ಸ್ಕಾನಿಂಗ್​ ಸೆಂಟರ್​ಗಳಿಗೆ ಅಧಿಕಾರಿಗಳ ಬೇಟಿ ಕಡ್ಡಾಯ

ನಗರದ ಜಿಲ್ಲಾ ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಕಾರ್ಯಾಲಯದಲ್ಲಿ ಶುಕ್ರವಾರ ನಡೆದ ಪಿ.ಸಿ ಮತ್ತು ಪಿ.ಎನ್​.ಡಿ.ಟಿ ಕಾಯ್ದೆ ಅನುಷ್ಠಾನದ ಜಿಲ್ಲಾ ಮಟ್ಟದ ಸಲಹಾ ಸಮಿತಿ ಸಭೆಯಲ್ಲಿ ಮಾತನಾಡಿದರು.

ಸ್ಕಾನಿಂಗ್​ ಸೆಂಟರ್​ಗಳು ನಿಯಮಾನುಸಾರ ನೋಂದಣಿ ಮಾಡಿಕೊಳ್ಳಬೇಕು. ನೋಂದಣಿ ಅಥವಾ ನವೀಕರಣವಿಲ್ಲದ, ದಾಖಲೆ ನಿರ್ವಹಿಸದ ಸಂಸ್ಥೆಗಳನ್ನು ತಕ್ಷಣವೇ ಮುಚ್ಚಿಸಲು ಕ್ರಮ ಕೈಗೊಳ್ಳಲಾಗುವುದು. ಭ್ರೂಣ ಲಿಂಗ ಪತ್ತೆ ಕೃತ್ಯದಲ್ಲಿ ಭಾಗಿಯಾಗುವ ವೈದ್ಯರಿಗೆ ಕಾರಾಗೃಹ ಶಿಕ್ಷೆ ಮತ್ತು ದಂಡ ವಿಧಿಸಲಾಗುವುದು. ಮೊದಲ ಅಪರಾಧಕ್ಕೆ 5 ವರ್ಷ ಪರವಾನಗಿ ರದ್ದುಪಡಿಸಿದರೆ, ಎರಡನೇ ಬಾರಿ ಕಂಡುಬಂದಲ್ಲಿ ವೈದ್ಯಕಿಯ ವೃತ್ತಿಯಿಂದಲೇ ಆಜೀವ ನಿಷೇಧ ಹೇರಲಾಗುವುದು ಎಂದರು.

ಲಿಂಗ ಪತ್ತೆಗೆ ಒತ್ತಾಯಿಸುವ ಪತಿ ಅಥವಾ ಸಂಬಂಧಿಕರಿಗೂ 3&5 ವರ್ಷ ಜೈಲು ಶಿಕ್ಷೆ ಹಾಗೂ 1 ಲಕ್ಷ ರೂ. ದಂಡ ವಿಧಿಸಲು ಕಾನೂನಿನಲ್ಲಿ ಅವಕಾಶವಿದೆ. ಜಿಲ್ಲಾ ಮಟ್ಟದ ತಪಾಸಣಾ ಸಮಿತಿಯು ಸ್ಕಾನಿಂಗ್​ ಸೆಂಟರ್​ಗಳ ಕಾರ್ಯವೈಖರಿಯನ್ನು ನಿರಂತರವಾಗಿ ಮೇಲ್ವಿಚಾರಣೆ ಮಾಡಬೇಕು. ಯಾವುದೇ ರೀತಿಯ ಜಾಹೀರಾತುಗಳ ಮೂಲಕ ಲಿಂಗ ಪತ್ತೆಗೆ ಪ್ರೇರೇಪಿಸುವುದು ಕಂಡುಬಂದಲ್ಲಿ ತಕ್ಷಣ ವರದಿ ನೀಡಬೇಕು ಎಂದು ತಿಳಿಸಿದರು.

ಮುನಿರಾಬಾದ್​ ಸಿಎಚ್​ಸಿ ಪ್ರಸೂತಿ ತಜ್ಞ ಡಾ. ಕೆ.ಹೆಚ್​. ತೊಗರಿ, ಜಿಲ್ಲಾ ಆಸ್ಪತ್ರೆಯ ಮಕ್ಕಳ ತಜ್ಞ ಡಾ. ಗಿರೀಶ, ಯೂನಿಸೆಫ್​ ಅಧಿಕಾರಿ ಹರೀಶ್​ ಜೋಗಿ, ಜಿಲ್ಲಾ ಅನುಷ್ಠಾನಾಧಿಕಾರಿ ಡಾ. ರವೀಂದ್ರನಾಥ್​ ಎಂ.ಎಚ್​., ರೇಡಿಯೋಲಜಿಸ್ಟ್​ ಡಾ. ದಯಾನಂದ ಸ್ವಾಮಿ ಇತರರಿದ್ದರು.

"