ವರುಣದೇವನಿಗಾಗಿ ಪ್ರಾರ್ಥನೆ

ಜಿಲ್ಲೆಯ ಹಲವು ಗ್ರಾಮಗಳಲ್ಲಿ ಗುರ್ಜಿಯಾಟ, ಬಾಲ ಮಕ್ಕಳಿಂದ ದೇವಾಲಯಗಳಿಗೆ ನೀರು ಸಮರ್ಪಣೆ ಸೇರಿದಂತೆ ವಿಶೇಷ ಪ್ರಾರ್ಥನೆಗಳು ನಡೆಯುತ್ತಿವೆ. ಜಿಲ್ಲೆಯಲ್ಲಿ ಶೇ.50 ಬಿತ್ತನೆ ಪೂರ್ಣಗೊಂಡಿದ್ದರೂ ಮಳೆ ಕೊರತೆಯಿಂದ ಬೆಳೆಗಳು ಒಣಗುತ್ತಿವೆ. ಸಾವಿರಾರು ರೂ.ವೆಚ್ಚ ವಾಡಿ ಬಿತ್ತನೆ ವಾಡಿದ ರೈತರು ಆತಂಕಕ್ಕೊಳಗಾಗಿದ್ದು, ಉತ್ತಮ ಮಳೆಯಾಗಲೆಂದು ದೇವರ ಮೊರೆ ಹೋಗಿದ್ದಾರೆ.

ಮುದ್ದಾಬಳ್ಳಿಯ ಮುದ್ದಮ್ಮದೇವಿ ದೇವಸ್ಥಾನದಲ್ಲಿರುವ ಈಶ್ವರ ಮೂರ್ತಿ ಎದುರು ಹಗಲು-ರಾತ್ರಿ 24ಗಂಟೆಗಳ ಕಾಲ ನಿರಂತರ ಶಿವನಾಮ ಸ್ಮರಣೆ ನಡೆಯುತ್ತಿದೆ. ಒಟ್ಟು 12 ತಂಡಗಳನ್ನು ರಚಿಸಲಾಗಿದ್ದು, ಪ್ರತಿ ತಂಡದಲ್ಲಿ 6ರಿಂದ 8 ಮಂದಿ ಸದಸ್ಯರಿದ್ದಾರೆ. ಪ್ರತಿ ಮೂರು ಗಂಟೆಗೆ ತಂಡ ಬದಲಾಗುತ್ತಿದ್ದು, ತಾಳ ಹಿಡಿದು ಭಜನೆ ವಾಡುತ್ತ ಈಶ್ವರನಿಗೆ ಪ್ರಾರ್ಥನೆ ಸಲ್ಲಿಸಲಾಗುತ್ತಿದೆ.

ಭಕ್ತರು ನಂದಿಕೇಶವನ ಸುತ್ತ ಪ್ರದಕ್ಷಿಣೆ ಹಾಕುತ್ತಿದ್ದಾರೆ. ಈ ಭಜನೆಯಲ್ಲಿ ಯುವಕರು, ಹಿರಿಯರು ಹಾಗೂ ಬಾಲಕರೂ ಮಡಿಯಲ್ಲಿ ವ್ರತಾಚರಣೆ ವಾಡಿ ಭಾಗವಹಿಸುತ್ತಿದ್ದಾರೆ. ಮಳೆಯ ಕೊರತೆ ಎದುರಾದಾಗ ಸಪ್ತ ಭಜನೆ ನಡೆಸಿದರೆ ಉತ್ತಮ ಮಳೆಯಾಗುತ್ತದೆ ಎಂಬುದು ಗ್ರಾಮದ ಜನರ ನಂಬಿಕೆ. 2012ರಲ್ಲಿ ಇದೇ ರೀತಿಯ ಬರ ಪರಿಸ್ಥಿತಿ ಎದುರಾದಾಗ ಹಿರಿಯರ ಸಲಹೆಯಂತೆ ಸಪ್ತ ಭಜನೆ ನಡೆಸಲಾಗಿತ್ತು. ಬಳಿಕ ಉತ್ತಮ ಮಳೆಯಾಗಿ ಬೆಳೆಗಳು ಉಳಿದಿದ್ದವು. ಆ ಅನುಭವದ ಹಿನ್ನೆಲೆಯಲ್ಲಿ ಈ ವರ್ಷವೂ ಸಪ್ತ ಭಜನೆ ಆಯೋಜಿಸಲಾಗಿದ್ದು, ದೇವರ ಕೃಪೆಯಿಂದ ಶ್ರೀದಲ್ಲೇ ಉತ್ತಮ ಮಳೆಯಾಗಲಿದೆ ಎಂಬ ವಿಶ್ವಾಸವನ್ನು ಗ್ರಾಮಸ್ಥರು ವ್ಯಕ್ತಪಡಿಸಿದ್ದಾರೆ.