ಪಕ್ಷದ ಚಟುವಟಿಕೆಯಲ್ಲಿ ಸಕ್ರಿಯವಾಗಿ ಪಾಲ್ಗೊಳ್ಳಿ

ಪಟ್ಟಣದ ಮಾಜಿ ಸಚಿವ ಅಮರೇಗೌಡ ಪಾಟೀಲ್ ಬಯ್ಯಪೂರು ನಿವಾಸದಲ್ಲಿ ಬಿಎಲ್‌ಒ-2 ಪಟ್ಟಣದ ಹಾಗೂ ತಾಲೂಕಿನ ಮುಖಂಡರ ಸಭೆಯಲ್ಲಿ ಭಾನುವಾರ ಮಾತನಾಡಿದರು. ಕಾರ್ಯಕರ್ತರು ಬೂತ್ ಮಟ್ಟದ ಕೆಲಸ ಮಾಡಬೇಕಿದೆ. ಪಂಚಾಯತ್ ಹಂತದಲ್ಲಿ ಯುವಕರನ್ನು ನೇಮಕ ಮಾಡಿ ಪಕ್ಷದ ಚಟುವಟಿಕೆಯಲ್ಲಿ ಸಕ್ರಿಯವಾಗಿ ಪಾಲ್ಗೊಳ್ಳುವಂತೆ ತಿಳಿಸಬೇಕು ಎಂದರು.

ಕಾಡಾ ಅಧ್ಯಕ್ಷ ಹಸನಸಾಬ್ ದೋಟಿಹಾಳ್ ಮಾತನಾಡಿ, ಪಕ್ಷದ ತಳಹಂತದಲ್ಲಿ ಕಾರ್ಯಕರ್ತರು ಶ್ರಮಿಸಬೇಕಿದೆ. ಆಯಾ ವಾರ್ಡ್‌ಗಳಲ್ಲಿ ಮತದಾರರನ್ನು ಪಟ್ಟಿಯಲ್ಲಿ ಸೇರ್ಪಡೆ ಮಾಡಬೇಕಿದೆ ಎಂದು ತಿಳಿಸಿದರು.

ಪ್ರಮುಖರಾದ ಶೇಖರಗೌಡ ಮಾಲಿಪಾಟೀಲ್, ಲಾಡ್ಲೇಮಶಾಕ್ ದೋಟಿಹಾಳ್, ಮಾಲತಿ ನಾಯಕ್, ಮೈನುದ್ದೀನ್ ಮುಲ್ಲಾ, ಶಕುಂತಲಾ ಹಿರೇಮಠ, ಶಾರದಾ ಕಟ್ಟಿಮನಿ, ವೀರೇಶ್ ಗುರಿಕಾರ್, ಯಲ್ಲಪ್ಪ ಬಾಗಲಿ, ಮೆಹೆಬೂಬ್ ಬೀ, ಕೇದರನಾಥ ಕುಲಕರ್ಣಿ ಇದ್ದರು.