ಜಾನುವಾರು ಕೊಳ್ಳುವರಿಲ್ಲ

ಜೂನ್​ ಎರಡನೇ ವಾರದಿಂದ ಈವರೆಗೂ ಜಿಲ್ಲಾದ್ಯಂತ ಮಳೆ ಸುರಿದಿಲ್ಲ. ತೀವ್ರ ಮಳೆ ಕೊರತೆಯಿಂದ ಬಿತ್ತನೆಗೆ ಹಿನ್ನಡೆಯಾಗಿದೆ. ಬಿತ್ತಿದ ಬೆಳೆಯೂ ಮೊಳಕೆಯಾಗದೇ ಮರುತ್ತಿವೆ. ಚಿಗುರು ಬಂದ ಬೆಳೆಗಳು ಬಾಡುತ್ತಿವೆ. ಕೃಷಿ ಚಟುವಟಿಕೆಗಳು ಣಿಸಿವೆ. ಕೃಷಿಕರಿಗೂ ಕೆಲಸವಿಲ್ಲದಂತಾಗಿದೆ. ಕೃಷಿ ಕಾರ್ಮಿಕರು ಕೆಲಸ ಅರಿಸಿ ಮಹಾನಗರಗಳತ್ತ ಮುಖ ಮಾಡುತ್ತಿದ್ದಾರೆ. ಮತ್ತೊಂದೆಡೆ ರೈತರು ಭವಿಷ್ಯ ನೆನೆದು ಎತ್ತು, ಎಮ್ಮೆ, ಆಕಳು ಮಾರಾಟಕ್ಕೆ ಮುಂದಾಗಿದ್ದಾರೆ. ಆದರೆ, ಮಾರುಕಟ್ಟೆಯಲ್ಲಿ ಜಾನುವಾರುಗಳಿಗೆ ಬೇಡಿಕೆ ಇಲ್ಲ. ಪರಿಣಾಮ ಕೊಳ್ಳುವವರೂ ಇಲ್ಲದಂತಾಗಿದೆ. ಹೀಗಾಗಿ ಬೆಲೆ ಸಿಗದೆ ಅನ್ನದಾತರು ಪರದಾಡುವಂತಾಗಿದೆ.

ಕೊಪ್ಪಳ ತಾಲೂಕಿನ ಗಿಣಿಗೇರಾ ಜಾನುವಾರ ಮಾರುಕಟ್ಟೆ ರಾಜ್ಯಾದ್ಯಂತ ಹೆಸರಾಗಿದೆ. ಶುಕ್ರವಾರ ಸಂತೆಯಲ್ಲಿ ಅತ್ಯಧಿಕ ಜಾನುವಾರುಗಳು ಕಂಡುಬಂದವು. ಆದರೆ, ಸಂಜೆಯಾದರೂ ಕೊಳ್ಳುವವರು ಯಾರೂ ಇಲ್ಲದಂತಾಯಿತು. ದಲ್ಲಾಲಿಗಳು ಪರಿಸ್ಥಿತಿ ಲಾಭ ಪಡೆಯಲು ಅತೀ ಕಡಿಮೆ ಬೆಲೆಗೆ ನೀಡುವಂತೆ ಕೇಳಿದರು. ಲಾಂತರ ರೂ. ಬಾಳುವ ಜೋಡೆತ್ತುಗಳನ್ನು ಅರ್ಧ ಬೆಲೆಗೆ ನೀಡುವಂತೆ ಬೇಡಿಕೆ ಇಟ್ಟರು.

ಇತ್ತ ಮಾರಾಟ ಮಾಡಲಾಗದೆ, ಬರ ಪರಿಸ್ಥಿತಿಯಲ್ಲಿ ಜೊತೆಗಿಟ್ಟುಕೊಂಡು ಸಾಕಲಾಗದೆ ಇಬ್ಬಂದಿ ಸ್ಥಿತಿಗೆ ಜಾನುವಾರು ಮಾಲೀಕರು ಸಿಲುಕುವಂತಾಗಿದೆ. ಬೆಳಗಿನಿಂದ ಸಂಜೆವರೆಗೂ ಕಾದರೂ ಬೆಲೆ ಸಿಗದ ಕಾರಣ ಮತ್ತೆ ರಾಸುಗಳನ್ನು ತಮ್ಮೊಡನೆ ಕರೆದುಕೊಂಡು ಹೋದ ದೃಶ್ಯಗಳು ಕಂಡುಬಂದವು. ಕೊಪ್ಪಳ, ವಿಜಯನರಗ, ಬಳ್ಳಾರಿ, ಗದಗ ಸೇರಿ ವಿವಿಧ ಜಿಲ್ಲೆಗಳಿಂದ ರೈತರು ಮಾರುಕಟ್ಟೆಗೆ ಆಗಮಿಸಿದ್ದರು.

"

ಮಳೆ ಆಗುತ್ತಿಲ್ಲ. ರಾಸುಗಳನ್ನು ಸಾಕುವುದು ಕಷ್ಟ. ಹೀಗಾಗಿ ಮಾರಾಟ ಮಾಡಲು ಬಂದಿದ್ದೇವೆ. ಆದರೆ, ಬೆಲೆ ಸಿಗುತ್ತಿಲ್ಲ. ದಲ್ಲಾಲಿಗಳು ಬಾಯಿಗೆ ಬಂದಂತೆ ದರ ನಿಗದಿ ಮಾಡುತ್ತಿದ್ದಾರೆ. ಲಾಂತರ ರೂ. ಕೊಟ್ಟು ಕೊಂಡ ರಾಸುಗಳನ್ನು ಅಡ್ಡಾದಿಡ್ಡಿಗೆ ಮಾರುವುದು ಹೇಗೆ ? ಸರ್ಕಾರ ಮೇವು ಬ್ಯಾಂಕ್​ ಮಾಡಿದಲ್ಲಿ ಅನುಕೂಲವಾಗಲಿದೆ.

— ಮಹಮ್ಮದ್​ ಸಾಬ್​. ರೈತ ಹೊಸಪೇಟೆ.