ಸಾಮೂಹಿಕ ಇಷ್ಟಲಿಂಗ ದೀಕ್ಷಾ

ಗಂಗಾವತಿ: ಮಹಾಶಿವರಾತ್ರಿ ನಿಮಿತ್ತ ನಗರದ ಹಿರೇಜಂತಕಲ್ ಐತಿಹಾಸಿಕ ಪ್ರಸಿದ್ಧ ಶ್ರೀ ಪ್ರಸನ್ನ ಪಂಪಾ ವಿರೂಪಾಕ್ಷೇಶ್ವರ ದೇವಾಲಯದಲ್ಲಿ ವಿಶೇಷ ಪೂಜೆ ಮತ್ತು ಜಾಗರಣೆ ಹಮ್ಮಿಕೊಳ್ಳಲಾಗಿತ್ತು.

ದೇವಾಲಯದಲ್ಲಿನ ಮೂರ್ತಿಗೆ ಪೂಜೆ, ಅಭಿಷೇಕ, ರುದ್ರಾಭಿಷೇಕ, ಬಿಲ್ವಾರ್ಚನೆ ನೆರವೇರಿತು ಮತ್ತು ಸಾಮೂಹಿಕ ಭಜನೆ ಹಮ್ಮಿಕೊಳ್ಳಲಾಗಿತ್ತು. ನಗರಸಭೆ ಮಾಜಿ ಸದಸ್ಯೆ ಅರ್ಚನಾ ಶಿರಿಗೇರಿ, ಮುಖಂಡರಾದ ಎಸ್.ರಾಘವೇಂದ್ರ ಶ್ರೇಷ್ಠಿ, ಪರಮೇಶ್ವರ ಸೇರಿ ದೇವಾಲಯ ಸಮಿತಿ ಪದಾಧಿಕಾರಿಗಳಿದ್ದರು.

ಹಿರೇಜಂತಕಲ್ ಶ್ರೀ ಕನ್ಯಕಾಪರಮೇಶ್ವರಿ ದೇವಾಲಯದಲ್ಲಿ ಆರ್ಯ ವೈಶ್ಯ ಸಮಾಜದ ಹಿರೇಜಂತಕಲ್ ಮತ್ತು ವಿರುಪಾಪುರ ಘಟಕದಿಂದ ಮಹಾಶಿವರಾತ್ರಿ ವಿಶೇಷ ಪೂಜೆ ಹಮ್ಮಿಕೊಳ್ಳಲಾಗಿತ್ತು. ಮಣ್ಣಿನಿಂದ ತಯಾರಿಸಿದ 12 ಜ್ಯೋತಿರ್ಲಿಂಗಗಳಿಗೆ ಮಹಿಳಾ ಮಂಡಳಿ ಸದಸ್ಯರು ಪೂಜಿಸಿದರು. ಧಾರ್ಮಿಕ ಕಾರ್ಯಕ್ರಮಗಳ ಕುರಿತು ಅಧ್ಯಕ್ಷ ನಾಗರಾಜ ಶ್ರೇಷ್ಠಿ ದರೋಜಿ ಮಾತನಾಡಿದರು. ವಾಸವಿ ಮಹಿಳಾಮಂಡಳಿ ಅಧ್ಯಕ್ಷೆ ರುಕ್ಮಿಣಿ ದಮ್ಮೂರು, ಅರ್ಚಕ ಪ್ರಸನ್ನಾಚಾರ್, ಮುಖಂಡರಾದ ಮಂಜುನಾಥ, ಸತ್ಯನಾರಾಯಣ, ರಾಜಕುಮಾರ ವಿಜಯ, ಪದ್ಮಾವತಿ, ರಾಧಿಕಾ, ಮಂಜುಳಾ, ರೇಖಾಲಕ್ಷ್ಮೀ ಇತರರಿದ್ದರು.

ನಗರದ ನೀಲಕಂಠೇಶ್ವರ ದೇವಾಲಯದಲ್ಲಿ ಕುರುಹಿನ ಶೆಟ್ಟಿ ಸಮಾಜದಿಂದ ಮಹಾಶಿವರಾತ್ರಿ ಸಾಮೂಹಿಕ ಪೂಜೆ ಹಮ್ಮಿಕೊಳ್ಳಲಾಗಿತ್ತು. ಮೂರ್ತಿಗೆ ರುದ್ರಾಭಿಷೇಕ, ಅಭಿಷೇಕ, ಬಿಲ್ವಾರ್ಚನೆ, ಹೂವಿನ ಅಲಂಕಾರ ಮತ್ತು ಜಾಗರಣೆ ಭಜನೆ ಜರುಗಿತು. ಮಾಜಿ ಸಚಿವ ಎಂ.ಮಲ್ಲಿಕಾರ್ಜುನನಾಗಪ್ಪ, ಸಮಾಜದ ಮುಖಂಡರಾದ ಏಳುಬಾವಿ ಕುಬೇರಪ್ಪ, ಮಾಂತಗೊಂಡ ರವೀಂದ್ರನಾಥ, ವಿರೂಪಾಕ್ಷಪ್ಪ ಶಿರವಾರ, ಎಚ್.ನಾಗರಾಜ, ನವಣಕ್ಕಿ ಶಿವಪ್ಪ ಇತರರಿದ್ದರು.

