ಪಿಸಿ ಪರೀಕ್ಷೆ ಪಾರದರ್ಶಕವಾಗಿರಲಿ

ನಗರದ ಡಿಸಿ ಕಚೇರಿ ಸಭಾಂಗಣದಲ್ಲಿ ಗುರುವಾರ ಪೂರ್ವಭಾವಿ ಸಭೆ ನಡೆಸಿ ಮಾತನಾಡಿದರು.

ಪರೀಕ್ಷೆಗೆ ಶಿವದಾರ, ಜನಿವಾರ, ಮಾಂಗಲ್ಯ, ಮೂಗುತಿ ಮತ್ತು ವಿಭೂತಿಗೆ ಅವಕಾಶವಿದೆ. ನಿಯೋಜಿತ ಅಧಿಕಾರಿ/ಸಿಬ್ಬಂದಿ, ಡ್ರೆಸ್​ ಕೋಡ್​ ಅಧಿಕಾರಿಗಳು, ಪರೀಕ್ಷೆ ಪ್ರಾರಂಭವಾಗುವ ಮುನ್ನವೇ ಕೇಂದ್ರಗಳಲ್ಲಿರಬೇಕು. ಪರೀಕ್ಷೆ ಪ್ರಾಧಿಕಾರ ನೀಡಿದ ನಿಮ ಪಾಲನೆ ಕಡ್ಡಾಯ. ಅಂಗಶೋಧನೆ, ಮುಖಗುರುತು ಶೋಧನೆ ಸರಿಯಾಗಿ ನಡೆಸಿ. ಸಿಸಿಟಿವಿ ಕ್ಯಾಮರಾ ಕೆಲಸ ಮಾಡುವ ಬಗ್ಗೆ ಖಚಿತಪಡಿಸಿಕೊಳ್ಳಿ. ಪರೀಕ್ಷಾ ಸಿಬ್ಬಂದಿ, ತಪಾಸಣಾ ತಂಡಗಳು, ಸ್ವಚ್ಛತಾ ಸಿಬ್ಬಂದಿ ನಿಮ್ಮ ನಿಗದಿತ ಸ್ಥಳದಲ್ಲಿರಿ. ಅನಗತ್ಯ ಓಡಾಟ ಬೇಡ. ಭದ್ರತಾಲೋಪ ಕಂಡಲ್ಲಿ ತಕ್ಷಣ ಸರಿಪಡಿಸಿ ಪ್ರಾಧಿಕಾರಕ್ಕೆ ವರದಿ ಮಾಡಿ. ಶುದ್ಧ ಕುಡಿವ ನೀರು, ಶೌಚಗೃಹ, ಗಡಿಯಾರ ಇತರ ಮೂಲ ಸೌಕರ್ಯ ಒದಗಿಸಿ. ಮಹಿಳಾ ಅಭ್ಯರ್ಥಿಗಳ ಪರಿಶೀಲನೆಗೆ ಪ್ರತ್ಯೇಕ ವ್ಯವಸ್ಥೆ ಮಾಡುವಂತೆ ಸೂಚಿಸಿದರು.

ಎಸ್ಪಿ ಡಾ.ರಾಮ್​ ಎಲ್​.ಅರಸಿದ್ದಿ ಮಾತನಾಡಿ, ಬೆಳಗ್ಗೆ 10.30ರಿಂದ 12ಗಂಟೆವರೆಗೆ ಮಿಕ್ಕುಳಿದ ವೃಂದ, ಸಂಜೆ 4&5.30 ಗಂಟೆವರೆಗೆ ಸ್ಥಳಿಯ ವೃಂದ ಪರೀಕ್ಷೆ ನಡೆಯಲಿವೆ. ಕೊಪ್ಪಳ ನಗರ, ಭಾಗ್ಯನಗರ ಹಾಗೂ ಗಂಗಾವತಿಯಲ್ಲಿ 24 ಪರೀಕ್ಷಾ ಕೇಂದ್ರಗಳನ್ನು ಸ್ಥಾಪಿಸಲಾಗಿದೆ. ಮಿಕ್ಕುಳಿದ ವೃಂದದಲ್ಲಿ ಕೊಪ್ಪಳದ 16 ಪರೀಕ್ಷಾ ಕೇಂದ್ರಗಳಲ್ಲಿ 5,480, ಗಂಗಾವತಿಯ 8 ಕೇಂದ್ರಗಳಲ್ಲಿ 2,665 ಒಟ್ಟು 8,145 ಅಭ್ಯರ್ಥಿಗಳು ನೋಂದಾಯಿಸಿಕೊಂಡಿದ್ದಾರೆ. ಸ್ಥಳಿಯ ವೃಂದದಲ್ಲಿ ಕೊಪ್ಪಳದ 16 ಪರೀಕ್ಷಾ ಕೇಂದ್ರಗಳಲ್ಲಿ 4,922, ಗಂಗಾವತಿಯ 4 ಕೇಂದ್ರಗಳಲ್ಲಿ 1,327 ಒಟ್ಟು 6,249 ಅಭ್ಯರ್ಥಿಗಳು ಪರೀಕ್ಷೆ ಬರೆಯಲಿದ್ದಾರೆಂದು ಮಾಹಿತಿ ನೀಡಿದರು.

