೆ ಸಂಗೀತ ಕಾರ್ಯಕ್ರಮ ಇರಲಿದ್ದು, ಬಳಿಕ ತೆಪ್ಪೋತ್ಸವ ನೆರವೇರಲಿದೆ. ಜ.2ರಂದು ಅನ್ನಪೂರ್ಣೇಶ್ವರಿ ದೇವಿಗೆ ಉಡಿ ತುಂಬಲಾಗುವುದು. ಜ.3ರಂದು ಗವಿಸಿದ್ಧೇಶ್ವರ ಮೂರ್ತಿ ಪಲ್ಲಕ್ಕಿ ಉತ್ಸವದ ಜತೆಗೆ ವಿವಿಧ ಜನಪದ ಕಲಾವಿದರೊಂದಿಗೆ ಗವಿಸಿದ್ಧೇಶ್ವರ ಮೂರ್ತಿ ಕಳಸದ ಮೆರವಣಿಗೆ ಇರುವುದು. ಜ.4ರಂದು ಲು ರಥೋತ್ಸವ ಹಾಗೂ ಜ.5ರಂದು ಮಹಾರಥೋತ್ಸವ ನೆರವೇರಲಿದೆ.

ಜ.5ರಂದು ನಡೆವ ಮಹಾರಥೋತ್ಸವಕ್ಕೆ ಮೇಘಾಲಯ ರಾಜ್ಯಪಾಲರಾದ ಸಿ.ಎಚ್​.ವಿಜಯ ಶಂಕರ್​ ಉದ್ಘಾಟಿಸುವರು. ಹುಬ್ಬಳ್ಳಿಯ ಮೂರುಸಾವಿರ ಮಠದ ಡಾ.ಗುರುಸಿದ್ಧ ರಾಜಯೋಗಿಂದ್ರ ಮಹಾಸ್ವಾಮೀಜಿ, ಕಾಗಿನೆಲೆ ಕನಕಗುರು ಪೀಠದ ಶ್ರೀ ನಿರಂಜನಾನಂದಪುರಿ ಸ್ವಾಮೀಜಿ ಸಾನ್ನಿಧ್ಯವಹಿಸುವರು. ಕಾಖಂಡಕಿ ಗುರುದೇವಾಶ್ರಮದ ಶ್ರೀ ಶಿವಯೋಗೀಶ್ವರ ಮಹಾಸ್ವಾಮೀಜಿ ಉಪದೇಶಾಮೃತ ನೀಡಲಿದ್ದಾರೆ. ಜ.6ರಂದು ನಡೆವ ಕಾರ್ಯಕ್ರಮಕ್ಕೆ ಪ್ರಖ್ಯಾತ ಮಕ್ಕಳ ಹೃದ್ರೋಗ ತಜ್ಞೆ ಡಾ.ವಿಜಯಲಕ್ಷಿ$್ಮ ಬಾಳೆಕುಂದ್ರಿ, ಜ.7ರಂದು ನಡೆವ ಸಮಾರೋಪ ಸಮಾರಂಭಕ್ಕೆ ಚಲಚಿತ್ರ ನಟ ದತ್ತಣ್ಣ, ಡಾ.ನಾ.ಸೋಮೇಶ್ವರ ಇತರರು ಭಾಗಿಯಾಗುವರು. ಉಳಿದಂತೆ ಕ್ರೀಡೆಗಳು, ಜಾನಪದ ಕಲೆಗಳ ಪ್ರದರ್ಶನ, ಮದ್ದು ಸುಡುವುದು, ಹಾಸ್ಯ ಸಂಜೆ ಕಾರ್ಯಕ್ರಮಗಳು ಎಂದಿನಂತೆ ಇರಲಿವೆ.

"