ಜಯನಗರ: ಜಯನಗರದ ಶ್ರೀ ಗಂಗಾಧರೇಶ್ವರ ದೇವಾಲಯದಲ್ಲಿ ಮಹಿಳಾ ಮಂಡಳಿ ನೇತೃತ್ವದಲ್ಲಿ 201 ಮೃತ್ತಿಕಾ ಲಿಂಗಗಳನ್ನು ಏಕಕಾಲಕ್ಕೆ ಪೂಜಿಸಲಾಯಿತು. ರುದ್ರಾಭಿಷೇಕ, ಬಿಲ್ವಾರ್ಚನೆ ಮತ್ತು ಭಜನೆ ಜರುಗಿತು. ಪದಾಧಿಕಾರಿಗಳಾದ ಸೋಮಶೇಖರ ಕಂಪ್ಲಿ, ಶಿವಪ್ಪ ಗಾಳಿ, ಗವಿಸಿದ್ದಯ್ಯ, ಶ್ಯಾಮಮೂರ್ತಿ, ಅಮರೇಗೌಡ, ಮಹಾಲಿಂಗಪ್ಪ ಬನ್ನಿಕೊಪ್ಪ ಇತರರಿದ್ದರು.

ಕೊಟ್ಟೂರು ಬಸವೇಶ್ವರ ದೇವಾಲಯ: ನಗರದ ಶ್ರೀ ಕೊಟ್ಟೂರು ಬಸವೇಶ್ವರ ದೇವಾಲಯದಲ್ಲಿ ಮಹಾಶಿವರಾತ್ರಿ ನಿಮಿತ್ತ ಬಸವಪರ ಸಂಘಟನೆಗಳ ನೇತೃತ್ವದಲ್ಲಿ ಸಾಮೂಹಿಕ ಇಷ್ಟಲಿಂಗ ದೀಕ್ಷಾ ಸಮಾರಂಭ ಹಮ್ಮಿಕೊಳ್ಳಲಾಗಿತ್ತು. ಶಿವಯೋಗ ಪ್ರಾತ್ಯಕ್ಷಿಕೆಯನ್ನು ವೈಜ್ಞಾನಿಕವಾಗಿ ವಿವರಿಸಲಾಯಿತು. ಹೊಸಪೇಟೆಯ ಪುಣ್ಯಕೋಟಿ ೌಂಡೇಷನ್ ಮುಖ್ಯಸ್ಥ ಅಜಯ್‌ಕುಮಾರ ತಾಂಡೂರು ಮಾತನಾಡಿದರು. ರಾಷ್ಟ್ರೀಯ ಬಸವದಳದ ಪ್ರತಿನಿಧಿಗಳಾದ ಪಂಪಣ್ಣ ಕಿನ್ನಾಳ್, ವಿಜಯಲಕ್ಷ್ಮೀ ನಾರಿನಾಳ್, ಚನ್ನಬಸಮ್ಮ ಕಂಪ್ಲಿ ಅವರಿಂದ ವಚನ ಗಾಯನ ನಡೆಯಿತು. ಅರಳಹಳ್ಳಿ ಬೃಹನ್ಮಠದ ಪದ್ಮಾಕ್ಷರಯ್ಯಸ್ವಾಮೀಜಿ, ನಿರ್ದೇಶಕರಾದ ಟಿ.ಎಚ್.ಬಸವರಾಜ, ಕೆ.ಸಿದ್ದಲಿಂಗೇಶ್ವರ, ಎಚ್.ಬಸವರಾಜ, ಜಿ.ವಿನಾಯಕ, ಕೆ.ಬಸವರಾಜ, ದಿಲೀಪ್‌ಕುಮಾರ ವಂದಾಲ, ರುದ್ರಪ್ಪ ಗಾಳಿ, ಎ.ಕೆ.ಮಹೇಶಕುಮಾರ, ಎ್.ಷಣ್ಮುಖಪ್ಪ, ಶೇಖರಪ್ಪ ಅರಳಿ, ಡಿ.ಜಿ.ಮಠದ್, ಕೆ.ಕಾಳಪ್ಪ, ವೀರೇಶರಡ್ಡಿ ಇತರರಿದ್ದರು.