ಅಪರ ಜಿಲ್ಲಾಧಿಕಾರಿ ಸಿದ್ರಾಮೇಶ್ವರ, ಎಎಸ್ಪಿ ಹೇಮಂತ್​ಕುಮಾರ, ಡಿಯುಡಿಸಿ ಪಿಡಿ ಮಂಜುನಾಥ ಗುಂಡೂರ, ಡಿಡಿಪಿಯು ಜಗದೀಶ್​, ಕೊಪ್ಪಳ ಡಿವೈಎಸ್​ಪಿ ಮುತ್ತಣ್ಣ ಸವರಗೋಳ ಇತರರಿದ್ದರು.

"

ಪರೀಕ್ಷಾ ಅವಧಿಯಲ್ಲಿ ಕೇಂದ್ರಗಳ ಸುತ್ತಲಿನ ಎಲ್ಲ ಜೆರಾಕ್ಸ್​ ಅಂಗಡಿಗಳು ಹಾಗೂ ಸೈಬರ್​ ಕೆಫೆಗಳನ್ನು ಕಡ್ಡಾಯವಾಗಿ ಮುಚ್ಚಬೇಕು. ಕೇಂದ್ರಗಳ ಸುತ್ತಲೂ ಸೂಕ್ತ ಭದ್ರತೆ ಒದಗಿಸಿ. ನಿಯೋಜಿತ ಅಧಿಕಾರಿಗಳು ಕೆಇಎ ನೀಡಿರುವ ಎಲ್ಲ ಮಾರ್ಗಸೂಚಿ, ಸೂಚನೆಗಳನ್ನು ಕಡ್ಡಾಯವಾಗಿ ಓದಿಕೊಂಡು ಸರಿಯಾಗಿ ಅರ್ಥಮಾಡಿಕೊಳ್ಳಬೇಕು. ಪರೀಕ್ಷಾ ಕರ್ತವ್ಯದಲ್ಲಿ ಯಾವುದೇ ಗೊಂದಲವಾಗಬಾರದು.

— ಡಾ.ಸುರೇಶ ಬಿ.ಇಟ್ನಾಳ. ಕೊಪ್ಪಳ ಡಿಸಿ.

"

ಬಿಗಿ ಪೊಲೀಸ್​ ಬಂದೋಬಸ್ತ್​ ವ್ಯವಸ್ಥೆ ಮಾಡಲಾಗಿದೆ. ಪ್ರಶ್ನೆ ಪತ್ರಿಕೆಗಳ ಸಾಗಣೆಗೆ ತ್ರಿ ಸದಸ್ಯ ಸಮಿತಿಯನ್ನು ರಚಿಸಲಾಗಿದೆ. ಮಾರ್ಗಾಧಿಕಾರಿಗಳನ್ನು ನೇಮಿಸಿದ್ದು, ಕೇಂದ್ರಗಳಲ್ಲಿ ಸಿಸಿಟಿವಿ ಮತ್ತು ವೆಬ್​ಕಾಸ್ಟಿಂಗ್​ ವ್ಯವಸ್ಥೆ ಇರಲಿದೆ. ಪ್ರತಿ ಸೆಂಡರ್​ಗೆ ಜಾಮರ್​ ಅಳವಡಿಸಲಾಗುವುದು. ಒಬ್ಬ ವೀಕ್ಷಕ ಅಧಿಕಾರಿ, ವಸ್ತ್ರಸಂಹಿತೆ ಅಧಿಕಾರಿ, ಪ್ರಶ್ನೆಪತ್ರಿಕೆ ಪಾಲಕ, ಜಗೃತದಳ ಸಿಬ್ಬಂದಿ ಇರುವರು.

— ಡಾ.ರಾಮ್​ ಎಲ್​.ಅರಸಿದ್ದಿ. ಕೊಪ್ಪಳ ಎಸ್ಪಿ.