ಯೋಗೀಶ್ವರ ಯಾಜ್ಞವಲ್ಕೃ ಭಾವಚಿತ್ರ ಮೆರವಣಿಗೆ

ನಗರದ ಶ್ರೀ ಪ್ರಸನ್ನ ವೆಂಕಟರಮಣ ದೇವಾಲಯದಿಂದ ಆರಂಭವಾದ ಮೆರವಣಿಗೆಯಲ್ಲಿ ವಾದ್ಯ, ವೇದ ಮೇಳಗಳು ಭಾಗವಹಿಸಿದ್ದವು. ವಿವಿಧ ಭಜನಾ ಮಂಡಳಿಗಳು ಸಾಥ್ ನೀಡಿದ್ದು, ಹನುಮಂತ ದೇವರ ದೇವಾಲಯದಲ್ಲಿ ಸಮಾರೋಪಗೊಂಡಿತು.

ದೇವಾಲಯ ಸಮಿತಿ ಅಧ್ಯಕ್ಷ ಗಂಗನಾಳ ಮುರಳೀಧರ ಕುಲಕರ್ಣಿ ಮಾತನಾಡಿ, ಜೂ.24ರಂದು ದೇವಾಲಯದಲ್ಲಿ ಜಯಂತ್ಯುತ್ಸವ ಹಮ್ಮಿಕೊಂಡಿದ್ದು, ಪರಿವಾರದ ಮೂರ್ತಿಗಳಿಗೆ ವಿಶೇಷ ಪೂಜೆ, ಅಭಿಷೇಕ, ಸಾಮೂಹಿಕ ಪಾರಾಯಣ, ಭಜನೆ ಮತ್ತು ಪ್ರಸಾದ ವಿತರಣೆ ಜರುಗಲಿದೆ. ಸಂಜೆ ತೊಟ್ಟಿಲು ಸೇವೆ ಮತ್ತು ನಿರಂತರ ಭಜನೆ ಹಮ್ಮಿಕೊಳ್ಳಲಾಗಿದೆ ಎಂದರು.

ನಗರಸಭೆ ಮಾಜಿ ಸದಸ್ಯ ವಾಸುದೇವ ನವಲಿ, ಪ್ರಮುಖರಾದ ರಾಘವೇಂದ್ರ ಮೇಗೂರು, ರಾಘವೇಂದ್ರ ಲೆಖ್ಖಿಹಾಳ್, ರಾಮಕೃಷ್ಣ ಕನಸಾವಿ, ಗುರುರಾಜ್ ಚಿರ್ಚನಗುಡ್ಡ, ಚಂದ್ರಕಾಂತ ಆಲ್ಲಂಪಲ್ಲಿ, ರಾಘವೇಂದ್ರ ಭಯ್ಯಪುರ, ಸತೀಶ ಕುಲ್ಕರ್ಣಿ ಇತರರಿದ್ದರು.