ಸಚಿವ ಹರ್ಷಾ ಮಲ್ಹೋತ್ರಾ ಅಂಜನಾದ್ರಿಗೆ ಭೇಟಿ

ಹೊಸಪೇಟೆ ಮೂಲಕ ಅಂಜನಾದ್ರಿಗೆ ಆಗಮಿಸಿದ ಸಚಿವ, ಸ್ಥಳೀಯ ಪೊಲೀಸರು ಮತ್ತು ಬಿಜೆಪಿ ಬೆಂಬಲಿಗರ ನೆರವಿನೊಂದಿಗೆ ಬೆಟ್ಟ ಹತ್ತಿದರು. ಮೂರ್ತಿ ಮುಂದೆ ಕೆಲಕಾಲ ಧ್ಯಾನ ಮಾಡಿ ಬೆಟ್ಟದ ಮೇಲಿಂದ ಸುತ್ತಲಿನ ಪರಿಸರ ವೀಕ್ಷಿಸಿದರು. ಬೆಟ್ಟದ ಐತಿಹ್ಯ ಮತ್ತು ಪರಿಸರ ಕುರಿತು ಡಿವೈಎಸ್ಪಿ ಜೆ.ಎಸ್.ನ್ಯಾಮಗೌಡ ವಿವರಿಸಿದರು. ನಂತರ ಬಿಜೆಪಿ ಮುಖಂಡರು ಹಾಗೂ ಸಚಿವರನ್ನು ಭೇಟಿ ಮಾಡಿ ಅಂಜನಾದ್ರಿ ಬೆಟ್ಟದ ವ್ಯಾಪ್ತಿಯಲ್ಲಿ ಹೆದ್ದಾರಿ ನಿರ್ಮಾಣದ ಪ್ರಸ್ತಾವನೆ ಚರ್ಚಿಸಿ ಅನುದಾನ ನೀಡುವಂತೆ ಮನವಿ ಮಾಡಿದರು. ಮನವಿಗೆ ಸಚಿವ ಸಕರಾತ್ಮಕವಾಗಿ ಸ್ಪಂದಿಸಿದ್ದು, ಪ್ರಸ್ತಾವನೆ ಪರಿಶೀಲಿಸುವ ಭರವಸೆ ನೀಡಿದರು.

ಸಚಿವ ಹರ್ಷಾ ಮಲ್ಹೋತ್ರಾ ಅವರನ್ನು ಸ್ಥಳೀಯ ಮುಖಂಡರು ಸನ್ಮಾನಿಸಿದರು.ಗ್ರೇಡ್-2 ತಹಸೀಲ್ದಾರ್ ಮಹಾಂತಗೌಡ ಗೌಡರ್, ಪ್ರಮುಖರಾದ ಸಂತೋಷ ಕೆಲೋಜಿ, ಎಚ್.ಎಂ.ಸಿದ್ರಾಮಯ್ಯಸ್ವಾಮಿ, ಚಿದಾನಂದ ನಾಯ್ಕ, ಬಸವರಾಜಸ್ವಾಮಿ ಇತರರಿದ್ದರು.