ತಾಲೂಕು ಅಧ್ಯಕ್ಷ ಹರೀಶ ಪೂಜಾರ ಮಾತನಾಡಿ, ಕಳೆದ ವರ್ಷ ಯುಗಾದಿಯಿಂದ ಪ್ರಸ್ತುತ ವರ್ಷದ ಯುಗಾದಿವರೆಗೆ ಜೋಡಿ ಕಾಯಿಗೆ 60 ರೂ.ನಂತೆ ದೇವಸ್ಥಾನ ವ್ಯಾಪ್ತಿಯಲ್ಲಿ ತೆಂಗಿನಕಾಯಿ ಮಾರಾಟ ಮಾಡಲು 29 ಲಕ್ಷ ರೂ.ಗಳಿಗೆ ದೇವಸ್ಥಾನ ಸಮಿತಿ ಹರಾಜು ನೀಡಿತ್ತು. ಆದರೆ, ಜೋಡಿ ಕಾಯಿಗೆ 80-100 ರೂ.ವರೆಗೆ ಮಾರಾಟ ಮಾಡಲಾಗಿದೆ.

ಅಲ್ಲದೇ, ಹರಾಜು ಅವಧಿ ಮುಗಿದಿದ್ದು, ಲಕ್ಷಾಂತರ ರೂ. ಬಾಕಿ ಉಳಿಸಿಕೊಂಡಿದ್ದಾರೆ. ಹರಾಜು ಪಡೆದವರಿಂದ ಬಾಕಿ ಹಣ ಪಡೆಯದೇ ಅಧಿಕಾರಿ ಹಾಗೂ ಸಿಬ್ಬಂದಿ ಅವರ ಜತೆ ಶಾಮೀಲಾಗಿ ಮುಚ್ಚಿ ಹಾಕುವ ಯತ್ನ ಮಾಡುತ್ತಿದ್ದಾರೆ. ಇನ್ನು ಜಾತ್ರೆಯಲ್ಲಿ ವ್ಯಾಪಾರಸ್ಥರು, ಜೋಕಾಲಿ ಅಂಗಡಿಗಳಿಂದ ದೇವಸ್ಥಾನ ಸಿಬ್ಬಂದಿ ಹೆಚ್ಚಿನ ಹಣ ಪಡೆದು ವಂಚಿದ್ದಾರೆ. ಪ್ರಭಾವಿಗಳ ಖಾತೆಗೆ ಹಣ ವರ್ಗಾಯಿಸಿ ಹಣ ಪಡೆಯುವ ಸಿಬ್ಬಂದಿ ವಿರುದ್ಧ ಕ್ರಮ ಕೈಗೊಳ್ಳವಂತೆ ಆಗ್ರಹಿಸಿದರು.

ಜಿಲ್ಲಾಧ್ಯಕ್ಷ ಬಿ.ಗಿರೀಶಾನಂದ, ಯುವ ಘಟಕದ ಅಧ್ಯಕ್ಷ ಹನಮಂತ ಬೆಸ್ತರ್, ಉಪಾಧ್ಯಕ್ಷ ಶಿವನಗೌಡ ಪಾಟೀಲ್, ಪ್ರಧಾನ ಕಾರ್ಯದರ್ಶಿ ನಿಂಗಪ್ಪ ಮಾಗಿನ, ಮಹಿಳಾ ಘಟಕದ ಅಧ್ಯಕ್ಷೆ ಭುವನೇಶ್ವರಿ ಮೋಟಗಿ, ಪ್ರಧಾನ ಸಂಚಾಲಕ ಗವಿಸಿದ್ದಪ್ಪ ಚಕ್ಕಡಿ, ನಗರ ಘಟಕ ಅಧ್ಯಕ್ಷ ಬಸವರಾಜ ಕೋರಿ, ನಗರ ಮಹಿಳಾ ಘಟಕದ ಅಧ್ಯಕ್ಷೆ ಹುಲಿಗೆಮ್ಮ ನಾಯಕ ಇತರರಿದ್ದರು.