ರಾಷ್ಟ್ರೀಯ ಹಸ್ತಪ್ರತಿ ಸಮೀಕ್ಷೆ

ನಗರದ ಜಿಲ್ಲಾಧಿಕಾರಿಗಳ ಕಚೇರಿ ಸಭಾಂಗಣದಲ್ಲಿ ಪುರಾತತ್ವ ಸಂಗ್ರಹಾಲಯಗಳು ಮತ್ತು ಪರಂಪರೆ ಇಲಾಖೆ, ಪ್ರವಾಸೋದ್ಯಮ ಇಲಾಖೆಯಿಂದ ಹಮ್ಮಿಕೊಂಡಿದ್ದ ಜಿಲ್ಲಾ ಸಮಿತಿ ಸಭೆಯಲ್ಲಿ ಮಾತನಾಡಿದರು.

ಕೇಂದ್ರದ ಜ್ಞಾನ ಭಾರತಂ ಮಿಷಿನ್​ ಯೋಜನೆಯಡಿ ಸಮೀೆ ನಡೆಯುತ್ತಿದೆ. ಶತಮಾನಗಳಷ್ಟು ಹಳೆಯದಾದ ಕೈಬರಹ ಪಠ್ಯಗಳು, ಹಸ್ತಪ್ರತಿಗಳು ಹಾಗೂ ಐತಿಹಾಸಿಕ ದಾಖಲೆಗಳನ್ನು ಸಂರಕ್ಷಿಸಿ ಡಿಜಿಟಲೀಕರಣ ಮಾಡುವ ಮಹತ್ತರ ಕಾರ್ಯಕ್ಕೆ ಚಾಲನೆ ನೀಡಲಾಗಿದೆ. ದೇಶದ ಶ್ರೀಮಂತ ಸಾಂಸತಿಕ ಪರಂಪರೆ ಶಾಶ್ವತವಾಗಿ ಉಳಿಸುವುದಾಗಿದೆ. ಸಾರ್ವಜನಿಕರಿಗೆ ಒಂದೇ ರಾಷ್ಟ್ರೀಯ ವೇದಿಕೆ ಮೂಲಕ ಪ್ರವೇಶ ಕಲ್ಪಿಸುವುದಾಗಿದೆ. ಹಸ್ತಪ್ರತಿಗಳ ಸಮೀಕ್ಷೆ, ಸಂರಕ್ಷಣೆ, ಡಿಜಿಟಲೀಕರಣ, ನೋಂದಣಿ, ವಿಮರ್ಶಾತ್ಮಕ ಸಂಪಾದನೆ ಮತ್ತು ಪ್ರಕಟಣೆ ನಡೆಯಲಿದೆ ಎಂದರು.

ಮೊಬೈಲ್​ ಅಪ್ಲಿಕೇಷನ್​ ಮೂಲಕ ದೇಶಾದ್ಯಂತ ಇರುವ ಹಸ್ತಪ್ರತಿ ಮಾಹಿತಿ ಸಂಗ್ರಹಿಸಿ ಜಾಗತಿಕ ಮಟ್ಟದಲ್ಲಿ ಮಾಹಿತಿ ಹಂಚಿಕೊಳ್ಳಲು ಯೋಜಿಸಲಾಗಿದೆ. ಜಿಲ್ಲಾಮಟ್ಟದಲ್ಲಿ ಹಸ್ತಪ್ರತಿ ಸಂಗ್ರಹಕ್ಕೆ ಆದ್ಯತೆ ನೀಡಲಾಗಿದೆ. ಸಂಬಂಧಿಸಿದ ಅಧಿಕಾರಿಗಳು ಸಮನ್ವಯತೆಯಿಂದ ಕೆಲಸ ಮಾಡಿ. ಗ್ರಂಥಾಲಯ, ದೇವಾಲಯ, ಮಠ, ಶಿಕ್ಷಣ ಸಂಸ್ಥೆ, ಖಾಸಗಿ ಸಂಗ್ರಹದಲ್ಲಿರುವ ಹಸ್ತಪ್ರತಿ ಗುರುತಿಸಿ. ಸಂಗ್ರಹ ಸ್ಥಳಕ್ಕೆ ಪ್ರವೇಶ, ದಾಖಲೀಕರಣ, ಪಟ್ಟಿ ಮಾಡುವಿಕೆ, ಸ್ಥಳಿಯರಿಗೆ ಮಾಹಿತಿ ನೀಡುವಿಕೆ, ಪ್ರಗತಿ ವರದಿ ಸಲ್ಲಿಕೆಗೆ ಸಹಕರಿಸುವಂತೆ ಹೇಳಿದರು.

ವೈಜ್ಞಾನಿಕ ಸಮೀೆ ಕೈಗೊಂಡಿದ್ದು ದತ್ತಾಂಶದ ಗುಣಮಟ್ಟ ಮತ್ತು ನಕಲಿ ನಿವಾರಣೆಗೆ ಪ್ರಾಮುಖ್ಯತೆ ನೀಡಲಾಗಿದೆ. ಸಂಗ್ರಹ ನಕ್ಷೆಗೊಳಿಸುವಿಕೆ, ಕ್ಷೇತ್ರ ಸಮೀಕ್ಷೆ, ಮೆಟಾಡೇಟಾ ದಾಖಲಾತಿ, ಡಿಜಿಟಲ್​ ಅಪ್ಲೋಡ್​ ಹಾಗೂ ಪರಿಶೀಲನೆ ಹಂತಗಳನ್ನು ಒಳಗೊಂಡಿದೆ. ಡಿಜಿಟಲ್​ ಸೌಲಭ್ಯಗಳ ಕೊರತೆಯಿರುವ ಪ್ರದೇಶಗಳಲ್ಲಿ ಕೈಪಿಡಿ ಸಮೀಕ್ಷೆಯನ್ನೂ ನಡೆಸಬೇಕು ಎಂದು ನಿರ್ದೇಶನ ನೀಡಿದರು.

ಜಿಪಂ ಸಿಇಒ ವರ್ಣಿತ್​ ನೇಗಿ, ಎಡಿಸಿ ಸಿದ್ರಾಮೇಶ್ವರ, ಪುರಾತತ್ವ ಉಪನಿರ್ದೇಶಕ ಶೆಜೇಶ್ವರ ಆರ್​., ಪ್ರವಾಸೋದ್ಯಮ ಸಹಾಯಕ ನಿರ್ದೇಶಕ ನಾಗರಾಜ ಡಿ., ಆನೆಗೊಂದಿ ರಾಜವಂಶಸ್ಥ ಶ್ರೀಕೃಷ್ಣ ದೇವರಾಯ, ವಿದ್ವಾನ್​ ಶಿವರಾಮ್​ ಕೃಷ್ಣಾನಂದ ಸ್ವಾಮೀಜಿ, ವಿದ್ವಾನ್​ ಪ್ರಾಣೇಶಾಚಾರ್​, ಕೊಪ್ಪಳ ಕ್ಲಸ್ಟರ್​ ಕೇಂದ್ರ ಸಂಯೋಜಕ ಪ್ರಮೋದ್​ ಆಚಾರ್ಯ ಪೂಜಾರ, ಇತಿಹಾಸಕಾರ ಶರಣಬಸಪ್ಪ ಕೋಲ್ಕಾರ್​, ಡಾ.ರವಿ ಚೌವ್ಹಾಣ್​, ಡಾ.ಸಿದ್ದಲಿಂಗಪ್ಪ ಕೊಟ್ನೇಕಲ್​, ಡಾ.ಗೀತಾ ಪಾಟೀಲ್​ ಇತರರಿದ್ದರು.